الفيصليه والمملكه يسولفون مع بعض

الفيصلية : السلام عليكم .... قوة ياوخيتي !!
المملكة : وعليكم السلام .. وشلونتس ( وشلونك ) ياختي ؟
الفيصلية : بخير ياعلتس بخير ان شاء الله ... والله مشتاقه لتس ولسويليفاتس !!
المملكة : وانا والله أكثر .. شفتي وش صار بأمريكا يقولون انه طاحت عماير وضربوها طيارات
الفيصلية : ظربوها ... صح لسانك ...
المملكة : أي والله الا وش دراك عن هالعماير يوم ظربوها
الفيصلية : والله كلمني برج أيفل بالجوال قبل يومين وعطاني السالفة .. وأنتي من علمك ؟
المملكة : يؤ .. الى هالحين تكلمين برج أيفل ؟ ياثقل دمه ياهو بثر ويحب السوالف اللي مهيب زينة !! اما أنا فكنت جالسة اتكلم مع برج العرب وقالي بالتفصيل ويا والله هدت حيل وتمصع قليبي يا ويلاه !!
الفيصلية : يابنت الحلال خليها على ربك
المملكة : ما يخالف ماقلت شي بس عاد بهالطريقة ... والله اني صارت تجيني ام الركب كل مامرت طيارة
الفيصلية : لالا ماشاء الله عليك ... انتي عندك هالفتحة اللي فوق تعدي منها الطيارة وتجلي .. أما انا والله جبهتي ظاهرة
المملكة : عاد راسك ياوخية منتفخ بزيادة .. الاعمى لو خطف طيارة بيشوفك متبينة
الفيصلية : الا على طاري هالروجة اللي عندك !! ماشاء الله أشوفك بديتي توزعين بطاقات دعوة للحفلة
المملكة : هذي بطاقات الزيارة علشان يجون الناس ويتفرجون وياخذون فكرة عني
الفيصلية : يووووووووووه هذي طيارة مقبلة الله يستر من المهبل لا ينطحنا بسم الله علينا
المملكة : ان شاء الله مهوب صاير الا الزين !! حنا أساسنا التقوى والايمان وقواعدنا مستمدينها من القرآن
الفيصلية : أي والله ونعم بالله ، والحمد لله على نعمة الاسلام !!

منقول معليش

:32: :32: :32: