جربت النهاده طريقة القرع العسلى بالبشاميل وحبيتب انقل لكم التجربه علشان الكل يجربها فعلا تحفه وهأقولكم ملاحظاتى عليها بأذن الله
اولا المقادير:
2كجم قرع عسلى مقطع مكبات
1كجم سكر
مقادير البشاميل:
للكريم باتسير:
2.5حليب
4 صفار بيض
2م ك نشا
¼ ك دقيق
فانليا
6 م ك سكر بودرة
1 ك كريمة ففق +3 م ص سكر بودرة
ملاحظه المقادير دى عملت صينية كبيرة وواحده صغيرة
الطريقة
نضع القرع على النار مع السكر ونتركه ينضج مع التحريك حتى يصير قوامه كالمربى يعنى يستوى تماما
نضيف عليه 3 م ك نشا مذوبه فى نصف كوب ماء بارد علشان يربط ويتماسك
ودا شكلة
وفى الاثناء دى نجهز الباشميل اللى هو عباره عن كريم باتسير مع كريم شانتية
اولا للكريم باتسير
فى الفود بروسيسور نضرب صفار البيض والسكر والنشا والدقيق والفانليا جيدا ثم نضيف ½ ك حليب دافىء مع الاستمرار فى الخفق حتى تمترج
ثم نرفع اللبن المتبقى على النار حتى يسخن قليلا نضيف المزيج السابق عليه مع التحريك بالمضرب السلك كويس علشان مبيقاش فيه كتل (على فكرة دى طريقة الشيف اسامه)
بعد ما يبرد الكريم باستير نضيفه على الكريم شانتيه ونقلب جيدا
ودا شكلة
بعد كدا نجيب صينية بيركس كبيرة ونبطنها خفيف بالسمنه ونصب فيها القرع العسلى بالسمك اللى بنحبه انا عملته 1سم تقريبا
وبعد كدا نضع طبقه مكسرات مفرومه عليه ثم البشاميل
ودا شكلها قبل دخول الفرن
بعدين ندخلها الفرن من تحت 5 دقايق ثم نحمر وجهها فى الشوايه من فوق بعد رش الوجه بقليل من السكر البودرة ودا شكلها النهائى
طبقا يقدم بارد يعنى على الاقل 4 ساعات فى الثلاجه ويقدم
اعتذر على الصور الكاميرا مكنتش اضائتها مضبوطه بأذن الله تكون احسن المرات القادمه
بارك الله في جهودك