الكل يدخل ~

السلام عليكم ورحمة الله وبركاته : كيفكم ان شاء الله كلكم باتم خير وعافيه انا اول مره اشارك بمنتدى لكن الشكوى لله ، حسيته المكان الوحيد اللي اقدر اتكلم فيه بكل اريحيه بدون حواجز ومكان  للتنفيس من الكبت اللي عايشينه انا عندي مشاكل كثيره والحمد لله بكل الاحوال بداية من شكلي واسلوبي روتيني اليومي قلة ارتباطي بالمجتمع الخارجي اشياء كثيره بالنسبه لشكلي متعقده من الشعر الزاىد بجسمي ووجهي كاني رجال مافيني نعومه :( ومايمديني اشيله الا يطلع بعد يومين ويطلع بشكل قاسي ماينشال ومره اتنرفز لما اشوفه او المسه وبشرتي حكايه ثانيه سمرا مبقعة واماكن خشنه شعري باهت وخشن وكل ماشوف شكلي م اندفع للامام بحيث اني اهتم بنفسي بالعكس اتحطم ويزيد احباطي من كثر مارفع حواجبي جبهتي صارت مخططه كاني عجوز مع ان عمري  24 اه يالعمر احس راحت من عمري 24سنه م استفدت منها فيني كسل ماهو طبيعي تقدرون تقولون اني ماسويت شيء بحياتي ينحكى بدون مبالغه ذبحني الكسل طول وقتي نايمه واذا صحيت منسدحه ههههههههههههههه سودانيه مع مرتبة الشرف اما بالنسبه لاسلوبي مافيه اسلوب كاني طفله م اعرف اتصرف متنحه م اركز م افهم اصلا م اتكلم بسبة الرهاب اللي دمر حياتي مع اني في مرحله من المراحل ذكيه وفكاهيه ومرحه مادري وش غيرني ! ماعندي صديقات كان عندي صديقه حميمه متعوب على حميمه الزبده تزوجت وسحبت .. نفسي اغير نفسي تغيير جذري نفسي اغير من شكلي بحيث التغيير يزيد الثقه بالنفس انا الثقه عندي زيروو نفسي اطور نفسي وطريقة اسلوبي نفسي امسك مسرح مليان ناس واتكلم بصوت جهوري افيد الناس وافيد نفسي وربي حلمي اكون زي كذا .. نفسي تكون عندي صديقه تكون لي اخت وسند وماتغيرها الايام وتتقبلني كما انا مو لاي شيء ثاني .. رغم كل عيوبي وادري محد يبغاني ولا انخطبت الا مره وحده وشافتني امه وسحبت الا اني متعلقه بالزواج واتمنى اتزوج اليوم قبل بكره .. اللي ابيه منكم الله يرزق كل وحده اللي تتمنى واكثر مما تتمنى ابي منكم دعوات صادقه وابي تعطوني حلول وافكار ايجابيه اهم شيء من ناحية الكسل لانه اذا انحل ان شاءالله تنحل الامور كلها وسالفة الخطوط اللي بجبهتي وش حلها ههههه  وابي افكاركم لجدول استفيد من وقتي من ناحية اتعود اشتغل في البيت واهتم بنفسي واطورها واقوي شخصيتي وكل شيء من هالقبيل.. اعذروني على الاطاله الكلام بالقلب كثير واعذورني على الاسلوب .. ومشكورين ~