اخواتي ......صلوا على النبي الحبيب عليه الصلاة والسلام <<خلوني آخذ أجركم
المهم ............ هذا طبق اللحم المكموووت مع رز بالخلطة >> تعرفون يااا حب الرجال للحم ؟؟؟
هذا الطبق بعد ما سويته لزوجي صار طبق اللحم المعتمد << زوجي لاعاد يبغى كبسة لحم << ولا زربيان لحم << ولا مقلوبة << حتى ضيوفنا مايرضى اسوي لهم شي ثاني ...
مكموووووووووت ..........مكموووووووووت بس هههههههه
اللي ما تعرف معنى مكموووت <<< يعني مكتوم << مخنوووق هههه احلى شرح
بس الصور توضح المقصد....
الطريقة :
لحم غنم ... الكمية اللي تحتاجبنها
أولا ... تحطي اللحم في القدر وعليه : ملعقة شاي زنجيل مطحون + ملعقة شاي خل
هذا يساعد في استواء اللحم ويشيل الزفرة حقه
وهنا في القدر الى ان ينشف ويتغير لونه ...ثم تضيفين بصل مقطع وسط 2 حبة + ثوم 2 فص مقطع مكعبات
وبعد ما يحمر البصل تضيفين
..بهارات مطحونة مشكلة ... عرق فلفل اخضر ... ورق غار ... شيبة ... رشة كمون .. رشة اكبر فلفل ابيض....حبتين فلفل اسود صحيح
وهنا بعد اضافة البهارات ...
وبعدها يالحبايب ... هنا مناسبة التسمية.....
تضيفين الملح وبعدها تحطين قصدير على القدر وتضغطينه من كل الجوانب .... تكتمينه وتخنقين اللحم ... ما يدخله هواء.. وهنا سر الطعامة
وتغطين القدر وتتركينه على نار هاااااااااادية
واضيفي شوي شوي مويه في فنجان قهوة ... لا تكثرين
بس عشان ما ينحرق قاع القدر
..
وتتركينهمن ساعة وربع الى ساعة ونص
صح وقت طويل شويتين ... لكن الطعم بينسيك
ملاحظة مهمة ... بتتكون في اسفل القدر الصوص حق اللحم ... شوفوها
شايفينها ... اذا خذيها بملعقة من القدر وحطيها بصحن لاستخدام آآآخر
ولا تنسين ... ارجعي اكتمي اللحم
نجي للرز .... تكونين .. مسوية رز ابيض بطريقتك
طريقتي .. رز وماءوملح وشوي زيت وبهارات صحيحة (هيل +قرفة + قرنفل فقط )
وتخينه نص استوااااااااء ... اذا نشفت مويته تحطين في جنب القدر كشنة انتي مجهزتها +الجنب اليسارصفار الزعفران بعد ما حليته في فنجان الشاي وتكبينه
نجي للسر ... سوي حفرة في وسط القدر بالملعقة .. وتحطين الصوص حق اللحم وتقفلين الحفرة << حشا دفن هذا مهو طبخة
المهم
الصورة توضح قصدي...
... وهنا .... اللحم بعد ما استوى
احطه في صينية ملبسة بقصدير وادهنها شوي زيت واحط اللحم وادخله الفرن الكهربائي
يتحمر ويتقمر شوي
وقلبي لو احتاج عشان يتحمر من الجهتين
وهنا بعد التحمير
واجيب فحمة مولعة في فنجان زيت واحطها شوي في صينية اللحم واغطيه
ثم شوي في قدر الرز بس للريحة
وهنا الرز بعد الغرف
وتحطين عليه شوي بصل محمس + زبيب
وسويت معاه فلفل مطبوخ .... لذيذ جدا
للي تبغى طريقته من عيوني
وعـــــــــــلـــــــيكــــــــــــم بـــــــالـــــــــــــعــــــــــافــــــــــية