الفهاية ما أدراك ما الفهاية ..

السلام عليكم ورحمة الله وبركاته ..


هلااااااااا بكم كلكم .. وش علمكم ..
وشلون الدراسة معكم >> هذا للبنات إلي يدرسنا طبعاً .
وشلون عيالكم عسى بس مهب مذينكم >> هذا للحريم أكيد طبعاً .
موضوعنا اليوم >> إلي يشوني كل يوم منزلة موضوع يالله في السنة حسنه .
عــــــــــــــــــن ......... ( الفهايـــــــــــــة )

تعريف الفهاية في اللغة : من فهى يفهي فهياً .. لقد سمّع عن العرب : فلان فاهي ..وفلانة فاهية .>> عز الله راحت اللغة
لم يعلم لها مرادفاً في للغة .. غير سرحان لكنه غير دقيق وقد يقال عديم التركيز .
في الإصطلاح : حالة تنتاب الإنسان في بعض الأحيان وقد تكون ملازمة له في كلّ الأحول >> الله يستر .

بعد أن تعرفنا على معناها في اللغة والإصطلاح .. ندخل في الموضوع ..

الموضوع عبارة عن بعض المواقف والتعليق عليها على قدر الامكان .
وأنا أتصفح موقع عالم حواء في أحد الإيام دخلت موضوعاً وكان مؤثراً للغاية .. وأنا أقرأ بتأثر وأمرر الشريط .. صادفني هذا الردّ .. وكانت تكتب دعاءاً لصاحبة الموضوع .. تريد أن تقول فيه ( الله يزيدك في طاعة ) كتبت
( الله يزيدك في معصيتة !!!) وأنا لم أتمالك نفسي من الضحك على ردها خربت على خشوعي ! ؟
والظاهر أن الأخت كتبت الرد وهي ينتابها حالة من الفهاية .. وإلا في أحد يقول (الله يزيدك في معصيتة ) .. لكن الأعمال بالنيات .. الله يستر ما تقرأ الموضوع .

...............

هذي وحدة أستاذة كل صباح تذهب إلى مدرستها .. لكن هذا الصباح كان مختلفاً للغاية .. فقد استيقظت متأخرة .. وهي تللّم جاحتها .. كان صاحب السيارة الذي سوف يذهب بها إلى مدرستها .. على عجل من أمره .
طووووووط طوووووووووط ..>>يضرب البوررري..
أسرعت مهرولة إلى السيارة .. وأثنأ ما هي تنط الدرجة حقة بيتهم .. أنكشف شيء من عباءتها .. إلا ذا الشيء الأبيض الذي تشوفه .. في نفسها ....... وش أنّي لابسة ؟؟؟؟
أثاري الأخت ما البسة تنورتها .. هذا الشيء الأبيض إلي طلع لها كان شلحتها ؟؟؟؟
ورحمها ربي أنها ما ركبت السيارة وطارت بها أهي وشلحتها إلى مدرستها ... عــــــــــــاد تخيلوا وضعها ؟؟
وهذا الموقف ناتج عن فهايتها .. أجـــــــــــ ل فيه أحد ما يتأكد من لبسه وأهو بيروح .. بعد السواق أهو إلي ضيع بها .

بيني وبينكم ولا أحد يدري.. ساعات أخاف أروح للكلية بقميصي ..
............

أمي ذاهبت إلي العزاء بتعزي >>>> أجل وش بتسوي .
دخلت عليهم ... بدل أن تقول ( أحسن الله عزاكم ) ..
قالت ( مبارك عليكم ) ...


........

أنا في الكلية أمشي مسرعة بروح للقاعة حقتنا .. مدري وش جاني حالة أسمها الفهاية .. المهم أبي أدخل للقاعة .. إلا أسمع صدقاتي يقولن نورة مهب قاعتنا .. وأنا يدي في الباب أبي أفتحه .. الباب في مراية أطالع فيها إلا هذي أستاذتهم مبقبقة عيونها فيني >> عارف أني مهب هنا .
وأشوى تلاحقت نفسي وسحبت يدي من الباب بعد تنبيه إلي معي .. تخيلوا دخلت عليها وجلست مبلمة مادري وش إلي صاير ؟؟؟ ونالني شيء من التهزئ خاصة أن ذا الأستاذة شرانية .. والله أن تحط حرتها فيني .. بس ربّ ستر .


يا كثر قرقرتي ..بس وصلنا إلى قاقلة النهاية .

النهاية ...

إذا عندكم مواقف مشابة مرت عليكم أطربوا مسامعنا بها >> وين تسمع معه ذي .
أنتظركم ..
سلامتكم .. أختكم نورة نت .