الكفوف أيام الإبتدائية

اذكر لما كنت بمدرسة 29 بجدة في سادسة ابتدائي ابله الدين عطتني كف حامي ، والسبب لأني كنت حاطه روج . عطتني كفين على اليمين والشمال علمتلي خدود . المشكلة انها هي كمان حاطة مكياج . ومرة ضربتني كف حار بس عشان جيبت معايا عطر بالفصل .

ايام زمان كان الضرب منتشر في المدارس الحكومية . . بالنسبة لمدرستنا ما كان فيها ضرب بالمسطرة فكانوا اغلب الابلات يضربوا كف . كانت عندنا ابله علوم شديدة الي تجاوب غلط او ما تحل الواجب تعطيها خمس كفوف . كانت ترص البنات توقفهم عالسبورة وتعطي كل وحده خمسة كفوف

في ابله العربي كمان تضرب البنات كف ، كانت عندنا بنت سورية بالفصل . ابله التاريخ كل يوم تعطيها كفوف قدام البنات في الفصل بدون سبب .( الخير يخص والشر يعم ) حرام تصفع طالبة بشدة بحيث تكون للعظة والعبرة عشان البنات المشاغبات يتأدبوا لمن يشوفوا اثار الكف عالخد

مرة ابله الرياضيات عطتني كف حامي لأني اتكلمت اثناء الدرس . , وقفتني حصة كاملة ووجهي عالجدار ارفع يديني ورجل وحده . قعدت حصتين خدي محمر

حتى ابله الدين مرة عطتني كف حار لأني نسيت اجيب الطرحة والعباية ، رجعت البيت خدي يشع حرارة من صفعتها . المشكلة انو امي شافتني وقالت احسن تساهلي

الموضوع الي كتبته قديم ، صحيح انو الوضع اتغير الحين ، ما صار فيه ضرب . اتطلعت على مواضيع كتيرة في هذا المنتدى عن ظاهرة الضرب في المدارس وحبيت اشارككم .
أنا عن نفسي افضل الوسطية في التعامل . ما اييد الضرب في حالات ما لها داعي . زي مثلا ما انضرب كف عشان حطيت روج . الوضع ما يستاهل . الحين الحمدلله مرتاحه صرت كبيرة اروح كلية الطب احط مكياج زي ما ابغى

ايام زمان انضربت كتير من الابلات لكنهم في النهاية طلعونا علماء . وايام زمان الهالي ما كانوا يسووا شي . الضرب كان عادي . بعكس الوضع الحالي دلع وصارت البنت ترفع صوتها على الابلة .
إذا المعلمة ضربت طالبة .. الطالبة ترفع شكوى عليها . المعلمة ما تقدر تمد يدها على احد ..

اعطوني ردودكم يا حلوات