كيف حالكم اخواتي الحبيبات اتمني من الله ان تكونوا جميعا في احسن حال واحسن صحة بعد ردودكم الحلوة في موضوعي الحواوشي وبناء علي طلب اختي عيون المها و حبيت تشوفو اكلتنا الشعبية المشهورة الكشري وسامحوني لو كان حد نزله واكيد كل واحدة وليها طريقة المهم الفايدةيللا بينا نبدا
بسم الله الرحمن الرحيم
نحمر بصلة متوسطة لدرجة الاصفرار وبعدين نضيف شوية شعرية ونقلبها لحد لما تاخد لون دهبي طبعا احنا حطينا البصل الاول علشان بياخد وقت اكتر من الشعرية وبعد لما يحمر احط الرز واضيف المية ولما تغلي اضيف الملح واوطي النار لحد لما يستوي بالطرية العادية
اسلق العدس واصفيه واضيفه للرز بعد لما يستوي واقلبه وانا طافية النار
اسلق مكرونة واجيب حلة احط فيها شوية زيت صغيرين وملح وفلفل واقلب فيهم المكرونة واركنها واعمل الصلصة احمر ملعقة ثوم مفروم واضيف الطماطم المعصورة وممكن معاها فلفل اخضر مفروم ولما تطخن ازود مية وملح وبهارات واغليها واطفي المهم ما تكونش خفيفة اوي
اعمل التقلية اقشر بصلة او 2 واقطعها بقطاعة الشيبس علشان تبقي رقيقة واحمرها في زيت غويط وانقلها علي ورق نشاف واسلق حمص وده اختياري وعند الاكل ابدا اجمع الطبق اغرف اول حاجة الرز بالعدس وبعدين المكرونة وبعدين الحمص وعلي الوشالصلصة والبصل
وفيه حاجة اسمها الدقه ودي برضه اختياري اجيب ملعقة توم مفروم واحط عليها ملعقة صغيرةكمون وزيها كركم و2ملعقة خل ونص فنجان قهوة مية شطة لو عايزينو سبايسي
وبالف هنا وشفا طبق لذيذ وسهل بس عيبه المواعين الكتير هههه بس يستاهل
معلش بعض الصور عليها اسم تاني دة اسمي في جروب الاكلات اللي عاملاه
اتمني ان الطبق يعجبكم ولكم تحياتي