أم تأبط شراً @am_tabt_shra
بسمة الواحه
الف الصلاة والسلام عليك ياحبيب الله محمد ككللووش
تك , تك, تك , ضمة كسرة الا والله عربي هيه
الكي بورد يكتب عروبي هو صدز اشوف حروف عربيه
لي فتره عنها لو الود ودي اسوي تشيك لكل الحروف
مير اني عجله
وتراي بعد ناسيه مكانها
حي الله الجميع بالخير والعافيه .
وشلونكم ؟ وشخباركم ؟ مشتاقه لكم وازد وازد
انا بخير وعافيه وماعندي الا الشوق اللي مخرق(ن) قلبي ،
من اضنى من البنات ؟ اقول له مبروك ما جاها ويتربى بعزه
ولا تنسى البامبرز مثل وحده اعرفها جلست مدة
ماغيرت حفاظة بنتها ههههههههه .
من راح ؟الله يحفظه ويرده
من جاء؟ الحمد لله على سلامته
هو جانا احد بالواحه الكركريه !!!!
حياه الله معنا عين له سليب هاي وعين له لحاف ...
المهم تراني ولله الحمد وصلت لكم عقب مارحت امتر لكم
اخر دوله في خريطة العالم .
هذيك اللي بالربعه تحت ايه اللي هناك .
اللي به غنم استراليه . ولعلمكم تراني
وصلت لها ورجعت ولا لقيت لا فلونه ولا اخوها جاك .
مادري وين هم؟ الظاهر ضيعوا الطريق
ماينلامون لو قضى مسلسهم وتعدى ثلاثين حلقه وهم ماوصلوا،
ياهي بعيده بالحيل استواريا على قولت دحومي مدينة الكنغر
والكوالا كيس النوم مابوه احد مثله يحب النوم الا تسان
سواقي احمد ههههههه الدوله تهبل لا من حيث النظام اولا .
والخضره والخليج والطبيعه والجو . كل منطقه فيها
شي مختلف عن الثانيه
الى الثلج اللي بالجبال تزحلقنا وتفنقسنا بوه .
دولة عطاها الله نعمتهم من خضره وجمال الطبيعه بالدنيا .
وحنا نتمنى ان الله لا يحرمنا من النعيم المقيم .
جنات عدن هي اللي تستاهل ان الواحد يكبح كل رغباته وشهواتة .
الله يرزقنا اياها واياكم وكل مسلم والكفار معععععععصي .
بس الجنه تبي العمل والاحتساب
مهوب مثل الشعب اللي رحنا له تاركين انفسهم وراء
رغباتهم وشهواتهم اباحه لكل شي
وتعري وتفصخ
لحم×لحم هذا طبعا من النظره الاولى
لان النظره الا ولى لك والنظره الثانيه عليك اوتسيه
هذ ا وهو شتاء عندهم ولا كان
علوووووم مير مانقول الا الله يعافيهم ولا يبلانا .
الشعب كلن يتحلى با خلاقه المحترم يبقى طول عمره محترم
والسيء يبقى طول عمره سيىء وقليل ادب
حتى لو منتهي تاريخه عجززززززز
اضرب لكم مثال على السيئ ..
مره واقفين عند مواقف الدقسي قصدي التكسي
ومادرينا الا وتمر من عندنا سياره فيها دار العجزة
عجوز وشايب منتهين الظاهر ما يمشون الا باشتراك بطاريه
مثل بعض السيارات هههههه
مادرينا الا وتفتح العجوز الدريشه وتقوم تحلبطططططط
وانا اقول :عسى الله يسلمه الظاهرتقول نوصلكم
لا والله خزيه منهم
مير يضحك علي ابو دحومي من قلبه
قال :لا بالله تسبتس يالارهابيه
هذا اللي اللي تقولوه العجوز
لا يامال الطاعون اللي يشقق بطن عجوز قريح
صرت عنده ارهابيه واستاهل السبببببب
بس لاني عربيه <<<< والا سياره خخخخخخخ
و مسلمه ومتحجبه ومنقبه ومحافظه على ديني
صدق انه لن ترضى عنا اليهود ولا النصارى حتى نتبع ملتهم
مير الله لايقوله ويميتنا على دينا الاسلامي ويثبتنا يارب ..
يمكن تقولون ان هذي عجوز تربت وعاشت طول عمره
تكره الاسلام والمسلمين
لكن نفس الشي صار لنا من شاب مرينا
من عنده انا وبناتي كنا راجعين من السوبرماركت
مروا جنبه بناتي وكانوا قبلي وكان يطالعهم ويخزهم
يوم جاء دوري امرمن جنبه جدع علي كلمه
خرقت اذاني خرررررق مير احفظ الكلمه واجي ادبتس لبناتي
قلت لهن: الظاهر الرجل اللي مرينا تو من جنبه يغازلنا!!!
الحين قضوا بنات بليس اللي عنده بالديره ما لقى الا انا وبناتي؟؟
ايه يمكن لاننا متسترين وهو يحب الستررر
والا يمكن يبي يسلم <<< هذي هي تحليلاتي الخنفشاريه
ههههههههههههههههه
قالت تأبوطه :وش قال ياماما قله وارقله؟؟
قلت وبكل ثقه : قال شّت !!!
ماتوا ضحك علي قالوا تراه يلعنتس بس بلهجتهم
قلت : وشو وشو مابقى إلا هي يلعنني وأنا أم تأبط شراً
مير اسرعوا اخاف يسوي بنا شي و انا لو مهيب حزة المغرب
ومصيفين تسان وريته العلم اللي يجمد على الشارب
<<<الا والله مذرقتن من كلب معه تقل بعير ياكافي من كبرره
لا واسود اسودت عيونه آآآآآآآآآآآمين
ومن هالعينه نلقى بكل مكان لكن الله ينصر الاسلام والمسلمين
ويعلي كلمه الحق ولو كره الكافرين
عاد اقووووولكم
ان الوضع يختلف للي عنده أخلاق ومبادئ
نلقاه يرحب ويهلي ، يلقي التحيه ، يقول انتم هنا اجازه
<< يبي يتطمن الظاهر متوحشين نقعد على قلوبهم ههههههه
او تلقونه يتبسم و يسأل ان تسان حنا هبي يعني مبسوطين
ويسأل تسف امرحنا همن انا اقعد اوصف حالة امراحي البارح
واقول والله ما نمت من جنوبي من كثر الكحه
شربت مره وعنزروت وحلتيته وما جابن نتيجه
تسنه يدري وش اقول
مير فرحت ان احد سألني هههههههه
الموهيم
مره واحد لحقنا مسافة طويله علشان يعطينا شنطتنا
كنا ناسينها بالمكان اللي كنا جالسين بوه <<< اهب على هالنشاط
خخخخخخخ بس وش اللي حده يسوي كذا ؟؟الا اخلاقه وشهامته .
والاهم يابنات الواحه الكركريه ابي اعلمكم بشششششي
ترى انا صرت قيلز يعني مع البنات موهب مع العجز
لان كل مادخلت دكان هههههههه<<<<< حلوه دكان
يقولون لي وللي معي من بناتي هلووو قيلزززززز
يعني ماعليّ صار دربي درب القيلزات
الحين اتركونا من الحش بخلق الله .
ها المره بسفرتنا ماقدرت ادخل النت مثل العام مع ان
اللاب توب تمصعت ايدي من تشقيله كله عشان يصير لي
فرصه اويق عليكم
لكن هذا جزاء اللي مايشترك بأول نت الدولي
كانت الساعه تقريبا بعشرين ريال يابلااااااااش عند غيره
كنا نحسبه غالي طلع غيره اغلى واغلى اغلى
هذا طبعا في سكنا الاول في ملبورن قلت لقعه تلقع تسبدهم
اكسّبهم علشان كذا قطعت بكم الفتره الاولى .
في جولد كوست سكنا بشقه فيها كل التقنيه والتكنلوجيا
الى الجاكوزي ونقازة التوست ووووووووو موجود بالشقه
لكن مافيها انترنت
والا اللا ب توب معنا وكيبورده يحتسي عروبي لا وقصمنجي بعد
ههههههههه يالله الجنه من ديرتنا
المهم كان سكنا في جولد كوست بالدور الاربعين يعني هاالشقه
تصلح للي زوجته والده عند اهلها
بدال مايشتري تفتر ابو اربعين وكل يوم يقطع ورقه
<<< بس خساير على الفاضي .
هاالمره يجرب يسكن بنفس دور شقتنا وكل مايمر
على زوجته يوم ينزل دور الين ما يقضي الاربعين
<<<<<<صدززززز فاضيه
الزبده والزبادي .
ان ماحصل لي ادخل الانترنت لان كل مادخلت مقهى لقيت
الكيبورد عنقليزي عاد متكله على قولة دحومي
والترجمه بربلم قصدي مشكله يروح الوقت وانتي منقهره
ما تقدرين تسوين شي وماغير ينحمس قلبتس حمس.
عاد صرت أنا اللي اتكفل بشقل قشل ذّري لان كل ماطلعت
مايشيله الا انا ، كل مار حنا مكان ضيعوا
نصف القش ورجعنا بنصفه عاد صرت انا امهم وميري حقتهم
مره رحنا لملاهي كان عندها مقهى انترنت
دخلت تأبوطه واختها تأبيطه
وانا كل العاده اشقل قشي، لا والله قشهم يامال الصلاح
واتفرج على خلق الله الرايحين والجايين
واتعجب على بعضهم واسلم على اللي يستاهل السلام طبعاً
الحريم العروبياااات هذي هي شغلتي
مادريت الاجت تأبيطه تدبتس
مثل اللي مشبوكه بكهرب متين وعشرين والا قارصه عقرب
<<< تسن اللي مقروص يقدر يمشي الا يقعد يتمقرص
على وزن قرصا قرص متمقرصاً ههههههه
المهم جت وهي تقول يمه يمه البشاره:
قلت: وش عليه ؟؟
قالت : فزتي !!!
قلت : وشو بوه ؟؟ والله مالعبت ولا تحركت من مكاني
على حطتكم لي لان أنا حطني لقيتني
المرااااااااااااااد عقب تسحيب الهرج من المسرعه تأبيطه
اللي كانت اللي تأخذ طريف العلم وتجي تقوله لي
دريت أنها تقصد القصه القصيره
<<<< هوكــــــــــــان المطلوب قصه قصيره
مير عندي لا للقصررررروالتقصيرصح هههههههههههه
ما اخفيكم قمت اتنافض من الخبه شوي ومن الجووووع شوي
<<<< وش جاب طاري الجوع يالزلوووق
والحقيقه ان سبب النفاضه الاصلي هو الوووله عليكم
والشووووق لكم
كانت تأبيطه تقضب طرف الخبر من تأبوطه اختك يا تأبط
اللي هي الثانيه تعلق قلبها بكم
وهي ماصار لها الا فتره بسيطه معكم
اجل وش اقول انا ؟؟؟؟؟؟؟؟؟؟؟
علشان ما اطول عليكم ولا هيب الظنه هههههههههه
الله يجزاء الجميع بالخير
ومشكورين كلكم وكل ابوووكم على الترشيح وعلى هالنتيجه
والله يبارك بكم يارب وحظ موفق للباقين
وترى انا وإياكم واحد ومابيننا فرق
ولو ان وحده من الاخوات اللي اشتركن بالمسابقه هي اللي فازت
كان اعتبرت نفسي أنا بعد فزت
لان مابيننا ابد ابد ابد فرررررق حنا جسد بقلب واحد
ولا انسى اشكر اختي نوران على اللي سوته لي
مع اني ماشفت الى الحين لانه كان مختفي
بس كل اللي يجي منها حلووو ويامال العافيه وما قصرت
ثانكيو اوي اوي
عـــــــــاد اقولكم
ماصبرت رحت أتأكد من الخبريه هو صدز
والا من تحت الحصاة الرقطاء
لان تأبوطه مازالت رابضه على الجهاز اللي بالمقهي
قاعده تتعافر معه
وماكان معها بالمقهي الا يابنيين اوهم صينيين
او ما ادري من وين هم
المهم انهم عيونهم ممممممطططه هم اللي ما تحقرينهم كل شي
يبخصون بوه مهوب مثلي الله يخلف على اميمتي
زين وين وصلنا
ايه يوم وصلت لتأبوطه قلت له:
هو صدز اللي سمعت من اركب الهوا صاروخ
<<< اقصد تأبيطه
قالت :الله الله
عاد طلبت منها اشوف اسمي لو نسخ ولصق ابي اشوف الطوبيعه
الموف اللي تحت اسمي هذيك البيدجانيه النجميه .
تفاجأت بالوسام الجديد .
وهو بسمة الواحه قلت لا مهوب هذا حقي
يمكن بوه احد جديد مسجل بأسم حول اسمي .
دوري زين منا ولا منا هنا ولاهناك .
قالت لايمه ذا لتس . قلت:هاه وشو!!!!
متأكده يمكن لا احد غيري . وبعد تمحيص وتنقيب .
ارجهنيت وتأكدت انه انا المقصوده .
ويارب يارب اكون قد ها الوسام ومبروك لأم الكتاكيت وقلوبه
والعاقبه للباقين .
وانا متأكده انه فيه مجموعه
من البنات لو استمروابالعطاء راح ينالون اوسمه
مثل ماكنت احلم انه يكون لي وسام
من اول ماسجلت وانا اتمنى زيه .
بغيت اشتري مثله لكن مالقيت بالبقاله يقولون خلص
بس يمكن فيه بهايبر بنده هههههههههه .
كل الشكر للحكومه الرشيده على هالطبعه والوسام
ويارب يارب اكون عند حسن ضنكم بي
ولعلمكم من علمي بالخبر وانا مثل اللي مركب طقم سنون جديد
ماغير فاقه كشرتي مبتسمه على طوووووووول علشان اصير
اسم على مسمى
اقول بنوتات وحرومات
انتم ماتلاحظون موضوعي هالمره مابوه ولا صوره
مهوب من عوايدي
ترى كل هذا من صدمة الاخبار الحلوه وضريبته
لكن ماراح تشوفون من اخيتكم أم تأبط من اليوم ورايح
الا كل اللي يسركم
وإن حبسني حابس فمحلي حيث حبستني
<< وجع هذي بس للحج والعمره خخخخخخخخخ
اقصد ان حصل لي ظرووووف اكيد انتم خواتي وتعذروني
نسيت شي
الله يعافي كل اللي ارسل لي على الخاص وتراني مريت على بعض الرسايل
لكن والله ان راسي الى الحين يستدير عقب الطياره ونومي مابعد تنظم
لكن ان شاء الله ابي ارد عليكم
ومشكورين ولا قصرتوا
ودام الجميع لمن يحبهم وأنا أم تأبط شراً منهم
60
5K
يلزم عليك تسجيل الدخول أولًا لكتابة تعليق.
الحمد لله على السلامه
وانا جالسه احلل ياربي وينها فيه ام تابوط
اثاريك بااستراليا
اقول وين الصوغه
ابي خروفين هههههههههههههههههههههههه
يمدحون خرفان استراليا
تدرين ضحيه قرب نبي نربي بالخرفان لين تربرب
>>>>>>> ياخوفي تفطس من جونا الخلاب ;)
وانا جالسه احلل ياربي وينها فيه ام تابوط
اثاريك بااستراليا
اقول وين الصوغه
ابي خروفين هههههههههههههههههههههههه
يمدحون خرفان استراليا
تدرين ضحيه قرب نبي نربي بالخرفان لين تربرب
>>>>>>> ياخوفي تفطس من جونا الخلاب ;)
هلووو ام تابوطه
الحمد لله على السلامه والله يعطيني واروح استراليا مثلج
واوصفها مثل ماوصفتيها
قولي اميييييييييييييين
الحمد لله على السلامه والله يعطيني واروح استراليا مثلج
واوصفها مثل ماوصفتيها
قولي اميييييييييييييين
مليوووووووون مرححححححححححبا ياام دحومي
الحمدلله على السلامه يالغلاااااااااااا
والحمدلله على النعمه اللي احنا فيها وصادقه الله يعوضنا الجنه يارب
الحمدلله على السلامه يالغلاااااااااااا
والحمدلله على النعمه اللي احنا فيها وصادقه الله يعوضنا الجنه يارب
ياهلاااااااااا والله ومليوووووووووون غلااااااااا بأم الدحمي ..
الف الحمد لله على السلاااامه يالغلااااااا..
والف الف مبروووووووك الوسام يابسمــــــــــــة الواحه :icon28:
وكمان الف الف الف مبرووووووك الفوووووز بالمسابقه تستاهلين يالغلاااااا ..
وان شاء الله من فوز في فوز في دنياك وآخرتك يابعدهم ......
الف الحمد لله على السلاااامه يالغلااااااا..
والف الف مبروووووووك الوسام يابسمــــــــــــة الواحه :icon28:
وكمان الف الف الف مبرووووووك الفوووووز بالمسابقه تستاهلين يالغلاااااا ..
وان شاء الله من فوز في فوز في دنياك وآخرتك يابعدهم ......
الصفحة الأخيرة
والحمدلله على سلامتك
اكيد طبعا ما تعرفينى لانه انا جديده مالى شوى
وعوده حميده يالغاليه
ولك منى جزيل الشكر على موضوعك
او تجربتك وانت فى استراليا عاد الجو هناك لاتقوليلى روعه
طبييعه ساحره اسأل الله ان يرزقنا الجنه