الكيكه الكريميه طعمها دوووووووووووووووخه

شفت الطريقه هذه بكتاب طبخ اعتقد اسمها حلا الجبنه الكريميه و جربتها لزواره زوجي عجبتهم و طار و جربتها ثاني يوم لزوارة اهلي و طااااااااااار


و مقاديره

1 بسكوت دايجستف الكبير
2 كوب حليب
1 كوب سكر
2 قيمر
1 كوب ماء مغلي
2 مغلف جيلاتين
12 حبه جبن كيري


الطريقه
1- طحني البسكوت
و حطي بالخلاط الحليب + سكر + القيمر + الجبن و ضربيه
و بعدين ذوبي ظرفين الجلاتين بالكوب الماء المغلي ( على فكرة الجلاتين ريحته كريه للي ما جربه لان انصدمت بريحته و فكرته منتهي و اتصلت على وحده سالتها عن ريحته )

و ضيفي الجلاتين بالخلاط تالي اخذي الخلطه هذه و صبيها على البسكوت و خلطي عدل و حطيه بقالب و خليه بالفريزر لغايه ما يجمد بعدين حطيه بالثلاجه


عند التقديم حطي القالب بماي حار ربع دفيقه و قلبيه و تالي صبي على صوص الكاكاو انا حطيت صوص الكراميل
و هذا شكله

ملاحظه : لا تحطينه بالماي الحار مده تر راح يذوب و صبي الصوص عند التقديم مباشره عشان ما يسيح شكله