الكريم اللي ساعدني في التنحيف بعد الله ثم الرياضة والتخفيف

الله يسعد اوقاتكم وكل ايامكم يا احلى بنات حواء حبيت انقلكم تجربتي في نزول وزني حتى الكل يستفيد
من ثلاث شهور تقريبا قررت انزل وزني فبدات بنظام غذائي كانت اختي قد اخذتو من قبلي ونزلت بشكل فظيع واحلى ما بالرجيم او بالاحرى النظام الغذائي انو سهل وغير محدد باكل او اصناف محددة وانا سميتو نظام لانو فعلا ينظم حياتك وكل يومك عكس ما في الرجيمات من حرمان وتعب نفسي وفي بداية الرجيم كنت امشي كل يوم تقريبا ساعة ونزلت خلال شهر تقريبا 8 كيلو بفضل الله وبعد الشهر اشتركت بنادي رياضي لمدة شهر فقط وتركت المشي ونزلت تقريبا 5 كيلو وكان عندي اوربتراك كمان وكنت العب عليه نصف ساعة اضافة لرياضة النادي بعدين تركت النادي وبدات العب نفس رياضة النادي بالبيت وكان النزول مستمر مع اني لم اكن متقيدة بالنظام تماما لانو اعتمادي الاكبر كان على الرياضة وعفكرة يا بنات اكثر منطقة سمينة عندي الكرش يعني مهما كنت انحف كنت احسو بارز لانو كان كرشن واحد من فوق وواحد من تحت يعني منظر سئ جدا صحيح بطني نزل بس مع نزول وزني بدات اشعر ببروزه اكثر جربت خلطات كتير للبطن مثل زيت الزيتون والزنجبيل والفلفل الاحمر فعلا كويسة بس للاسف عملتلي تحسس وطلعلي حبوب على بطني وجربت كثير من الكريمات حتى اني وصلت مرحلة اقتنعت فيها تماما انه لافائدة من الكريمات مع اني كنت اضعها والعب رياضة حتى جوزي من كثر ما بشكي من الكرش ونفسي بحل ما عاد حابب اني انحف عشان يخلص مني وبيوم اجا زوجي من الشغل ويبدو انو كاين يحكي هو اصحابه المهندسين عن الرجيم والسمنة والكرش فواحد من صحابه تاجر بيجيب بضاعة من الصين وجايب لزوجته كريم صيني وقال انها استفادت عليه كثير فصممت على زوجي انو يجيبلي اياه (الغرقان يتعلق بقشة )وفعلا وضعت الكريم على بطني مع تدليك للبطن بطريقة علمية تعلمتها من النت وبعد ما احطو بلعب رياضة طبعا الرياضة بلعلبها مع الكمبيوتر على البرنامج الرياضي اللي وضعته الله يجزاها الخير انين السنين وعفكرة بنصحكو تنزلو البرنامج لانو اكثر من رائع ويستاهل الصبر على تحميله نرجع للكريم اول مرة حطيت فيها الكريم احسست بحرقة ولكن كانت بسيطة واثناء لعب الرياضة زاد الاحساس بالحرقان كان عندي امل كبير بهالكريم والحمد لله كان الامل بمحله بعد 3 ايام تقريبا من وضع الكريم والرياضة اثناء وضعه والله بطني خس وانقبض بشكل واضح واليوم تقريبا صار لي اسبوعين عالكريم وبطني تغير بشكل جذري والحمد لله الايام هذه اكثر الايام التي اشعر فيها بثقة لاتوصف بجسمي حتى اني كنت اعتبر انو البطن الوراثي مستحيل يتغير لكن بفضل الله تغيرت نظرتي يعني كل شي مع الرياضة ووضع الكريم بطريقة مناسبة وتدليك بطريقة علمية بيعطي نتيجة
الكريم يتكون من فلفل احمر وزنجبيل واعشاب اخرى وعفكرة هذا الكريم مش الكريم اللي بتتكلمو عنو دائما في المنتدى اللي هو بارتنرلف حتى اني بحثت عنو في الغوغل وما حصلت نتيجة وانا عفكرة من الاردن وما في عنا كريم بارتنرلف يا بنات الكريم من ماركة Aichen Beauty ومكتوب عليه 3 days 3 centimetres
hot long يا رب يكون موجود عندكم وتستفيدو زي ما استفدت واخيرا اهم شي وما في حل غيرو الارادة الرياضة ثم الرياضة ثم الرياضة لانها والله بتنحت جسمك نحت وبتعطيكي بعض الحرية في اكلك والله ينحفكم بصحة وعافية وسعادة
اي سؤال انا حاضرة .
نسيت اقلكم وزني كان 87 وحاليا الحمد لله 62 عقبالكم