اللهم قنا شر الفتن !!!!!!!!!!

نقلت لكم هذه المقالة لهدف وهو إن فتياتنا هداهن الله يرتدين عباية تخل بآداب الدين الإسلامي و ترى العجائب في السوق من أزياء العبايات التي غدت مثل الفساتين و هذا الشيء يحز قلب كل مؤمن غائر على دينه وعلى بنات دينه... نقلت لكم هذه المقالة على لسان أحد الشباب بأسلوب ساخر....

ويقولون ليه الشباب يغازلون.. انا اقولكم ليه...


العبايات:-

شمغ .. ساري.. شك .. خرز.. طب وتنقى بس لا تكثرن يالبنيات..
نشوف ان العبايات بدت حبه حبه شوي شوي.. بزر بدا يخطي
كانت وسيعه==> بدو يضيقون===> فستان عزيمه===>

والي يلفت انتباهي.. مره وانا عند خياط عبايات كان فيه ثنتين وحده عبايتها تقول وزرة يماني..
والثانيه قاعده تفصل عبايه.. عاد تقول للخياط ضيق من عند الخصر.. وخلها كلوش من تحت(يعني فرنسي) والخياط ماغير يضيق بهل العبايه لمين الخياط طلع من طوره وقال ماما هذا مافي عباه هذا صار فستان عروسه..
(مشالله الهندي مطوع)
عاد كانت البنت من ربع حبتين.. قالت وش دخل امك الحين انت
الهندي تلايط
ولا يوم خلصت قالت خل فتحات من الجوانب وخلهن لمين الركبه.. عشان يطلع البنطلون الجينز.. (ماما لاحقني واحد بروح اعلم الهيئه)
خلونا الحين من ذولي قالتله عندك خرز احمر قال الهندي المسكين ايه قالت حطه بالعبات كله..
من حق عبات صارت..(بس اقول الله يستر عليهن بس)




الشيل والطرح..(القصمان الغدفه)

1-الفوطه:الي صايرتن تسنه فار مقرضه مافي جخر الي فيها.. الثانيه مشخالة رز..
2-الخيشه:-الي اذا حطيته على وجههك قنه بس متشعمط على وجههك ومخشوه.. وش حدكم على الشقى..
3-لوحة بيكاسيو:-الي مافي لون بالعالم الا رازتوه بالغطى حشى ماصرنا بنات الخليج(السودان وقفل الباب وراك)
4-غطى على غفله:-خله حرير بس يكون شفاف الله يرحم والدينك(طيب ليه تغطين)..(والله ماودي بس الوالد اجبرني)
5-مافي خيط هندي وخرزه الا بالغطى:-الي تصير كله شخابيط ..
هذي بعض الغدفات الي هابين فيها هل اليومين بنات ترى الموضه الحين الجنز لا يفوتكم




الشنط:-

1-اهم شي انها تكون صغيره(سندويشت ابو يمن..) وتلصق بالاباط وتكمله ضيق الكم بالله وشلون تمشي..
2-تلمع وتبلص:-ومره انا امشي واحد يلحق وحده وانا وراهم اتتبع الاحداث(CNN)ومستغربه البنت مابه شي
يعني عشان يلحقها.. وبالاخير وقفه قاله من وين شنطتك انا ابي اتزوج وابي لزوجتي مثل ذي الشنطه لانها تلمع..
البنت دور خشمها طار للدور الثالث..
3-حقيبة المدرسه:-قال امريكان قال.. بعبايتك ومتغطيه ورازتن الشنطه وراتس(والله عيب)




الجزم:-

1-عماير المملكه والفيصليه والراشد معاهم:-(بالغصب طويله وعنقى)تلبسهن بس اويلاه من جاء ودفه
(عاد مايقصرون الشباب انواع الحرش)
2-جزم االشباب العرابجه:-اكشخ من قدكم البنات بدوا يقلدونكم..




اللثمه:-

1-النينجا:-الي تلثم وتحط فوقها ملكي .. بس ناقصها عجره وتكمخ الشباب فيها..(هذهي النوعيه لا تمشي جنبه عربجيه)
2- فارس بلا جواد:-الي تسوي لثمه بسبدون ملكي(لثمة الشجاعات وطويلات السان)
3-لثمة2002:-الي تلطع كل شي الشعر والي تبي طب وتنقى (لثمة الدلوعات والمايعات)
4-لثمه مع غطى خفيف:-الي تلثم وتجدع غطى(لثمة الي تبي تدين بس مهي قادره)




المكيـــــــــــــــــاج:-

لطخي بوجهتس وكثري بالعيون وسوي زي كحل زينب العسكري.. وشوفي الشباب كيف يلاحقون..
(ابي امي .. ابي ابوي.. ابي الهيئه.. ليه الشباب يلاحقوني).. ( بنت يلاحقها عربجي) ...

و في الختام أرجو من أخواتي التقيد بالعباءة التي سنها لنا الإسلام حتى لا تكوني عرضة في أن يفتتن فيك أحد من الشباب!!!!

و أفضل شي إنكم تقررون في بيوتكم و لا تكثروون من الطلعات اللي ما لها داعي...
و انظرن يا أخواتي إلى التدرج في لبس العباءة هل يحزنكن هذا الأمر أم لا...