الكل انصدم من بشرتي في العيد

السلام عليكم يابنات ...

ابا اقولكم تجربتي مع خلطة كريمات .... الكل سالني شو مسويه وخاصه اني سافرت فالكل يتحسب اني سويت شيء في المانيا .. المهم ما اطول عليكم ...

اول شيء قبل رمضان سمعت عن الرتن ايه وقلت ليش ماقشر ويهي وخاصه اني اعاني من المنطقه حول الفم .. فيها تغيير عن بشرتي ... وهذا وايد كان مضايقني ...

رحت للصيدلي وطلبت منه الرتن ايه وكريم ثاني اسمه درومفيت ... وطبعاً هو على طول قالي عشات التبيض ... قلت له ايه قام وعطاني نوع ثالث وقالي اخلطيهم وشوفي النتيجه بعد شهر .... والصراحه الكا انبهر بي يوم شافوني ...

الكريمات هم

1- الرتن ايه كامل
2- دروموفيت
3-الدوكين4%

نخلطهم كلهم مع بعض واستخدامهم بس لمدة شهر ...

طريقة الاستخدام فقط في الليل وقت النوم ... وقبل لاتحطين الكريم تكونين نظفتي ويهج بالاسكنول ( منظف يباع في كل الجمعيات والصيدليات ورخيص جداً ) بعدها تغسلين وجهك بالصابون الخاص بنوع بشرتج واللي ترتاحين عليه انا استخدم دوف .. وعقب تحطين الكريم ... على ويهج ماعدا محيط عيونج ... انا كنت احطه على رقبتي بعد ... عشان ابيضها وواحد لونها ...
ومن اقوم الصبح اغسل ويهي وانضفه بالاسكنل واحط واقي يناسب بشرتي ... بالاضافه الى ترطيبها ... والنتيجه
1- اختفاء الاثار البنيه
2- اختفاء السواد اطراف الفم وتوحد لون البشره والحمدلله .. الكل انبهر
3- البياض اللي لاحظته

بنات انا جربته لمده شهر حتى يوم سافرت ماوقفت عنه ...والحمدلله ارتحت عليه وقفته بعد العيد لمده اسبوع واللحين بعد برد له لمدة شهربس على رقبتي لانه رقبتي ماتفتح لونها لدرجه ويهي اباها تصير مثل لون ويهي ... وهذي نعمه حبيت اخبركم ... عشان تستفيدون ....

في نقطه كريم درومفيت يستخدم لعلاج الصدفيه وفيه نسبه كرتزون .. ممكن تستغنين عن نصف كميه المعصار ...

واي استفسار انا في الخدمه ...