اليوم صلحت فيه المضروبه ( الجريش)....

طلعت ماشاء الله مضبوطه ..... اخذت طبعا وقت طويل بس في الاخير طلع الطبق يجنن وهذي اول تجربه لي للمضروبه..

الطريقه :

اول شي حطيت الدجاج بعد ماغسلته في السلوكوكر و اضفت عليه ماي على الحراره العاليه .. بعدين شلت الزفرة ..

بعدين اضفت الرز و البهار و الكزبرة الطازجه و قطع الطماطم و خليته على الحرارة العاليه اول ساعه و طبعا زوت اشوي ماي حار...

و بعدين فتحت الغطاء و حركت المضروبه و بعدين سكرت الغطاء و وطيت على الحرارة ....

بعد اقل من ساعه تقريبا حركت المضروبه وزودت شوي ماي...

و سكرت مرة ثانيه ... وكررت هالخطوة اكثر من مرة الى ان جهزت المضروبه ...

ممكن تقولون نفس الطريقه العاديه ... صح كلامكم بس الصراحه ماتحسين بحراره الطبخ في المطبخ ... ان شاء الله فهمتوني

انا حبيت هالجهاز و يصلح لي لاني ماعندي اواني طبخ كثير و خاصه للعزايم و المرة الجايه راح اصلح المرق والمحاشي ..

هذي تجربتي .. بس الصراحه ماانصح انكم تتركون الجهاز شغال و تطلعون برع البيت ....

و السبب .. لاحظت ان الماي يقل فتحتاجين اتضيفين ماي بعد فترة ...

و اهم نقطه انج اتزيتين الطبق قبل ماتطبخين فيه ..

up

الشكر للجميع على اثرائكم الموضوع وجزاكم الله خير
لي عوده ان شاء الله مع الردود قريبا

يا بنات من وين اشتريها بالرياض. وبكم؟

وشلون طريقه استعمالها لو بصلح مرقة لحم ؟