vip_sa :

٤/ ولما خلصت من الحجامة الثالثة ، توكلت على الله وقت خل اسوي انابيب هالمرة ، وسويت الى ماجا يوم الارجاع ، وانام وأحلم يومها بنفس الحرمة البيضا اللي شفتها من كم شهر ، لكن هالمرة كانت مو مربطتني وكنت انا واقفة ، وقلت خير بعد وش تبين وهي ودها تأذيني وتذبحني لكن ماقدرت ، قلت اعوذ بالله منك انا ماضريتك اتركيني ، وعطتني ذيك النظرة اللي كنها تقول انقلعي ، وهي مو قادرة تقرب مني ، المهم واقوم من النوم واتعوذ بالله من شر مارأيت ، وجلست على فراشي متعجبة من الحلم ، وموعدي كان بعد الظهر لارجاع الاجنه ، وانا جالسة دق الجوال ، قلت الو نعم ، قالوا معك المستشفى بنبلغك انه لاتجين 😩 قلت خير وش فيه ، أمس مكلميني تقولون عندي خمس اجنه وش حاصل ..المهم ألبس عباتي واروح للمستشفى واشوف الدكتور قال الأجنة مصابه بداون ( مرض داون ) بالانابيب يتم الكشف عالاجنه باليوم الخامس ، انا هنا تنحت ، قلت ايش وكيف وشلون ، شي عجيب معقولة الأجنة داون ، لو واحد اقول ماشي بس الكل مو صالح غريبة ، حمدت الله وشكرته ورجعت بيتي وغفيت ، وشفت أمي الله يرحمها 🥺 جايتني متضايقة عشاني ، وجو مجموعة حريم مغطين وجيههم عندها ، وصارت تحذرني منهم ، ومعي جلابيتين قالت خبيهم لايشوفونها ، ومن ضمن الحريم المتغطيات حرمة وحدة كاشفة عرفتها ، المهم ياطويلات العمر وصرت تقريبا لمدة شهر يوميا يتكرر علي نفس الحلم ، أمي الله يرحمها بتوصيني على شي وما اعرف ايش ،،،،، اكمل 😅

٤/ ولما خلصت من الحجامة الثالثة ، توكلت على الله وقت خل اسوي انابيب هالمرة ، وسويت الى ماجا يوم...

vip_sa :

كان عندي تعب تعافيت منه الحمد لله ، وهنا عرفت انه القرينه عبارة عن حسد يؤذيك ، هي تتبعك ، وتأذيك بحمل وتقتل الجنين ، وتسبب رفرفة بالرحم مثل حركة الجنين ، تسبب ضيق واكتئاب ، اغلب اسبابها حسد ، يوم يعجز الطب عن علاجك مايضر انك تستفسرين بالطب البديل دامه حلال ولابد من قراءة القران، مو شرط الكل يحلم لكن الله يسبب اسباب العافية ، ،،، انا حاليا بعد تجارب حمل متتالية لأجنة متوفية قررت اوقف شوي ارتاح ، جسمي تعب شوي وباذن الله ببشركم بيوم ،،،،، ايوه شي مهم ، كل الحريم يقولون بعد علاج التابعه لازم ماتجيبين طاريها 🤐🫣 وانه افضل الوحدة تحمل وتسكت ماتعلم لأجل ماتهيج النفس من جديد ، انه التابعه غالبا تجي من حسد اقارب والا معارف ، وانه علاجها لازم يكون بالطرق الشرعية ،، وانه اللي مات لها اجنه كثير بدون سبب مايمنع انها تعالج بالطب البديل من حجامة وعسل والأهم ماتقطع القران وخاصة سورة البقرة ، والفاتحة سبع مرات ، قلت لكم دخلت على حريم كثير ووحدة منهم قالت لي لازم كوي ، اني بكويك بأماكن معينه ، وانحشت منها ( الوحدة لابد تستوعب انه العلاج يكون شي منطقي ) ما اقنعني الكوي ، ووحدة ثانية كذلك قالت لي لازم كوي ، وبرضو ما اقتنعت ، وكم وحدة قالوا لي حجامة ثلاث شهور متتاليه ( راس الشهر وقت الدورة ) ويفضل لو يصدف ايام الحجامة الايام الموصى بها ، والعسل مفيد مرررة ، انا فرقت نفسيتي مرة ، وكنت اشتكي من تعب راح الحمد لله

كان عندي تعب تعافيت منه الحمد لله ، وهنا عرفت انه القرينه عبارة عن حسد يؤذيك ، هي تتبعك ، وتأذيك...