بسم الله الرحمن الرحيم
اممممممم << تفكر بمقدمة تخش منها عالموضوع!!!
شوفوا يا حبيبات القلب كباتي<< جمع كبه
أهم ما يميزهم..
النعومة
الحجم
والترتيب في الشكل والتحمير
يعني مو وحدة محروقه والثانيه كرة تنس والثالثه راس أبو الهول
كلهم حجم واحد وشكل واحد بدقه وحدة وتحمير واحد
وندخل بالتفاصيل
مقادير العجينة:
نص كيلو لحم طازج مفروم نااااعم من عند اللحّام
نص كيلو برغل ولو زاد كم جرااام مو مشكلة
((أنا وازنة بالباوند مو الكيلو عشان كذا طالع ضعف الكمية إلي ذكرتها))
بصلة متوسطة ونص
البهار ملعقة طعام (كمون، فلفل أسود، بودرة هيل، بهار مشكل) ملعقة شاي (قرفة) رشة (بابريكا)
ملعقة طعام ونص (ملح)
وبث,,
نغسل البرغل جيداً ثم ننقعه في ماء دافئ لمدة 30 دقيقة
نصفيه جيداً من الماء
نعد طاولة العمل (نحضر اللحم والبصل والبرغل والفرامة)
نبدأ بالفرم بالتناوب (شوي بصل شوي برغل شوي لحم.. وهكذا حتى انتهاء الكمية)
نعجنها باليد حتى تتجانس سنحصل على درجة النعومة هذه
طبعاً ما تكفي لأننا نبغى كبه ناااعمة وما تعور اللثة والأسنان<< متعقدة
نحطها دور ثاني بالفرامه نحصل على درجة النعومة التالية
ودور ثالث وأخير حتى نصبح بهذا الشكل
يتبع
نتركها في الثلاجة لمدة لا تقل عن 15 دقيقة حتى تمتص نكهة البهارات
نحضر خلالها الحشوة بطريقتك وتبهيرتك المرغوبة..
قبل البدء بتشكيل الكبة يفضل إخراج نصف العجينة والإنتظار حتى تأخذ درجة حرارة الغرفة ثم البدء في العمل والسبب!!
إخراج نصف الكمية.. لأن العجينه تحتوي على لحم نيئ ((غير مطهو)) وإذا كنتي بطيئه بالتشكيل وبمفردك فهذا سيستغرق..<< تعبت من الفصحى
المهم إنه بياخذ وقت بالتشكيل خصوصاً إذا كانت يدك مو ماخذه عالتكبيب ((تشكيل الكبة)) فبالتالي بيخرب اللحم أو بيبدأ يطلعلك دوائر وردية عالعجينة..
وهذي علامة ما تسر أكيد ويعني البكتيريا إلي باللحم قامت من النوم وبدت تشتغل بالعجينة
وفي ناس تقول تشكيل الكبة والعجينة بحرارة الغرفة أسهل وناس تقول بالباردة أسهل بس من خبرتي أقول..
أنا جربت الإثنين ولم تكون العجينة بحرارة الغرفة أسهل بكثير من الباردة وشتان بينهما!!
بس لازم صحن فيه موية جنبك للتشكيل عشان ما تلتصق العجينه باليد..
وطريقة تشكيل الكبة معروفة وماليه المنتدى.. وكل وحدة لها طريقة.. وكل الطرق تؤدي إلى رومــــــا!!
أنا أحب أكورهم أول بعدين أشكلهم لسببين
1- عشان تطلع بحجم واحد..
2- لم أكورهم وأبدأ أشتغل فيهم بتنشف الطبقه الخارجية شووووي مو مرة وهذا يسهل علي التشكيل والحشو بدون ما تتفتت وتتشقق العجينة..
بعد هالخطوة ممكن نحط الصينية إلي راصين فيها الكبة بالفريزر وأول ما تقسى الطبقة الخارجية وتبدا تثلج نفرغها بكيس.. عشان ما يخرب الشكل..
أو نقليها مباشرةً وأفضِّل المقلاة الخاصة عشان التحمير يطلع مضبوط والي ما عندها مو مشكله بس أهم شي تملي طاسة القلي
بالزيت بحيث إذا سقطنا حبات الكبة يغمرها الزيت كليّــاً.. يعني ما نضطر نقلبها كل شوي..
وشغلة مهمة درجة حرارة الزيت لازم تكون أقل من درجة قلي البطاطا المقلية لأن كثير يقلو الكبة بنفس درجة قلي البطاطا..
درجة قلي الكبة 350 فهرنهايت ما يعادل 180 درجة مئوية إذا مو غلطانه << ما فيها حيل تتأكد
وشغلة ثانية حجم الكبة 1 ونص إنش<< لا تفوتكم الدقة بس
هذي إذا للسفرة مع الغدا أو العشا أما إلي مع الشاي أسويها 1 إنش تقريباً لزوم الإتيكيت هع هع
وكبة اللبنية ((الكبة باللبن)) 2 إنش تقريباً
وما أحب قشرة الكبة تكون سميكة إلا في الكبة اللبنيه أسمِّك القشرة وأقلل الحشوة شوي..
هذي أنا ومحد مجبور على عوار الراس وكسرة الظهر مثلي.. :35:
وأترككم مع صور الكبة بعد القلي..
هذي ثالث مرة أسوي الكبة..
أول مرة كانت فاشله من قلب ولا كان عندي فرامة أساساً لكن اشتهيتها وقلت أجرب!!
ثاني مرة ناجحة ولله الحمد مثل المرة الثالثة
وهذي المرة الثالثة وأعتبر نفسي أتقنتها تماماً بهالطريقة والحمدلله
و ماشاء الله تبارك الله لا ننساها
ودمتنّ في حفظ الله ورعايته