الكليجه القصيميه 100% مع الصور

السلام عليكم ورحمة الله وبركاته...
اشكر الاداره لتفعليها لعضويتي.
أخواتي العزيزات حبيت أشاركم في هذا المنتدى الرائع بقسم أطباق عالم حواء باطباقي و تطبيقاتي لأطباق بعض الأخوات العزيزات.

الكليجه القصيميه..
المقــــادير:
2 كاس دقيق ابيض منخول
2 كاس دقيق اسمر منخول
1ملعقة طعام خميره فوريه نذوبها في بيالة مويه
3 ملعقة طعام حليب بودر
3 ملعقة طعام سكر
ا بيضه
نصف كاس زيت
كاس منقوع فيه ملعقه طعام هيل وزعفران لمده 4 ساعات

الطريقه:
نخلط الدقيق والسكر والحليب البودره مع بعض نضيف لهم الخميره ونعجنه باليد ثم البيض ونفركه تتطون عندي عجينه مفتته ,ثم نضيف لها كاس المويه بالزعفران والهيل ((((بالتددددددرررررررررييج)))) حتى تتكون عندي عجينه قاسيه نوعا ماء..وكاس المويه ممكن مااستخدمه كله انتبهو يااخوات.
اترك العجينــــــه لمدة ساعه ترتاح .

احضر الحشو :
1 ملعقة طعام ليمون اسود
1 ملعقه صغيره كل من(هيل ,زنجبيل,قرفه,فلفل اسود)
فنجانين سكر
دبس تخلطين فيه الحشو لحد مايكون الحشو زي العجينه .

ملحوظه:
1\ انا لفيت لكليجه من الاطراف مثل السمبوسك علشان مانتفتح معاي لان جربت اسويها صارت تنفتح من الجوانب وتطلع الحشوو .

2\ ندهن الوجه ببيضه وحليب وشوي هيل قبل تدخيلها الفرن.

3\ لازك يكون الفرن ساخن نوعا ماء وماطول فيه يمكن ربع ساعه تقريبا ..ومجرد ماتشوفينها تنتفخ وتتحمر من الاسفل شغلي عليها الفرن من الاعلى علشان تتحمر.

4\ طبعا فردت العجينه رقيقه تقريبا اقل من نصف سم وقطعتها بالقطاعه الدائريه ... يعني نفرد العجينه ونحدد بالقطاعه حجم القطعه على العجينه ثم نحط الحشو عليها ونحط عليها قطعه عجينه مفروده ونقطعا ثم نلف اطرافها.

شووفوو الصور ومرفقه صوره شكل الكليجه من الداخل.