انا بطرح عليكم مشكلة من زمان كنت ابي اطرحها لكن كل مرة اقول اصبر وبيحلها رب العالمين......
عادة الزوجة تشتكي من ام زوجها او من اخوات زوجها.......لكن في وضعي انا وامي و خواتي العكس!!!!! نشتكي من حريم اخواني مع ان امي ماتتكلم لكن واضح عليها وضوح الشمس...
بقولكم القصة من اولها...
اخوي طلب انه ندور له على عروس واشترط انها تكون من عائلتنا...واخوي ولله الحمد تتمناة اي وحدة في الدنيا وكثييييييييير من بنات العائلة يحلمون فيه ويتمنونة.....المهم الكل توقع انا رح نزوجة وحدة ملكة جمال او على الاقل في مستوى وسامتة .......لكن اخوي اشترط انها تكون عاقلة اولا واخيرا ومومهم شكلها.......
خطبوا له اهلي وحدة انا ماكنت ابيها لاني احس انها ماتناسبة هو انسان اجتماعي وهي انطوائية هو وسيم وهي اقل من عادية وهو اخلاقة تشري قبايل وهي للاسف فيها غرور وتكبر
المهم تمت الخطوبة......وجتنا اتصالات كثيرة متفاجئين ومصدومين كيف اخذناها وفيه الي احسن منها واجمل وصار زعل من ناس قريبين منا بالمرة وقالوا ان احنا ماعرفنا نختار ....
طبعا الزواج قسمة ونصيب ودافعنا عنها وقلنا يكفي انها مؤدبة وخلوقة ومن هالكلام....
والكل في البيت كان فرحان ومستعد لها امي وابوي وكلنا........ وقدموا لها اهلي في شغالة وهي توها باقي ماتزوجها اخوي واشترى ابوي البيت وامي ساعدت اخوي في تجهيز البيت .....
يعني جتنا ملكة متوجة بس عليها انها تامر........الشغالة موجودة والفيلا تحت تصرفها والاثاث هي الي اختارتة ......
واول مارجعوا من شهر العسل كنا مجهزين لها زوارتها وفرحانين فيها لانها زوجة اخونا الي نحبة ويسوى عيونا.......لكن تفاجئنا فيها وفي اسلوبها وطريقتها في الكلام كنا نكلمها وماترد علينا ......قلنا يمكن مستحية وعذرناها......لكن للاسف لاطلعت لا مستحية ولا يحزنون تجينا البيت ماتقول السلام ......وتجلس ولاتتكلم وان حاولنا نكلمها ماترد علينا....هذا غير لبسها الي مثل لبس الرقاصات ماكأنها بنت حمولة ........واللة اني اخجل وانا اشوفها تمشي قدام امي وابوي والفخوذ كلها طالعة والصدر كلة برا ........يعني مهما كان بنت الحمايل تحتشم لانها موبنت شوارع.......لكن لا حياة لمن تنادي..
والامر والادهى ان امي مارحت تزورها في بيتها من تزوجها اخوي وكل يوم امي تختلق عذار عشان ماتروح وفي النهاية امي تكلمت وقالت انها متضايقة من تصرفاتها وانها ماتعرف لاحق ولا واجب.....
لدرجة انه اذا كان ابوي موجود وامي ماتكلف نفسها تقوم وتصب القهوة يعني ماعندها احترام لاحد.....تخليوا امي تصب لها القهوة كأنها ضيفة مو زوجة اخونا ومنا وفينا.......
وفي مرة خواتي تجمعوا عندنا لان كل وحدة منهم بديرة وطبعا جى اخوي وعزمهم هو وزوجته ورحنا كلنا وامي معنا وكانت هذي اول مرة ندخل فيها بيته!!!! وجيناها وليتنا ماجيناها استقبال ما استقبلتنا !!!!! الي استقبلتنا الشغالة الي جايبتها امي لها!!! وجلسنا نص ساعة ماندري وينها وجتنا لابسة لبس الله لايوريكم......ولا كلمة ولاحتى هلا ولا شيييي حتى القهوة ماصبتها جالسة حاطة رجل على رجل ..........وتعشينا وطلعنا ولا ودعتنا عند الباب يعني تخيلوا لاي درجة ......امي تعبانة بسببها وتقول احنا ماضريناها في شي بالعكس جتنا ملكة متوجة ليش تتصرف هالتصرف.......حتى خواتي مستغربين من معاملتها ومصدومين......
لنا سنة ونص مادخلنا بيت اخوي الا مرة وحدة بسسسسسس حتى امي مادخلتة الا مرة ومالقت ترحيب بعد!!!
واخوي مانقدر نقولة شي مانبي نكدر خاطرو ونسوي مشاكل بينهم لكن في نفس الوقت نبي نعرف ليش هي معاديتنا واحنا ماسوينا لها الا كل خير......ما يكفي انا اخترناها لاخوي وهي ماتستاهل؟؟؟؟في وقت الكل يتمنى نسبنا لان وللة الحمد ما يجي منا الا كل خير وعز...
ادري اني طولت عليكم لكن من زمان ودي اطرح المشكلة هذي وودي القى لها حل امي صابها القولون بسببها ............والكل ملاحظ حتى الناس ملاحظة انها ماتناسب اخوي لكن ودي اعرف ليش فيه بشر كل ما اكرمتهم ورفعتهم لفوق يسئون لك......وكيف نتعامل معها ؟؟؟؟؟
يلزم عليك تسجيل الدخول أولًا لكتابة تعليق.
دخــون
•
الله يساعدك اختي الطيبه انتي وامك...بس يمكن تكون بعدها صغيره وماتعرف الواجب..ترى ياما بنات صغار مو متهيات للزواج وتزوجو وتكون احدى هالغلطات اللي يعملوها مثل غلطةزوجة اخوكي....ادعوا لها بالهدايه وعسى ربي يكبرها ويوعيها وتعرف اصول التعامل مع اهل الزوج...
تاو تاو
•
مثل ما قالت أختي دخــون .. يمكن البنت ما تعلمت هذا الأشياء في بيتهم .. وانتي قلتي إنها انطوائية .. فتوقعي هذا الشيء منها ..
صدقيني مو كل البنات يلقون أحد يعلمهم هذي المهارات .. فتحملوها .. وأحسنوا الظن فيها .. وحاولوا انتوا تعلموها التصرف الصحيح ..
وليش ما تصارحونها .. وتحاولون تفهمونها؟!؟!
المهم أحسنوا الظن فيها .. في النهاية هي مرت أخوكم .. وبتعيشون معاها عمر ..
صدقيني مو كل البنات يلقون أحد يعلمهم هذي المهارات .. فتحملوها .. وأحسنوا الظن فيها .. وحاولوا انتوا تعلموها التصرف الصحيح ..
وليش ما تصارحونها .. وتحاولون تفهمونها؟!؟!
المهم أحسنوا الظن فيها .. في النهاية هي مرت أخوكم .. وبتعيشون معاها عمر ..
هي مو صغيرة عمرها 30 سنة وبعدين احنا حاولنا معها كثيييييييير وحاولنا نتقرب لها لك مافية فايدة ماتبي اي علاقة معنا يعني ماتبي غير اخوي احد...........والمشكلة مو انها انطوائية ......لانه مالها ذنب في انطوائيتها لكن الكلام على تصرفاتها وكلامها.......
لالالا غلطانين لا تكلمونها
تدرون ليش لانها بتقلب الكلام وتحط عليه بهارات وتقول كلام انتم ماقلتوه
خلوها
اليوم لها وبكره عليها
والله يعينكم على ماابتلاكم لان فيه وحده اعرفها عز المعرفه وهي من العائله تزوجت واحد من العائله
والله قلبت حياتهم نكد ومشاكل
+++++++++++++++++++++++++++++++++++++++++++
خاطري اسئلكم سؤال ليه الوحده لا تزوجت تكره اهل الرجال وماتحترمهم ولا تقدرهم ؟؟ ليه
ليه تخلي الولد يكره حتى امه وابوه ليه ؟؟
فانتظار اجابتكم على سؤالي
تدرون ليش لانها بتقلب الكلام وتحط عليه بهارات وتقول كلام انتم ماقلتوه
خلوها
اليوم لها وبكره عليها
والله يعينكم على ماابتلاكم لان فيه وحده اعرفها عز المعرفه وهي من العائله تزوجت واحد من العائله
والله قلبت حياتهم نكد ومشاكل
+++++++++++++++++++++++++++++++++++++++++++
خاطري اسئلكم سؤال ليه الوحده لا تزوجت تكره اهل الرجال وماتحترمهم ولا تقدرهم ؟؟ ليه
ليه تخلي الولد يكره حتى امه وابوه ليه ؟؟
فانتظار اجابتكم على سؤالي
لوز وسكر
•
والله اذا كنتم حريصين على علاقتكم مع اخوكم وزوجته فلازم انكم تكلمونها وتسألونها عن سبب صدودها عنكم واذا مالقيتوا اي رد منها خلوها يمكن تكبر وتعقل
والله يعينكم على بلواكم
والله يعينكم على بلواكم
الصفحة الأخيرة