الفزعه يا معلمات الحاسب الآلي والتربويات معلمه جديده طالبتكم تساعدونها

السلام عليكم ورحمة الله وبركاته



اخواتي في واحة التعليمه لمنتديات حواء



احب اولاً ابشركم اني توظفت معلمه بمدرسه اهليه:)



تخصصي فيزياء بدون تربوي ومعي دبلوم حاسب والحمدلله خبرتي بالحاسب جيده جدا



وتم قبولي في المدرسه الاهليه على ان ادرس الحاسب الآلي



ولا قد جربت اني ادرس مطلقا الا مرتين لمجموعه طالبات بسيطه وبعد ادرس اخوتي <<اخس يامدرس


المهم عندي ملايين الاسئله وياليت تجاوبوني وتساعدوني



1- استطعت ان اضبط الفصل واجذب انظار الطالبات ولكني لم استطع ان اشرح كل اللي نفسي فيه (الدرس الاول كامل) بصراحة حسيت بالارتباك وانحرجت لما لقيت كل انظار البنات فيني

يمكن تستغربون اسئلتي بس والله اتكلم من قلب صادق

بس بنفس الوقت انا ما اقتنعت بأدائي في الحصه الاولى

ابي اعرف كيف ابداء الدرس وخصوصا ثالث ثانوي ؟


2- البنات يسألوني عن الدفاتر كم ورقه وانا قلت لهم انه حتكون اوراق عمل وانا حأجيب الجيوب معاها

هل تصرفي صحيح

يعني اخليهم يجيبون جيبيات والا دفتر عادي وكم ورقه اطلب ؟

3- الطالبات يطلبون مني انزلهم المعمل والدروس الاولى ما تحتاج عرض بور بالذات ثالث ثانوي فإشرايكم اسوي الدروس بالبور والا اخليهم بالفصل ولا احتجنا المعمل نزلنا له؟

4- اسأل البنات ومحد يرد... اش الحل؟

5- ابي منكم كل النصائح التربويه في التدريس وبالله كل شخص يكتب لي الاشياء المهم اللي لازم اركز عليها ...

صح انها مدرسه اهليه لكني يهمني كثير ان انجز عمل يرضي الله ثم يرضيني

ومتحمسه كثير لأن ابدع مع الطالبات لكن احتاج الدعم النفسي

فأرجوكم لا تقصرون معي






6- منهج ثالث ثانوي منهج جديد علي لا اخفيكم بأني احب التعلم والاستزاده في كل علوم الكمبيوتر
ولكن صعبان علي اقتصر في تدريس البنات على الكتاب فقط يعني لازم امثله جديده وافكار جديده تدعم المنهج وفيه اشياء مو فاهمتها في اللي يبي يساعدني واقوله وش اللي انا مو فاهمته يقولي



ولكم جزيل الشكر والامتنان


اختكم ماتهاب