الكيك يابنات ليش يطلع كذا ؟؟؟؟؟؟؟

مشكوره
والله اني اسخن الفرن
طيب صح هو ياثر عليه لو افتح الفرن والكيك جو

يمكن ما خفقت الخليط كثير جربي تخفقينه مدة عشر دقائق وشوفي كيف يطلع منتفش وكما لازم يكون الفرن ساخن قبل الخبز مدة من سبع إلى عشر دقائق وما تفتحين الفرن في العشرين الدقيقه الاولى حتى ما تهبط الكيكه

هذا سؤالي توي مصلحه بسبوسه ولا تحركت نفس الإرتفاع الله يخليكم من تعرف تقولنا خطوات نجاح الكيك أو البسبوسة .......
أحب البسبوسه بس ما تظبط معي بأنتظار السنعات منكم والله يوفقها ألي ترد

مرحبا حبوبه


انا اسوي كيك وتطلع معاي الطريقه حيل حلوه اول كانت تنتفش ولمن افتح الفرن تهبط الكيكه وتتفتفت


انا اقولج طريقه المقادير اللي اسويها


المقادير


5 بيضات

ملعقه فانيليا +ملعقه بيكنغ باودر


كوبين ونص طحين


كوبين سكر


وزيت ثلاث ارباع الكوب


واذا تحبين الكاكاو حطي كاكاو بودره 4 ملاعق كبار


الطريقه


حطي البيض وحطي الكر اخفقيهم عدل لين تحسين انه الخليط تغير لونه صار للابيض وطلعت فقاعات وايد فيه وارتفع الخليط شوي

وحطي البيكنغ باودر والفانيليا مع الخليط واخلطيه


بعدين تحطين الطحين والكاكاو بمنخل وتنخلينه مرتين عشان يدش فيه الهوا وتنتفخ الكيكه معاج

بعدين تحطين اخر شي الزيت وتخلطينه بالملعقه شوي وتصبين الخليط بالصينيه


بس الاحسن انج تحطي ورق الزبده عشان ماتلتصق او اذا ماعندج حطي زيت امسحيه بالصينيه وحطي طحين شوي وبعدين انفضي الطحين الزايد


المهم تكونين مشغله الفرن قبل تسوين مقادير الكيكه


وتحطين الفرن على درجه حراره 180 وتشغلين الفرن بس من تحت


وتحطين الشبك مال الفرن بالنص وتحطين الكيكه
احسبي للكيكه 40 دقيقه وانتبهي لاتفتحين الفرن بس بتشوفين من ورى القزاز انه شوي شوي تنتفخ الكيكه


المهم بعد 40 دقيقه

افتحي الفرن بسرعه وحطي سكينه ناشفه بوسط الكيكه اذا طلعت السكينه ناشفه يعني استوت طفي الفرن وطلعي الكيكه

وحطيها بمكان شوي دافي


خليها نص ساعه وبعدين مرري السكينه باطراف الكيكه عشان تنفصل عن الصينيه


وبعدين اقلبي الكيكه على ورق زبده على صينيه ثانيه


و****لله تطلع معاج اوكي


جربيها و****لله تنجح معاج


لاتيئسين انا كنت اسوي كيك ويفشل معاي بس مره على مره تضبط




ان شاء الله اكون افدتج بشيء

ينقل من الحلويات الي أطباق عالم حــــواء.....