(( الفضــــــــــاوه )) وكيفية علاجهاااااااااا ؟؟؟؟

لوالغلا تجيبه نشرات الأخبار.............
كان تسمعون غلاتكم خبر عاجل بالجزيره


هذي مقاله قريتها لـ * رفيع الشان * واعجبتني وحبيت اني اكتبها لكم

واكيد ما تخلوا من اضافات ذكـــــــــرى اللي تزيد من حلى الموضوع

>>>>> ادعسسسسسسسسسس :32:

طبعا الكل يعاني من الفضاوه واولهم اللي جالسين يقرون موضوعي هذا :D

لأني اعتقد لو كان عندكم شغل مهم ماضنتي انكم راح تلقون وقت تتسمرون فيه

على الواحه وتقرون مقالتي >>>>>ابوووووووك يالذكاء اجيبها وهي طايره

المهم من زود الفضاوه صارت عند الوحده منا حالة غريبه يمكن ما تطري

على احد بس علشان ينشغل بها ...............

>> انا اشهد من الفضاوه الواحد وده يمسك طريق الثمامه ويمتره بقلم رصاص

والا يأخذ فوطه وسطل مويه ويروح ينظف قزاز المملكه والا الفيصليه .........

المهم ان الفضاوه اللي احنا فيها خلتنا مثل البزر اللي واقف على شاطىء

البحر ويناظر الرمل ولا هوب داري وش يسوي به ( قصر والا سياره والا

علبة ايس كريم ) والفضاوه هذي هي اللي خلت الرحاله اللي راح يحيي

تراث اجدادنا على قوله وراز لي كم علم على كتفه وجالس يحوس بين هالدول

على دباب سزوكي وفي الاخير يطلع لنا بغلاية مولينكس تشتغل بالبطاريه

وترى انا اعتبره ذكي لانه اشغل نفسه بخرابيط بس ازين من الفضاوه

والجلوس بدون شغل بس لو يجيني ويعرض علي المشاركه معه كان كفخته

بملاس المطبخ خخخخخخخخخخخ >>> ما عندي وقت

المهم نرجع لموضوعنا * الفضاوه * فـ انا فكرت وفكرت وفكرت >> علق الشريط

لين قدرت اني اجيب لكم حلول مؤقته للي مثل حالتي الفضاوه مقطعتهم :::::

1) اشتري سرير هاينز وفرش الريش من ايكيا واجعلي فترة النوم لا تقل عن 18 ساعه

>>>>>>( ما نبي نأخذ اليوم كله شغل اعطي نفسك فرصه تأكلين وتشربين

وترجعين تنامين ) حشى 18 ساعه وانتي ساحبه الشفاط اجل بتطلعين بقره


2) اشتري خمس شرايح جوال من امهات 200 ريال واجلسي في حوشكم وامسكي الدليل

واتصلي على راعين الفول اللي في البطحاء واساليهم عن خلطتهم السريه في

القلابه دايره اعرف كيف تسوونها والا على الهنود واساليهم كيف يسوون الرز

البخاري بالجزر والزبيب :07:

3) روحي لأحد المراكز التجاريه الكبيره الفيصليه وطقتها ووقفي على الباب

واجلسي عدي جزم خلق الله وحاولي تفرزين الوانها واجمعي عدد النقاط وشوفي

وش اللون الدارج بين البنات وبكذا راح تشغلين وقت فراغك في انك تعرفين مين

اللي ساكنه بالعليا ومين اللي ساكنه خارج منطقة التغطيه ومين اللي تستخدم بطاقات

اكسبريس الذهبيه ومين اللي تستخدم بطاقات مرحبا وزجول امهات 10 اريل

4) حاولي تشترين لك كم كيس رز ابو 45 كيلو واجلسي نقي فيه واذا خلصتي

احسبي كم صحن بخاري يطلع منه واضربيه في عدد اهلك اللي في البيت وبكذا

راح تعرفين قد ايش تستهلكون في الشهر وكم حبة رزه راحت لبطونكم

5) اشتري لك كم خيشة حب واقعدي نقي المقشر منها وحطيه بأكياس صغيره

وبيعي الكيس لعيال حارتكم بريالين واجلسي احسبي كم راح يدخل عليك في اليوم

واضربيهن في 30 يوم وشوفي قد ايش راح يطلع لك كل شهر :05:

6) اشتري لك دجاجه وديك من سوق الحمام واجلسي اسلقي بيضهن وبيعي الحبه

بريال عند بيبان المدارس صدقيني راح تكسبين من هذي الطريقه ضعف ما تتخيلينه

وخصوصا اذا كانت حارتكم فيها اجانب :D

7) اشتري لك كم صندوق بطاطس >> اكثر ما كثر الله عندنا البطاطس في عتيقه ;)

واسلقيه وحطيه باكياس صغيره وحطي عليه شطه وخل وبيعي الكيس بريالين

في عز الظهر وقت الصرفه من المدارس راح تكسبين ذهب من ورى البطاطس

عاد هذي الاكله المفضله للبزران :41:

8) او اجلسي عند اقرب جحر نمل واقعدي عدي كم عدد اللي يدخلون وكم عدد اللي

يطلعون وشوفي اللي يدخلون كم وحده شايله فوق راسها بقشه عفوا اقصد حبة رزه

او سكر او كسرة عيش وبذالك تطلعين بأحصائيه جديده وتعرفين وش اكثر نوع

من انواع الأكل اللي يحبه النمل :D

اتمنى اني قدرت اضيع فضاوتكم وانكم استفدتوا من هذه الطرق ..........