الكبة المقلية بطريقتي الخاصة ...(صورة )

هذي اول مشاركة فعلية لي واتمنى ان تنال على استحسانكم ...

بنات من رمضان وانا افكر بالطريقة هذي :55:وكنت خايفة ما تضبط معاي وطبعا منعا للقيل والقال ما جازفت في رمضان:11: عشان ما اجوع اللي عندي :06:

امس جربت الطريقة وطلعت حلوة والكل مدحني ولاول مرة امي تمدحني قدامي وجها لوجه :41:
هذي الصورة قبل القلي...

المهم وايد اتكلم صح بس عليكم التجربة ...
المقادير ...
2 كاس برغل اسمر ناعم ....
نصف كيس خبز السليس منزوع الاطراف ومفروم...
1 بطاطس متوسطة مقطعة صغير ومغلية مع قليل ملح ...
قليل من الملح + قرفة
2 بيض ....

الطريقة..
نغسل البرغل بالماء البارد ونشفها من الماء جيدا ...
نخلط باقي المقادير جيدا ونعجنها تطلع معانا عجينه يابسة نوعا ما....

عمل الحشوة ...
انا حشيتها بطاطس للي ما يحب اللحم (نباتي) :27:وطريقة حشوتي هي ...
حبتين من البطاطس مقطع مربعات صغيرة نغليه في الماء مع قليل ملح..
نحمر بصلة واحدة مع فص ثوم مدقوق في قليل من الزيت زيتون نضيف له البطاطس + نصف علبة خضار مشكل ونحركه على نار هادئة .. نضيف ربع ملعقة كركم +ربع ملعقة سنوت مطحون +بهار مشكل والملح حسب الرغبة .. ونستمر في التقليب الى ان يتجانس .. ثم نضيف 3 ملاعق كل من ( شبت+جلجلان+بقدونس) ونحرك قليلا....نغطي المقادير على نار هادئة مدة 5 دقائق .....

بعدين ناخذ قطعة من العجين ونحشي بنفس طريقة الكبة من الداخل ... ونقليه في الزيت ...

هذي الصورة بعد القلي


وصحتين وعافية ...

اتمنى انها تعجبكم ....

وفقكم الله ..