الحظ يكون في كل شي وليس في الجمال او المال فقط.
بمعنى:
الصدق والحرص هذا حظ( وليس ميزة كما قد يفهم البعض)
حب الدراسة حظ( وليس ميزة.)
البنت السنعة تعتبر محظوظه لانها رزقت بهذه الصفة( وليست ميزة).
مهوب بس اللي تتزوج زوج مناسب نعتبرها محظوظه .. لا
كل صفة جميلة تمتلكينها هذي من حظك.

فيه اختين وحده جميلة جدا والثانيه عاديه.
الجميلة حظها انها صارت جميلة( اذن هي بدأت حياتها بحظ)
بينما العاديه او الشينه ( بدأت حياتها بقل حظ)
الجميلة حصلت على مميزات لجمالها ( مقربه من والدتها محبوبه دائما الكل يطلبها ويسأل عنها وغيرها من المميزات )
الشينة فقدت مميزات ( والدتها لا تحرص عليها , لا تقدر مواهبها , تتلقى تعليقات سخيفه سواء من اخوانها او اقربائها وغيرها وغيرها من العقبات في طفولتها وبداية حياتها)

اقرب لك اكثر عن طريق موقف: الجميلة مهما اخطأت والدتها بتلقالها عذر وبتصغر اخطائها,
الشينه لو تغلط مثلا رد فعل الام بيكون مختلف وممكن تهزئها وتفشلها امام الاخرين فبالتالي الشينه تفقد ثقتها بنفسها.
اذن: الجميلة محظوظه ويتم التغاضي عن تصرفاتها وتكون دلوعه وتتوقع من الزوج مثلا ان يقدم لها الحب والحنان مثل ما كانت اسرتها تقدمه لها على طبق من ذهب.
الشينه : تعودت على تكسير المجاديف هههههه فاما تصبح شخصيه معقده او انها تفهم الحياة ببساطة وتعيش حياتها بطريقة تكسب فيها حب ومشاعر الاخرين ( والكثير منهن ينجحن
لاننا دائما نجد قليلات حظ في الجمال ولكن اسلوبها جناااان )
فلنفرض انك جيتي يا امووله ومعك شنطة سبائك ذهب ( كناية عن الحظ الوفير هههه)
وكان الشرط انك تعطين الشنطه لوحده فقط من البنتين اللي فوق:
فهل ستعطيها ( وانتي البشر التي قد تصيبين وقد تخطئين)
هل ستعطيها للجميله التي عاشت طفولتها وشبابها بحب وحنان وتغاضي عن اخطاء ,
ام للشينه التي قاست من الذل والكلمات الجارحه والاقصاء والبكاء والحزن ( خصوصا اذا كانت شينه وحساسه)
اتوقع ان الشنطه ستكون من نصيب الشينة.

فاذا كنتي بشرا وكان هذا حكمك
فمابالك برب العباد ( العدل العادل الرحيم مقسم الارزاق)

والمثل اللي يقول الشينه حظها اوفر من الزينه غير صحيح
لان الزينه اصلا اخذت حظها من بداية حياتها وهي انها اصبحت جميلة
طيب هذا ما هو حظ بعد؟؟
الا حظ طبعا وهي تمتعت فيه وتبي تحصل على الحظ في كل حياتها الجاية !!
( زوج وغنى وتوفيق دراسي )
يجب ان تكون قنوعه اكثر وتبتعد عن المقارنات حتى ترتاح .

اذن: كل انسان في هذه الحياة يأخذ نصيبة وله حظ بطريقة قد لا نفهمها نحن
( خصوصا اذا انحصر الحظ لدينا بالشكل الجميل او الزوج المناسب او المال)
كل صفه جميله ( خلقية او اخلاقيه او في الشكل او في البسط في الرزق) هي في الواقع حظ
فما عليك الا تعداد كل ميزه وسترين ان هناك عدل.
مع الاخذ في الاعتبار الزمن ايضا بمعنى:
ممكن الحظ تاخذينه في طفولتك في اول شبابك في زواجك في شيخوختك( اولادك يبرون فيك ) وهكذا .

انا اخذت مثال ( الشينة والزينة) لتوضيح وجهه نظري في الموضوع
وهو ان كل انسان فيه صفات نعتبره محظوظ لامتلاكها.

هي مسألة توازن .... سبحانه يهب من يشاء بغير حساب ..
تجدين المحروم يسخر الله له من يعوضه حرمانه سواء أكان حرمانا
ماديا أم معنويا ..
والعاصي الذي يريد به خيرا يرزقه من فضله علّه يتذكر نعم
الله عليه فيعود تائبا .

هكذا هي الدنيا وتلك سنة الله في كونه ومخلوقاته ..
يسخر لكلّ ما يكمل جوانب النقص فيه ..
حتى لا ترجح كفة على أخرى .. فسبحان الله !!

صحيح كلامك
لكن الله سبحانه وتعالى يبلي الانسان المؤمن لأنه يحبه حتى يعرف مقدار صبره وحبه الى الله عز وجل وتمسكه بالله فيعرف سبحانه وتعالى قوة ايمانه غير ذلك الانسان الضعيف الذي اذا اصابته مصيبة ضعف ايمانه وتوجه نحو الطريق المسدود ويتجه نحو المنكر .
فالانسان المؤمن المبتلي او الذي اصابه كرب تجدينه يخشع لله ويكثر دعاؤه ويزيد تمسكه بالله عز وجل ..
ان الله يمهل ولا يهمل ..

ان الله اذا احب عبدا ابتلاه

و اشد الناس ابتلاءا الرسل و الانبياء و هم احب الخلق عند الله

لان بسبب الابتلاء يغفر الله ذنوب عباده و هذا هو الحظ العظيم

اما الدنيا الفانيه فهي قد تزينت للكافر قبل المسلم الفاسق

اللهم لا عيش الا عيش الاخره

اللهم لا تجعل الدنيا اكبر همنا و لا مبلغ علمنا

السلام عليكم

مشكورين بنات على مشاركاتكم الي راد ارد عليها الحين

راح ابدا بالاخت الحق حلووو

اختي انا اسالك انا تكلمت بموضوعي عن الاغنياء والفقراء؟؟؟

تكلمت عن البنت الغنيه والفقيره ؟؟؟

ياليت لو سمحتي ترجعين تقرين موضوعي مره ومرتين وعشرين عشان تعرفين انا تكلمت عن مين ماجبت طاري الاغنياء والفقراء ولا تكلمت عنهم ولا عن حظهم

ماتكلمت عن الناحيه الماديه ولا عن الناحيه اللاقتصاديه ولا عن الناحيه الاجتماعيه ما فتحت موضوعي عشان اتكلم عن هذا الغرض وهو حظ الغني وحظ الفقير

انا اتكلم عن الناحيه الاخلاقيه لبعض البنات وليس الكل عشان محد يزعل وحظ النوع هذا البنات فقط لاغيررر

لكن تجين تقولين لي الاغنياء سعداء والفقرائ تعساء مع اني ناجبت طاريهم بموضوعي برد عليك

مو كل الفقراء طيبين ومو كل الفقرا صالحين فيه ناس يمشون يطرون وتلاقينهم لا يصلون ولا شي ّّّّ!!! دام انتي تكلمتي عن الناحيه هذي

والاغنياء حبيبتي مو كلهم سعداء فيه ناس عندهم فلووس كثيررره ومو مبسوطين وفيه منهم الصالح وفيه منهم الطالح حالهم حال الفقراء !!!

مع اني ماقارنت بين الفقير والغني ولا ادري ليه انتي دخلتي هذا بموضوعي !!

هذي نقطه نقطه ثانيه ممكن اعرف الايات القرانيه اللي ذكرتيها بردك وش تقصدين فيها ؟؟

حبيبتي تبين تقولين لي ان احنا ناس ما نذكر الله ّّ!! الحمدلله كلنا ذاكرين لله ونقرا كتابه والحمدلله

انا كل الي تكلمت عنه الحظ بالنسبه لبعض البنات !!

نقطه ثاللثه دراسه علم النفس الي تكلمتي عنهامع اني ما اسميها دراسه

حبيبتي انا اكبرر من اني اجي واجيب حيا الله موضوع وادخل واكتب موضوع في المنتدى عشان العب واوسع صدري واسوي زوبعه على كلام فاضي !!

اانا انسانه متعللمه وفاهمه وعاقله وعارفه انا وش اكتب وش اقول

والبنات الي بالمنتدى اكبرر من انهم يتاثرون (بكلام فاضي ) ينمكن انتي تسمينه كذا
انا داخله وكاتبه موضوعي لاني عارفه اني اناقش بنات واعيات متعلمات فاهمات اكبر من انهم يتاثرون بسالفه أي كلام !!

ولو ترجعين تقرين ردود البنات عشان تتاكدين اغلبهم قالو صادقه يا اختي الشي هذا ملاحظينه !!

يعني هم شافو هذا بعينهم ولاحظوه مو جيت انا اقنتهم فيه غصب !!!

ولو سمحتي المره الجايه اقري الموضوع زين وفكري قبل ما تكتبين ردك

وشوفي ردود البنات وقريها وركزي فيها راح تتكادين ان كلهم فاهمين انا وش اقصد وفاهمين موضوعي زين

مشكوره لمرورك شرفتينا

بنات لو سمحتو تراني ماقلت ان البنت عاقله فقيره وطراره

والبنت ألي مب عاقله غنيه

كل موضوعي عن حظ البنت هذي وحظ البنت الثانيه هذي كل السالفه

مشكورين