فراااااااوله:
>> عذرا بس اسمك يستهبل مره تجي الألف بهمزه ومره بدون همزه هع
حيااااك .. بس ورى مارجعتي لنفس مكانك؟! لا تهمك كافي وريوفه تراهم مسابيه يحجزون ولا يردون بامكنتهم يالله لك الحمد مدري وش فايده الحجز بس >> مدري وراني عليكم!!:biggrin:
نسمه هوى:
عاد انتي بالذات كنت باهديك الموضوع على طبقن من فضه .. بلاي داريتن انك مشفقه على بران وابي اغايرك هع هع
مادرينا عنك ياسالي!! هها بس اقول ياخراب السفينه انتي واياها :S_45:
والله حبيبتي العرس يحتري ناس متخرجين ومعهم بكالوريوساتهم وسرايرهم تشتكي منهم اجل فيه احد ينام باليوم 25 ساعه!!:hahaha:
وشفيكم على القناه الاولى تراها بطله وتوسع الصدر خصوصا لا جابو دعايه شامبو.. تلقين الحرمه مفرعه وحول ماتبوس الشاشه من قربها وفي نهايه الاعلان تصك لتس ذا الحجاب تقل مهنا استر منها!!!
الله يبارك بايامك قولي امين ..
وابشرك النعال اخذت فيه جيد جدا مرتفع ويخب بعد .. انا اخبر فيه عشر درجات على الواجبات وحضرتي ماقد سلمت لها شئ .. يعني احب يدي وجه وقفا اني اخذت بي بلس
الله شهويتيني وودي اسويها >> لاحظي اني منب اشرب قهوه
بس احيانا تنزل علي حركات القديمين احب اقعد احوق على النار والحطب احس ونااااسه
شوفي كلش عرفت موقعه من الاعراب الا المبرد صراحه!! وش دخل اظافرتس بالسالفه!!
ليتني مكان ابوك ساعتها لا ألخك باكبر ماعندي !! ماتلاحظين كنك تشرحين كتاب العلوم حق ثالث ابتدائي!!
وااااااااااتسبدييييييييه الله يكرم النعمه اي والله.. كنك داريه انهم متغدين تيس ذاك اليوم!! لا والله ان الاندومي اطلق عشرين الف مره .. اقلها مافيها ريحه زيه
ههههههههههههههههههههه بعذرك والله مقنزع صغيرااات ... بس ماتسوى شيلته وحطته طعمه بائس الله يكرم النعمه
شوفي ترى صحن التونه الي فيه ملعقه هذا مخلوط معه جبن مدري مايونيز .. والصحن الي بعيد شوي عنهم هذا تونه ساده عشاني انا عله مااحب البربسه >> وش تسوي لك طيب :42:
تصدقين عاد على اني وحده خاليه من النعومه ياربي لك الحمد الا اني عمري مافكرت اسوق سياره!! وهاليومين صايره تلح علي هالفكره بجنون الله يستر بس عاد الدباب مقدور عليه بس السياره لو افحط ماخلوني اسوق
هاااااااه؟؟ متى قلته؟! أبددددد ولا طق اذني ذا الحتسي >> جحووود هع
شوفي ترى كل ماقلتي كذا يتقطع قلبي مية حته .. حرام عليك ارحمي شعورنا حنا يالي ماكلين تراب خمس ايام بالاسبوع بلا وجه حق>> صيحي احسن
يمال العوافي نسومه على هالرد الي يوسع الصدر
أبئي زورينا تاني >> حلا هو!!
فراااوله:
يامرحبا بك اقين:biggrin:
لا شوفي بر بدون اندومي وكابتشينو موب شئ ابدددن >> رايحه تبلع
حتى انا والله عجزت استوعب مااااش مايركب هالاثنين مع بعض .. بس وش نسوي بمزاجها عاد الله يصلحها
فيه وحده ثانيه بعد عليها حواااقين بالاندومي تجييييييييب اجل الي في بطنك بس صرااحه ماودي اذكرها حفاظا على مشاعر حبيبتي الاندومي
الله يبارك فيك يارب وعؤبال عندك.. شفتي اني شاطره ودافوره وانجح بالقانون واجيب مقبول خخخخخخخخخ
ابد تمممم بس انتي ولمي بقشتتس واحتريني عند الباب واجيك طايره >> كني اشوف نسومه تصر سنونها
يعطيك العافيه عالرد ياأمر منور .. صراحه اثبتي انتس منتب جحود مثل بعض الناس هع
برب أذن.. راجعه لكم ان شاء الله
نسمة هوى
•
سلااام عذيب
وشلونتس ان شاء الله بخيرر؟
ناويتن اخذ نجمه مثلتس هماتس تقولين اللي له اكثر من مشاركه بالموضوع المفروض له جايزه ولمي هديتي اجل :S_45:
مشكلتي اني مانيب مثل بعض الناس اللي يحطوون شدات بصراحه مدري وين الشده على اي حررف
بس يالدلخه مبرد مهوب حق الاظااافر وش علمتس انتي بالتراث :unsure:
انا اقصد مبرَد بوضع الشده على الراء وهو الاناء الذي توضع به القهوه بعد حمسها وذلك لتبريدها لانه مايصير نطحن القهوه وهي حاره ولاتساليني ليه لانه فاتني اسال ابوي ذاك اليوم
ال اظافر ال ههههههههههههههههههههههه قسم حسيت اني تراثيه
تصدقين ودي اسوي رحله للجنادريه لبنات الواحه المتفرغات اما اللي يدريسن ينثبرن عشان اصير مرشده هناك واتفلسف عليكم في امورر الاولين :2thmup:
يالله مع السلامه
وشلونتس ان شاء الله بخيرر؟
ناويتن اخذ نجمه مثلتس هماتس تقولين اللي له اكثر من مشاركه بالموضوع المفروض له جايزه ولمي هديتي اجل :S_45:
مشكلتي اني مانيب مثل بعض الناس اللي يحطوون شدات بصراحه مدري وين الشده على اي حررف
بس يالدلخه مبرد مهوب حق الاظااافر وش علمتس انتي بالتراث :unsure:
انا اقصد مبرَد بوضع الشده على الراء وهو الاناء الذي توضع به القهوه بعد حمسها وذلك لتبريدها لانه مايصير نطحن القهوه وهي حاره ولاتساليني ليه لانه فاتني اسال ابوي ذاك اليوم
ال اظافر ال ههههههههههههههههههههههه قسم حسيت اني تراثيه
تصدقين ودي اسوي رحله للجنادريه لبنات الواحه المتفرغات اما اللي يدريسن ينثبرن عشان اصير مرشده هناك واتفلسف عليكم في امورر الاولين :2thmup:
يالله مع السلامه
وعليكم السلام والرحمة ...
اول شيء مشتاقة لكم بالحيل ..والله فقدتكم ..
بعدين اكمل قراءة ان شاء الله وارد
اول شيء مشتاقة لكم بالحيل ..والله فقدتكم ..
بعدين اكمل قراءة ان شاء الله وارد
الصفحة الأخيرة
ملاحظين اني كني ادرس ليلي انا وذا الردود؟؟ :biggrin: ترى موب عشان شئ بس ودي اقهر ذا الي يداومون ..
والله اني مطنشه مير من قلب !!تخيلوا يصيرون بادين يدرسون!! > كن بطني عورني من الروعه خخخخ
خل نشوف من وقفنا عنده..
المسلمه الحره :
ماادري بس حبيت اسأل يقرب لموضوع معلمه اجيال؟؟ >> لا عاد تميلحين تكفين
تقولينه صادقه يامسمس والا تلعبين علي!! قسم لو تصير صدق لا اصيح من قلب عاد خير وش ذا نطرّهم عطل حنا!!
ماش جبته يمين وشمال فوق تحت ومافهمته!! بدايته مصري والباقي نجدي وشلون تجي ذي خخخخ
ترجمي الله لا يهينك
وين يقدمونها معه!! ابشرك اخر اسبوع اختبرت مادتين شهري!!! ياويح قلبي بس
وش مكنسه الا قولي ماكعينا مكع .. الحمد لله بس اهم شئ ودعت رقعه خشته ذا الاشهب
هههههههههههههههههههههه بس لحظه بالله!! وش ذا البر الي فيه سوق!! والا برانكم انتم ياحقين الشرقيه غير!!
تصدقين كنت مقرره امشي نفسي على ذا النظام احس ذا الحركه بتجوز لي خصوصا اني مشروع عجوز فاشل هع
بس الي صار اننا ماننام الا سبع ثمان ونقوم الظهر كننا محدودين !!
لبى قلب عمتي والله كنها حاسه ان بنت اخوها اندنوسيه :biggrin2: .. حرام عليك وش ضارك بالله لو انك ماخذه لرهوفي كم حبه تحوقها هناك وتوسع صدرها فيها !! >> بتشيش عيالك عليك خخخخخخخ
وماادراك قسم اشوف بوادي فول على الفطور .. اكيد جايبين علب معهم >> ضافين بنده ترانا
كل وقتنا نمشي بالبر أجل نطير!! بس مانقدر نطلع برا ذا وشسمه .. لان فيه ناس جنبنا ونخاف يخطفونا خخخخخ
مابعد شبعت من العطله >> لو على كذا عز الله ماداومتي
لا بس الاسبوع بربسه وجداول وتعديل ومدري وش!! لاحقين على الكرف الاسبوع الجاي ان الله احيانا
يعطيك العوافي مسمس الله لا يحرمنا هالطله البطله >> غير حقت ام تابط هع
مداد المشاعر:
هلا فيك .. حي الله مرت رجل المطافي >> بتمسكها عليك
مداد الله يصلحتس قولي امين من الي لاحقك بعصا!! احس تكتبين وانتي صاكه الطبلون وددددددي ومنى عيني آخذ منتس علمن سنع لو مره وحده بحياتي
تراني انا الي صاجتكم ماعمري نمت بالبر الا العام وذا المره بس .. بس والله ونيس جربيه مره وتحبيه كلللللل مره
يوء من ذي ؟؟! >> اكمخيها
صراحه ودي اعلق بس يؤسفني اني مابعد تعرفت على شئ اسمه جاااز .. وماظنيت انك تقصدين القاز ذاك خوي البنزين ماغيره !!
ايوه ياله مع السلامه وش اخباركم وش علومكم من العايدين جعله الله من مواليد السعاده >> طراه عجلتك
تسعد لي هالطله المقلعه يالمقلعه
ام العيال المشغوله:
حي الله رايعه القطاوه الي ماتنشاف
ذكرتيني مير تراي شرهتن عليكم ماعطيتوني تميز عليه >> بيعطونتس نعله على جبهتس وانتي الصادقه
وشهادتك اعتز فيها عزيزتي >> ملاحظه الشهادات تدهر !! محد قالي ان اليوم تسليم النتايج
والله يوسع صدورنا بالرضا والعافيه يارب
منووووووره ياعسل..