الفلبينية اللي تشغل العاب الملاهي طردتني من اللعبة قدام خلق الله وانا من جد حزينة :(

كل عام و انتم بخير يا حوائيات
شكرا لصاحبة المعرف انها وافقت تعطيني معرفها
صار لي موقف و حز بخاطري كثير قبل يومين تعرفون أجواء العيد رحت لملاهي و من الغباء فيني ركبت ذيك اللعبة اللي تلف مع عقارب الساعه بعدين عكس عقارب الساعة وهذه اول مرة اركبها و اختي السبب جالسة تقنع فيني انا اخاف منها و كنت شاكة انها ما تكفيني لاني سمينة المهم رحت و ركبت المقعد كان ضيق علي مرة بس تحملت لان كل البنات ركبوا و فيه طابور ينتظر دوره بس البلوى وين كانت !! كانت في صدري انا سمينة من فوق وصدري كبير وجت الفلبينة تسكر هذاك حق الامان اللي لونة اسود علشان ما تطيحين لاسمح الله تخيلوا ما سكر و قامت تحاول تسكره وماضبط بعدين حسيت باحرااااااااااج كبييييييييييييييييييييير تفشلت لان الكل يناظر و انا السبب في تأخير اللعبة لاتبدأ المهم تخيلوا طردتني قالت انزل روح برا قسم تمنيت الارض تنشق و تبلعني قمت من المقعد و يالله قدرت اطلع ..... من المقعد و البنات اللي حولي يقولون ليه وش فيها نظراتهم مستغربين ليه طردتني و انا خلاص من جوى انهرت بس مابينت ابدا مدري ليه احس الموقف هز ثقتي بنفسي و كرهت صدري و .... هل انتم مثلي قد صار لكم كذا و هل كان عادي عندكم نسيتوه او لا و حتى قلت لاختي ياويلك تعلمين احد باللي صار اعرفهم رح يعايروني في السالفة طول عمري
كيف اقدر انسى السالفة
وكيف ارجع احب الملاهي احس كرهتها بسبب هالموقف