vip_sa
•
وأكمل لكم : قرأت اذكاري كاملة وسورة البقرة وثم نمت وحلمت بحلم غريب، شفت حرمتين ما اعرفهم ، وحده منهم بيضاء مرة (بياض اوربي اللي عروقها تبين من قوة البياض )وجهها كنها يهودية ، نحيفة جدا وطويلة ولابسه مثل طاقية العمليات (يعني يقال لها متحجبة) ولابسة تنوره طويلة وبلوزة ، وحرمة معها مثل المرافقة وجهها مريح وشكلها طيبه ،،، الحرمتين الثنتين ما اعرفهم ،، المهم شفت كأنه انا مربطة بحبال من هالحرمة البيضا وكأنها تبي تذبحني ، صرت أكلمها واسألها (انا وش سويت لك ) وش فيك علي ، وأحلف بالحلم اني مابي الا الخير وصرت اذكر الله ، وأخوفها بالله ، وهي كل ماتكلمت معها تحقد علي زيادة ، وتعبس بوجهها(عبوس ) ، صرت اقول لها من وصاك تجيني وليش تأذيني وأنا ما أذيتك ، وانا ماعندي شي يفيدك فاتقي الله ، المهم هي كنه تبي تذبحني بعدين كنها رجعت خطوة ل ورا شوي ، وهالوقت تكلمت المرافقة اللي معها ، وقالت لي ( فكي قيودك بنفسك ، واطلبي من خواتك ياخذون لك من الناس )هنا انا قمت من النوم متعجبة ، وزاد تعبي مرة وارسلت لخواتي وحكيت لهم الحلم اللي شفته ووصية الحرمة لهم ، المهم ويجي بكرة ويشد التعب واروح للمستشفى ويكتبون لي تنويم ، استفرغ بشكل محد يتخيله ، صاروا المستشفى فحوصات ورا بعض ، ومضادات بالوريد ، وكل شي سليم ، صرت افتح عيوني واصحى أبكي ثم ارجع انام ، واشغل سورة البقرة والاذكار من الجوال لأني وقتها ماكنت اقدر اقرا من شدة التعب والاجهاد
الصفحة الأخيرة
ذكرت اللي حصل معي من كلامك 😩