الفته المصرية

السلام عليكم ورحمة الله وبركاته

اقولكم على الفته بالطريقه المصريه ومع اضافات شويه من عندي

اولا اللحمه تكون شويه ملبسه او شويه فيها شويه دهن وتكون احسن لو لحمة ضأني او لحمة غنم وتسلق اللحمه طبعا بالطريقه اللى انتم عرفنها ماء ونضع فيه اللحمه المقطعه ونشيل الزفره من على الوجه بعد ان تغلي ويضاف اليه البصل وحبيتن طماطم وملح وفلفل اسود وبس مافيش حاجه غير كده علشان ريحه الشوربه تكون حلوه من غير قرفه وقرنفل وورق لوروا كل الكلام ده مايضعش بس كده وبعدين تستوي اللحمه
2 - الصلصة : ثوم كثير مدقوق ويحمر في زيت الذره مثلا ونضع حوالي ربع كوب خل ونضع عليه الطماطم المصفاه وتترك حتى تسبك كويس وبعدين نضيف عليه شويه شوربه صغيرين من شوربة اللحمه علشان ماتكونش تقيله .
3 - نعمل ارز ابيض عادي للفته .
3 - نجيب الخبز يحمص في الفرن وبعد ان يحمص يكسر قطع صغيره مش كبيره وبعدين يوضع عليه الزبده ويقلب ونضيف
4 - نعمل شوية ثوم مدقوق محمر بالزيت ونضع شويه فلفل حار كمان مدقوق مع الثوم وشوية خل ويحمر مع بعض وبعدين نضيف لهم شويه صلصة من بتاعة الفته اللى فوق كل ده يخلط مع العيش الاول مع كمان شويه ارز وبعدين توضع كل ده في طبق التقديم وبعدين نضع الارز الابيض فوق الخبز وبعدين الصلصة تغمر كل الوجهه بتاع الفته ونضع حوالين كبشتين مرقه على الوجهه بحيث لا تأثر على الصلصة ونضع اللحمه المسلوقه وتدخل الفرن حوالي 5 دقائق وتقدم مع سلطة الجرجير او البقدونس وبالهنا والشفا