ِمساااائكم كرررف
كني بكم الحين حايسين الدنيا .. الي تجلد كتبها والا كتب عيالها والي طاسين المكتبه يتقضون دفاتر واقلام وبرايات ومساطر جعلكم تتسطرون قولوا امين >> طلعوها برا

يالله نشوف من الي منورن موضوعي جعل ربي ينور ايامكم بطاعته قولوا امين >> لا تغركم قشارتي تراي طيبه

قلبٌ أدمته الجراح:

قلوبه تراي احب اكتب اسمك خصوصاً عشان احط تنوين الضم



الله يميزنا بتقواه قولي امين .. جعلتس بالجنه ووالديتس بس ترى ارتعت وانا اعدل ادور خشتي الخضراء مالقيتها اثرها ممكوعه ومحطوط لي ذا الي يتلامع
بس تعالي موب على كيفك ترزين ذا المملوح وتنحاشين.. وكاله من غير بواب اهي؟؟ >> لااا اصفقيها احسن

لا جد قلوبه ترى الواحه تعاني من قحط شديد ومزمن نسأل الله السلامه .. رجاء شمروا عن سواعدكم وهيا بنا معا لبني جيلاً خاليا من العقول .. تراكم قدوتنا

>> احس بتتحسفين انك معطتني التميز خخخخخخخخخخ

منوره ياأمر..

جوليا:



ليه تحسبين الدعوى بلاش؟؟ ترى موقعك استراتيجي وبالصفحه الاولى .. يعني احتمال توصل الساعه بألف (( ابو حواجب))



قبل يومين انكسرت عوامه الخزان حقنا .. عاد راح ابوي وشرى عوامتين وحده ركبها والثانيه خلاها احتياط.. كانتس محتاجه والا شئ تراي مستعده ..


وشو!! انا ماقلت شئ لا تدخلينا بالسياسه يرحم والديك.. ورانا عرس وعيال


أأأأأأأأأأأأأأه ياويح قلبي ويحاااااااه هذي قطعة القلب والله .. ذاك اليوم من حر مافيني بغيت اكمخ جدتي
تقولي متى بتخلصين؟؟ قلت الاثنين >> للعلم تراه اخر اثنين بالدراسه يعني الي خلصوا فيه بعض المدارس
قالت ايييييييييه والله زين مدلعينكم .. قلت يمه تراني باديه قبلهم باسبوع قسم احس اخنزت وانا اختبر
وقامت تهز راسها تقول ولو ولو احمدي ربتس زين زين
بغيت اصيح من القهر عاد وش يفلّ العجز خخخخ


مكتوب البرنسيسه الجميله عذبه الروح
وش مكتوب عليها يعني!!
اسمي ورقمي الجامعي وفيها صوره عجزت اقتنع للحين انها صورتي!! نعنبو بليسهم ماخبرت وجهي عباره عن عيون وخشم بس!! انا لحد الان ادور فمي بالصوره ولا بعد لقيته.. شكله ذايب مع الوجه خخخخخخ


هو شوفي الصراحه بالبدايه انا بس الي صرخت وجلسوا مبوهين يطالعوني ويوم انهبلوا قلت لهم ليش .. بس الدلاخه صدق انه يوم عادو عناوين الاخبار وقالوا نفس الخبر السبهه اختي طارت عيونها بنص جبهتها تقول اوص اوص خل نسمع >> من جد تنك


هااااه
وشفيها الكاشيرات !! تراك جرحتيني وانتي ماتدرين


والله شوفي انا ببدايه دراستي كنت اقول من اخلص الجامعه باتوسد شهادتي واخم البطاله مابي لا وظيفه ولا هم يحزنون .. بس المشكله الحين بدى ينبت لي طموح ومابي تعب سنين يروح هدر وتصير نهايتي زي اختنا في الله نسمه هوى .. يختي من شفتها وانا عايفتن البطاله .. الضعيفه احس ماتقوم من سريرها الا برجفه >> شكل انا الي يبيلي رجفه


ايييييه سقى الله ذيك الايام يوم اني اطل بقنازيعي من طاقه سيارتنا واغرد باسماء المحلات والشوارع لين ينشف ريقي كني محدوده >> بيني وبينكم كنت استعرض قدام ابوي مدري وش ابي..!


ليه وش قالوا لك كرشتي تسبقني؟؟ والله لو اني حرمه في التاسع تحرى ولادتها >> شكل بطونكم عورتكم يالحريم هع


والله لو عندنا بحر بالرياض ان ماتلقين لتس مغز ابره فيه .. وهذا ان دل على شئ فيدل على اننا رومانسيين ورقيقين ووشسمه .. والدليل اننا نتقابل ونبلع وحنا معطين البحر ظهرنا!!


تصدقين عاد على خفه عقلي مع احترامي الشديد لي الا اني مااحب اركب قدام؟؟!!
يختي ماش احس كني مربطه ولا اقدر اخذ راحتي احس كلن يناظرني >> داخله حمام انتي والا راكبه سياره >> ياوصخه



يختي موب ذنبنا اننا نحب الزين .. بعدين مخلين الشهابه لتس يالشهباء (( ابو حواجب))


اول شي ترى الشده الي على عذيب مفروض تكون بالكسر موب بالفتح .. يعني كذا>> عذيـِّب
اي والله اهلي مايخالف يتحملوني الله يعظم اجرهم بس وش ذنب الناس يشوفون الوجه الشنيع بصحصيتي


قسم ميب لي .. بعدين عادي لو انها لي كان قلت لكم وشوله الف وادور >> وجه بن فهره خخخخخخخ


والله شوفي انا في لحظه طفولتي البريئه كنت آكل الاندومي وهي ماطبخت .. صحيح اني احيانا تجيني نعله من امي بس مايخالف في سبيل ذا الطخمه كل شئ يهون
بس الحين الحق ينقال مااكلها الا وهي مطبوخه ومفكوكه من قراطيسها >> والا ناويه بعد !!خخخخخخ



براي لله اصلا منب اعرف الشيف رمزي بس اسمع به والا ماعمري شفته .. بس ابن الحلال اسامه مره شفته يخلط السلطه بيده عقبها غسلت ايدي منه .. ومره شفته يشخل الليمون باصابع يده ..!! لحظتها بغيت اقمز للمطبخ اجيب له ملعقه ومشخاله احس انه حوم تسبدي


جتها زبيريه مسفحه مني وخافت وشالتها هع



اقول جوليا .. اشوفك تمونين على الشيف رمزي لا يكون بس واحد من الاهل وانا مدري!!
بس للمعلوميه ترانا ماسوينا الكريمه هناك.. قبل يومين شفت كريمه قلت لامي الا صحيح ورى ماسوينا الكريمه الي جايبينها في البر !! قالت وحنا ارتحنا من الاكل اصلا عشان نلقى وقت للكريمه خخخخخخ صراحه لحظتها حسيت اننا فيله!!


والله ياختي اذا انتي عقلك لك عليه ومهنا زود تراني منب زيك .. اقعد اتحبحب في جماد كني مهبوله .. ترى عقلي يوزن بلد انا >> ايه هين بس


لا والله ماحرمت بالعكس الا المره الجايه باخليك انتي الي تصورين بدالي يمدحون تصويرك >> ماتعطى وجه

تسلم لي هالطله جوليا وهالرد الي يوسع الصدر
مانتحرمش يختشي

ريوفه:


حجزوتس في زاويه قولي امين يالعصلا .. شرط لو ادخل على ملفك الشخصي ان اشوف كل ردودك محجوز هع
ودي ادري بس وش ذا الشغل الي عندك ياوزيره الخارجيه ..!
المهم انجزي علانا والا ترى بعت محلك ..

سكر ذرة:



شفتي ان ذا المقاهي موب شئ عندي؟؟ بس وش رايك ابيع لك الكاس بعشرين ؟؟!
يبارك بعمرك خيتوو .. منوره

أم تأبط شراً:


حيّ الله بيدجانه الواحه
بس وراك ياختي كنك داخله على سكني؟!!


موب حرام عليك توزين بطاقه تحتوي على صوره اجمل كائنه حيه في الكره الارضيه وتحرمين خلق الله من الاستمتاع بالمنظر الخرافي ؟! >> ايه والله خرافي خصوصا انه وجه خالي من الفم هع


والله لو اننا في سريلانكا عشان يعلنون ذا الخبر..!
انا اقول يمكن انها تمديد اقامة سواقتس ؟!! هع


مصـــعي:S_45:


ام تأبط الله يهديك لا تزيدين جراحي ..! أنا امنيتي في الحياه اشوف بسكوت ابو ميزان ذا .. احس اني لا شفته بأحبه من أول نظره >> مهستره
لا جد تكفين اذا عندك له صوره اسعفيني بها ..


ورا وراا ورااا عليهم علييييييهم عاااشواا ياأسود ألعب ألعب >> مشروع طقاقه فاشل
بس لا تشيشينهم علي شكلهم خلقه انتفخوا ترى منتشره اشاعه انه نابت لهم احساس .. هزلت والله >> كففف


ام تابط فيه سؤال من سنه جدي وهو يتعافر معي وده يبطح نفسه .. والحين عاد وصلت معه ويبي ينبطح قدامك عاد لا تواخذينا
المهم .. الحين سواقك اسمه احمد؟؟ والا حميد؟؟ والا وش قصه اهله بالضبط؟!!>> قولي وش دخلتس خخخخخ


تفلت بخشتي زليله الحيا والسمت .. لكنن هين دواها عندي


كخخخخخخخخخخخخخخخخخخخخ ضعيييييييفه جدعوا عدساتها ..:hahaha:
زاد اجل وش ذا النعومه الزايده !! احد يحط عدساته بفنجال قهوه!! لو انك قايله بياله مير اهون هع


ههههههههههههههههه الله يقطع شيطانك .. باللهي يعني عمرك شفتي ناس يحطون حبوب الفيتامين في بوادي!! والله لو اننا الرجل الآلي على غفله!!


زييييين ذا العصلا تعرف تشهوى بعد؟؟! والا وتطورت منفوحه يابطيط وصرتي تشتهين شئ غير السيرلاك هع


ياااااااالبيهااا
اقولك خلف بن هذال متحطم الضعيف يقول اني دمرت مستقبله يوم شاف إلقائي وتقولين ماعندي سالفه!! صحيح ناس ماتقدر مواهب


امييييييين من بؤك لباب السما يارب .. الله يهون عليها ويقومها بالسلامه ياكريم



احول ذا السؤال مني إلى شهيدان ورجاااءً رجاااءً مااتقفنا نستخدم ثقافه تمعيط الشوش


ابفهم بر ذا والا قصر !! بس والله لا تستبعدين شئ.. سمعت ان فيه مخيم تجهيز ملكي ماودك الا تسكنين به !! تخيلي اجل مغطى بواير لس!! قسم مااستهبل هم يقولونه



ياااااالييييل القعاطه .. وراه عاد كم انش!! (( وجه يتعبر))

عجلي علينا عاد بالموضوع .. الهمااام
ترانا متعطشين للهبال بشكل ماتتصورينه .. اسمع صوت تنسيم لي فتره واكتشفت انه من راسي خخخخخخ
يمال العوافي يام تابط الله لا يحرمنا هالطله البطله ..

كافي لاتيه :

ماعلي منك انتي يوم تكتبين الرد كان اسمتس كافي لاتيه
اقول ياثوليجه قد سمعتي بالمثل الي يقول الطنزه عنزه؟؟ تراه ينطبق عليك 100%
تذكرين يوم تتطنزين على سبله يابعد الدنيا هي وبربها وتقولين انها تحجز والا ترجع؟؟ ترى هذاتس تسوين سواتها بس اللهم مغيره الكلمه من برب لــمكاني .. بس ترى كل الطرق تؤدي الى الجحده !!


راجعــه لكم ان شاء الله يالباقين الله لا يعوقني بشر

وعليكم السلام ورحمة الله وبركاته شرفتينا ونورتينا ياأبلا عذيب >> تحمست البزر

ياهلااااا والله وغلا ... برد على موضوعتس بقسمين >> وش عندها المثقفه
القسم الأول حق العطله اللي ماتهنيتي بها .. هي صدز من ناحية قصيره قصيره .. بس سالفة ما شبعتي نوم وتبطح وبطاله .. هنا عاد تركدي ياعمري وعلى هوينتس باتسر تخرجين ( عاد أعرستي وإلا ماتبين تعرسين بكيفتس ) الوكاد إنتس بتملين من قعدت البيت والبطاله تبي تقاطر مع خشمتس من كثرها >>> تخبرين الوظايف على أفا من يشيل >>> ما تشوفيني فاكه خشتي أربع وعشرين ساعه على النت بلاي من كثر الوظايف إحترت مار أهون عنهن كلهن >> مدزديه بهم :icon10:

والقسم الثاني من الرد بخصوص الكشته :
بادئ ذي بدء أقول الله يوسع صدرتس على هالصور عوضتيني عن الكشته بشوفتهن .. علشان أحلف إني شايفتن البر >> من اللي حالف عليتس تكذبين
المهم قبل لا أنسى ترى الجمله أعلاه ( بادئ ذي بدء ) ترى ذي حقتي ومتعوبن عليها ليما طلعت لا أشوف وحدتن منكن رازتها بموضوعن لها .. هاااه تراى علمتكن

نرجع للبر وأقول ماشاء الله عليكم ( قلت ماشاء الله موب يصخن واحدن منكم وتقولين هاذي عين كالوري أكيد هي اللي ناظلتنا ) >> تنهبل على البر وما حصلها كشتات
وشئ ثاني حبيت أضيفه .. ترى مهوب قل النوم هو اللي عفستس وخلاتس تقولين البر ما ينفع أكثر من ثلاثة أيام إلا هالأندومي والهوت دوق هاللي بلعتيه .. مير يابعدي تغذي وكولي لتس شئٍ ينفعتس باتسر وراتس دراسه وعرس >> تراي ما جبت طاري العرس إلا علشان أرفع معنوياتس كود تنفتح نفستس للدراسه وتجتهدين :S_45:

الله يسلم إيدياتس على هيك موضوع

مبروك التميز وعقبال اتخرج

تصدقين انا اللي مالي دخل بعطلتكم متفاجاه ماامداهم يبشروني بنجاحههم الا هم راجعين يدرسون حتى شناط مافرحو وشروهن

المهم ياوخيتي لا تغثين عمرك والبطاله جايه جايه الله لا يعوق بشر وبتطلع من خشمتس

وبالنسبه للبر انا لي تحفظ>>>>>احد دراي عنك

وشلون تنامون بالبر الحين الملك عبد العزيز طيب الله ثراه بذل مجهود كبير عشان يحضر البدو ويسكنهم بالمدن والا كان الى الحين حنا بخيام

وانتم ترجعون وتنامون بالبر وشلون تاكلون انا يمكن لو انام بالبر اصير جلد على عظم
اجل اكل والتراب يتطاير
لا واذا جا الذباب>>>معليش عندي فوبيا الذباب

معليش المره اثانيه اطلعو واشوو>>> اشوو= من الشوي
وارجعو بيتكم تروشو ونامو

ياالله اهم شي استانستي في البر والجمعه >>>الجمعه والا الخميس ههههههه تنكت

وعفوا ع الاطاله

مع السلااااااااااامه

توي مابعد قلت بسم الله!! من قايلك اني باجحد!! ومتى جحدت!!هو موضوعك ذاك قلت بارجع ولارجعت لانك انتي اصلا سفهتيه ومالها داعي ارد والموضوع مسفوه
لكن انتي قلتي كذا شكلك ماتبيني ارد عليكعاد هو مهب غصب اذا ماودك ارد ترى مهب لازم<---لاترى بتموت لو مارديتي
وبعدين وش هالمثل الطنزه عنزه!! وش دخل العنز يعني!!