ماشاء الله عيني عليكم باردة والله انكم تبيضون الوجه وينشد فيكم الظهر عاد أنا قلت لزوجي لاعاد تجيب كوسة كثير الحين بغير كلامي مشكورين يالغوالي قصيمية بجدة لايكون جارتي وأنا ماادري ونسمة دلع وهنا الكويتية وشوشوتوتو na3oomودمتم بمحبة

حياج الله اختي الطموحه ..والف مبروك انضمامك الى عالم حواء ..


ممكن تسوين بعد كيكه الكوسه .



..http://forum.hawaaworld.com/showthread.php?t=904118


المقادير :


2 كوب طحين ابيض

2 كوب سكر ....( الافضل تخفيض الكميه لانها طلعت حاليه وايد )

1 كوب زيت

3 كوب كوسه مبشوره خشن

1 م ص فانيليا

5 بيضات ( بحراره المطبخ )

1 م ك بيكنج بودر + نص م ص بيكربونات الصودا

ا م ص قرفه ( دارسين ناعم )

ربع م ص ملح نص كوب جوز مقطع صغير ومرشوش بشويه طحين


http://up.hawaaworld.com/get-st1ko8i5.jpg


طريقه عمل كيكه الكوسه ....

1- يسخن الفرن على رقم 4 ( فرن الغاز ) ويجهز البايركس ويدهن بالزيت ..

2- نقطع الكوسه من الطرفين ونبشرها بشر خشن ..واثناء البشر نقيس الكميه المطوبه 3 اكواب ..
ويخلط الطحين مع الملح + الدارسن + البيكنج بودر + بيكربونات الصودا بالملعقه ويترك ..

3- بخلاط الكيك ...يخلط البيض + السكر +الفانيليا ..على سرعه عاليه حتى يبيض لونهم ( 5 دقائق )

4- يضاف الزيت بالتدريج ..

5 - نخفض سرعه الخلاط لاقل درجه .ثم يضاف الطحين بالتدريج حتى ينتهي المقدار ..ثم نرفع السرعه ونخلط بسرعه عاليه لثوني حتى يختلط المزيج جيدا مع تنزيل العجين اللي بالاطراف ..

6- نطفأ الخلاط ونضيف الكوسه المبشوره كلها + الجوز ..ونخلط بالملعقه جيدا ..
ثم نضع الخليط في البايركس ونساوي السطح ,,,

7- يدخل الفرن30 الى 35 دقيقه ... حتى ينضج ويترك ليبرد جيد قبل التقطيع ..

( تكون الكيكه هشه جدا مثل الكيكه الاسفنجيه )

ممكن تسوينهااا حشوه للسمبوسه او المعجنااات قطعي الكوسى مكعبات واغليهاا بمويه وخل بعدين اقليها بالزيت ماراح

تشرب زيت لانهاا مغليه بعدين شوحي بصل عالنااار ويكون مفرووم نااااعم وشويه ثوم حسب الرغبه ومكعب مااجي وفلفل اسود

وكزبره ناااشفه الى ان يذبل بعدين اضيفي الكوسى وبيضتين وقلبيه لين يستوي البيض واتركيه يبرد شوي بعدين اضيفي كزبره

مفرومه وحشيهااا بالسمبوسه خياااال واللي يأكلهااا مايدري ايش الحشوووه وطعمهااا جناااان وادعي لي إذا عجبتك

وبالعاافيه

لقيت هالوصفه ولطشتها من ام الحلوين هههههههههه الله يجزاها خير

تفضلي

المقادير:
1:مكرونه طوال ,طماط ،بصل,ثوم,فلفل باردوحار,بهارات,
2:كوسه مقداركيلو(تكون كبيره)
3:صوص ابيض (مايونيز, قشطة ,قليل من الماء,ممكن جبن)
4:صينيه بايركس,اوتفال
الطريقه:
نظفي الكوسة ثمحكي سطحها بالسكين
ثم يقومي بتقويرها بالحفارحتى يخرج من الجهة الثانية (اي مفتوح من الجهتين مفرغ)بحذر.
ثم نحشي كل امبوبة بحزمة بيدكي من المكرونة بعد ان نقوم بكسرها متساويه نصفين.نصفها بالصنية
ثم بالخلاط الطمام والبصل والبهارت وماجي وملح وشوي زيت وماء ملئ الكأس
وصلصة حمراء
ثم نطحنة
ثم نقوم بسكبة على الكوسة المحشية بالمكرونة المصفوفة بالصنية ثم نقوم بقصدرتها ثم وضعها فوق الفرن على نار هادئة حتى تنضج.
#خيارات#
بالنسبة للصوص ممكن اضافة على وجة الصنية وادخلة بالفرن وتحمير وجة(((ملطوووووش لعيونك )))

سوي كبة كوسه وفرزنيها عجيبه دايما اسويها والكل يسال عنها
ابشري الكوسه وافرمي بصل ناعم مع كزبرة وشبنت بكميه كبيرة واذا عندج بصل اخضر او بقل (كرات)
اخلطي الخضرة والبصل مع الكوسه وضيفي بيضه وملح واعجني لحد مايطلع ماي من العجن ابدئي ضيفي طحين بكميات قليله واعجني لما تحصلين عجينه متماسكه سايلة مو يابسه
سخني زيت عالنار بارتفاع قليل اغرفي بملعقة الاكل وصبيها بالزيت وافردي العجينه شوي بظهر الملعقة حتى تصير قرص صغير وعلى نار هاديه لحد ما تستوي واقلبيها عالوجه الثاني
ممكن تفرزينها بصبها اقراص بصينيه مبطنه بورق التغليف النايلون ولما تجمد شيليها من الصينيه وعبيها باكياس وبالفريزر لوقت الحاجه