تعرفووون اجازه وطفش مآآآآآآآآآآآره
وأنواع الفضاوة....قلت أغثكم شوي ببنات أفكاري<<< إلا والله دباشتك وأنتي الصادقه...
اترككم مع القصة <<< على بالي تشويق....
مسحت نظارتي بطرف سديرية بزر اختي الصغير... حاجرته عشان ما يهج..
ولبستهن وانبطحت على بطني ورجليني يومن بالهوا...
وبجنبي شما بنت عمتي...نناظر هايدي ومنسجمين معه...
حتى ما قمنا نغسل عقب الغدا..
قالت شما:
تتوقعين بيتر يتزوج هايدي لو هم كبروا؟؟
وأخزها بذيك النظرة...يعني تراك حومتي كبدي بهالسؤال كل يوم...
وتنهدت وهي تلعب بجدايله:
ودي أحب..
أنا شرقت بالضحك ..وتجي شما بكل نعومة وتدبج ظهري...
وإلاي طايرة ولازقة بالتلفزيون...
ربي ستر إني متعلقة بمقطعها الأصفر...
ويوم فتحت لقيت نفسي طايحة وسط ذيك الأرض الخضراء..ومعي شما..
وقفنا وعيوننا طايرة...
وش القصة؟؟؟
وتجي ذيك البنية وعنزها تقامز وراها..
قلت:
مب ذي تسنها هايدي؟؟؟
قالت شما وهي تحك شوشته<<الجدايل انحاسن مع الشوتة..:
أي والله ...وذي عنزها يوكي..مدري وش اسمها...
قالت هايدي:
أهلا بك...من أنت..وماهذا الجحش الذي معك؟
تسني عصبت ..مابقى الا بزران يشخصون علينا...:
حدتس عاااد...ذي بنت عمتي شما..
عاد أنتي يا أم العيال..
حسيت ان البنية تدودهت شوي..ماتدري وش انا أقول...وتسأل:
أنا أم العيال؟؟...أيتها الشمطاء...
قلت :
ايه أم عيال...مب تسنك كل يوم تطامرين ورى بيتر...
على بالتس بترقعينها يوم تقولين عشان العنزات..
إلا ماجتكم كلير للحين؟؟..ولا توها الحلقات؟؟..
شما اللي مابعد استوعبت الوضع...واقفة وراي وتقزقز منا ومنا...
قالت هايدي:
وأنتي أيتها أم الجدايل المنتفشة...ماذا تبحثين عنه؟؟<< اخسسسسس يالفصحى..
قالت شما:
وين بيتر؟؟؟...أبيه يوقع لي<<< تسمع بالإعجاب..
وتضحك هايدي ...آها ها ها ...آها ها ها...
واقلب عيوني وأقول:
ياشين السرج على البقر...اضحكي زين يامال الماحي..<< ماتعودت على النعومة..
بعدين ماعندتس ثياب تسترين عصاقيلتس اللي أنتي فرحتن بهن...أحست هايدي بالإهانة << خاشة عرض هالجملة..
وقامت تزاعق :
برنارد...الحقني يابرنارد...
الحقني ياحليب السعودية<< كله من الدعايات اللي يحطونها بنص الحلقة..
الحقني وجعه...
من سمعت اسمه...معطت شما والهجيج الهجيج<< ماسرقته من أحد
أجل احتري ذاك الكلب اللي كبر قريح يطب علي؟؟
ونحط رجلينا وندبتس...لين وصلنا طرف الجبل..ودردب.......
يوم صحينا إلا بوجهي خشة حصان..
من الروعة قمت وحبيته على راسه<< صدقت ذي عاد...
شما:
لــــــيــــــــــن؟؟؟؟
وأناظر وإلا جنب الحصان واقفة بنية عيونها كبر الفنجال...اهبي...
وخشته ما تنشاف..ما لقوا قلم عريض يرسمونه؟؟؟
قالت:
من أنتما؟
قلت :
والله أنا عويش وهذي شما...بنت عمتي...
قالت:
رائع...ليس لدي ابنة عمة...
قلت:
تبادلين؟؟
ويجين ذاك البوقس اللي حاس ابو مرير وجهي..
قلت:
آآآآآآآآح...وش بتس؟؟؟<< تسبينه بوجهه وتقولين وش بتس؟؟
قالت شما:
وراتس ماخليتين اسأل هايدي هي تتزوج بيتر ولا لا؟؟<<< هذا أكبر همه...مالتس عليتس..
عطيتها ابو لابس...واسمع من وراي واحد يقول:
لين..أنتي هنا؟؟..
بغيت أقول..لا هناك..وش تشوف قدامك..
بس انربط لساني يوم شفته..
قالت لين:
هذا ادوارد..وهذه باتريش..وابنة عمتها سمانثا...
ويلتفت علي ويقول:
مرحبا باتريش<<< مسوي اخلاق على باله..
الحين أنا صرت ماكنتوش؟؟؟...
بس مهب معقوله...ذا ادوارد؟؟
أثره مملوح ابن اللذينا..ماعمري دققت به بالحيل..
وتتصاصرن شما:
أقوووول...شوفي وش طوله...يهبل الله ياخذه..
قلت:
مااتفقنا على كذا..أنتي لتس بيتر...وأنا لي ذا..<< عاد اللي جابوا خبركم بس..
واتميلح قدامه...لازم أخليه يحس بي..
قلت :
كم رقم بيجرك؟؟
قال:
ماذا تقولين؟
قلت :
ابد سلامتك...بس استهبل...
والتفت على لين و أقول:
أقول يالحبيبة...ودي أركب ذا الحصان..؟؟..
قالت:
تقصدين آندروس؟
قلت:
ايه..اللي يجي ...إن شاء الله محماس...بس بجرب..
تقل إنه ترددت شوي...ما ألومه...وجيه ما تبشر بخير..
قالت:
حسنا...لكن لا تبتعدي به كثيرا...
قلت:
بس ؟؟..ماطلبتي شي..
وأنا بداخلي أقول والله ينهك عليه بسرعة...ياحليله...ليت من زين استنساخ منه..
ونمتطي الخيل أنا وإبنة عمتي المصونة...
وطردي ...وشما متشعمطتن بي..ما تشوف إلا جدايله وكراعينها...
وما وقفنا إلا وحنا بشارع مابه إلا ناس تمشي...وعربات تجرها خيول..
والتفت على شما:
مب تسننا بالقرن الخامس طعش؟؟..
لابسين ثياب منفوشة وقبعات وسنع..
ونمشي والعالم يناظروننا..
حسيت كننا شحاذات توهن طالعات من هوشة...
ونشوف هالبياعين يصوتون تقل بحراج ابو قاسم..
" تعالوا...شاهدوا هذه التحف الجميلة...لا تفوتكم"<< ركزوا على آخر كلمة..
وواحد يقول:
" وينكن ياصبايا..ربطات شعر بتعقد.."
وأقرب منه:
أحلىىىى...تعرف تحتسي لبناني..
قال:
شو بدك مودموزيل؟
قلت:
أقول لاتسب.. زين؟؟...انهج بس وعطنا ربطة نهجد به شوشة هاللي معي..
مابقى ذباب مانشب به..الله يحلل خشة ولد أختي إذا صار توه بالعن حلاو...
وناخذ لنا وحده..قال:
بستين هلله<< لبناني متسعود
قلت:
وآخر كلام؟؟؟
قال:
شو؟؟ شو يعني؟؟
قلت:
أقول لا توشوش علي ...ماهنا إلا خمسين..تبيهن...وإلا الوجه من الوجه أبيض...
ما أمدان أقول الجملة الأخيرة إلا تحسفت..
الله ياخذه أبيض يلق...وحنا شهبان...
فلذلك تداركت الموقف<< كله من هالتبن ليدي حاست لساني
قلت:
خذ...مع السلاااامة...لاعاد أشوفك بأفلام الكرتون..
ونكمل مشينا..ونلقى لنا واحد يبيع عسكريم:
" ايواااااا يا أحلى آيس كريم في الدنيا كلهاااااااااااا...خود لك وحده تبرد ع قلبك يااسطه"
صدق إذا قالوا مصر أم الدنيا...أجل مصري بمسلسل سالي؟؟؟..ضيقت يعني؟؟..بكل مكان مرتزين..
قلت:
عطنا اثنين..
قال:
من عينياااااا يا ستي..
قلت:
الظاهر هاليوم مب معدي على خير..خل عيونك لك من زينهن...حاس خشته وقال:
بتؤولي ايه؟؟ قالك الأرف يختي..
وافصخ جزمتي وانتم بكرامة..وألحقه إياه...:
مرة ثانية تعرف تقول اختك خوا جنبك بلا..ما بقى الا هالاشكال...مصري وبالعصر الفكتوري...
وامزر شما مع أذنه وهي لاهيتن بالعسكريمه تلحسه..
ونلقى سالي مع فيكي بيدخلن مخبز...مردي وشو<< مدري وشو
وأعض ثوبي وأدبتس لين لحقتهن ودخلت معهن..
وقفت بسرعة..وتلبخن شما من ورى..
واستدير وأصقعه مع راسه:
ماتشوفين أنتي؟؟.. كفف..
وتجي سالي تصارخ:
ابتعدي عنها...إياك أن تضربيها...<<لا عادت على آنسة منشن...فاجعتن البنت..
وأنا أناظر...مدري وش السالفه...جت وخمت شما وتصيح:
هل أنت بخير يا عزيزتي؟؟
شما شبصت...ما تعودت على الحنان...حده مليحق ومراقا نخل وتشويت قواطي بالحارة..
وتلتفت علي وتقول:
بأي حق ترفعين يدك عليها يامال الكسر اللي ما تطيبين منه ولا بعشر تجبيرات..
قلت:
أقول على تبن...وين ايملي؟؟؟
قالت:
هل تعتقدين أنني سأسمح لك برؤيتها ؟؟..تبطين أنتي...
قلت:
تراتس صاجتنا به..تقل مابه غيره عروسه...
وأروح للي يبيع خبز...وأشوفه يحوس بالطحين...قلت:
وش أنت تبربس؟
قال:
هادا فيه خبز ماما...
قلت:
هلا هلا...ابو هنود ...لا والله كملت...مابقى إلا زول ويصير فيلم تشجيع العولمة.
عطنا شي ناكله..
قال:
اتشا ماما..
ويهز راسه ويتطاير منه الزيت...
قلت:
ايه..جابك الله...وش هالزيت اللي تستخدمونه...ياعليكم شعر..
قال:
تفوووه قول ماشاء الله..
قلت:
تفوه بعينك..تعرف العين بعد أنت...مير ما أبي شي...طس هناك..ترى ما زينكم الا شاروخ بعد قلبي...
وأجر شما ونطلع...
وإلا الوضع تغير..
لقينا أنفسنا بقصر وش كبره...وعالم رايحه جايه...
قلت:
شكل أهلي قلبوا على قناة سوريا...الله لا يسلطنا ...مسلسل تاريخي..
قومي أغدينا نشوف أيمن زيدان...
وندخل غرفة تقول برحة من كبره...
وناس تغني وترقص...قلت:
أحلىىىىىىىىى فالينها هنا...
ونقعد على جنب...ومع التحمس لقيت بجنبي صفريه..
وأمسكه وابدا اطقطق...:
ويالالي لاه لالاااااااااه يالالي لالااااااااااااااااااااااااااااه...
إن العيون التي في طرفها حور......ودت عيال الحمايل في خبر كانااااا...
يصرعن ذا اللب حتى لاحراك به.....ماهووب حق تولعنا وتنسانااااااااااااااا....
عاشواااااااااااااااااااااااااااااااااااااااااا
هلي لاتحرموني منه....هلي ادوارد مااصبر عنه...
إذا هو ماهووب صدقي...انا اصير فلم كرتون لأجله..
وعايشه جو....مادريت الا واحد واقف فوق راسي...
ومعه عصا أطول منه...
قلت:
بسم الله..وش جاب سحلية أم الخلاقين بذا؟؟؟
صدق...الظاهر خامن كل قطع القماش اللي باقية من الخياطين ومربطهن عليه..
قال:
ماهذا الذي بيدك؟
قلت :
أبد... مسبحة ابوي...وش رايك يعني؟؟..صفريه...
قال:
ويحك يا امرأة...هذا ما يلبسه الأمير على رأسه..
قلت:
افاااااااا ياذا العلم...جينا للسياسه..
وقبل ما أعطيه إياه...ما دريت إلا ويهبدن بالعصا اللي معه...
ماصحيت إلا وانا متعلقة بالمروحة...<< ابوك يالنصب..
والدنيا ظلماااا...والتلفزيون يووووووشوش...
ياحلالات من كمل الحلم لين أشوف فلونه....<<وده تعيش فوق شجرة...
ملاحظة:
اللي مافهم يقول لي اترجمه خخخخخخخخخخخ
شقآوه @shkaoh_4
محررة
يلزم عليك تسجيل الدخول أولًا لكتابة تعليق.
مملوحه بس قمر
•
هههههههههههههههه
هههههههههههههههه
يااااااا حبي لك بس انتي وخفة دمك
قصصصصصصصه رررروووووووووعه وربي كاتبه فكاهية درجه اووولىىىىىىى
وه بس فديتس انتي و اسلوووبتس المشووووق
ننتظر جديدتس على احر من الجمررررر:)
يااااااا حبي لك بس انتي وخفة دمك
قصصصصصصصه رررروووووووووعه وربي كاتبه فكاهية درجه اووولىىىىىىى
وه بس فديتس انتي و اسلوووبتس المشووووق
ننتظر جديدتس على احر من الجمررررر:)
الصفحة الأخيرة