الكيكه الذهبيه

السلام عليكم ورحمة الله وبركاته
اصبحنا واصبح الملك لله
قررت قبل اروح الدوام انزل لكم طريقة الكيكه الذهبيه وهذي كيكه لذيذه جدا انتشرت مؤخرا في مواقع كثيره وكعادتي قلت لازم اسويها وانزلها للحبايب
طبعا هي كيكه عاديه ممكن تسوينها بشكل كيكه او تحطيها بصينيه واسعه وتسوي عليها توفي او نستله وكيري وتطلع حلى
عموما بلى كثرة هرج خلونا ندش في المقادير
كاس حليب محموس
كاس دقيق ابيض
ملعقه كبيره بكنج بودر
كاس سكر
نص كاس زيت
3\4كاس ماء
3 بيضات
فانيلا
الطريقه :
في كاس الخلاط نخلط البيض والفانيلا ورشة ملح وممكن شوية خل عشان البيض
نظيف السكر والزيت والماء ونستمر بالخلط
اخيرا نضع الدقيق والحليب ونحرك بخفاقة السلك واخر شي البكنج بودر
تصب في صينيه واسعه للحلى وفي صينيه صغيره للكيك
وزينيها حسب ذوقك
انا صبيت عليها شوي توفي وحطيت عليها كورن فليكس شوكولاته دوائر
واخيرا اخليكم مع الصور
ولاتحرمونا من صالح دعواتكم