السلالام .....كيفكم ياعسولات
طبعا ابغا رأيكم بموضوعي وتصرفي اللي صار
انا زوجة ثالثه يمكن لي اربعه شهور اول ماجيت مع زوجي جاتني الزوجه الاولى زياره طبعا كلمتني واستأذنت ورحبت فيها وجات وماطولت
يعني جدآ محترمه ...الزوجه الثانيه جاتني اليوم الثاني طبعا جأت فجأه وكيف اوصفلكم وهي داخله مع الباب انا ماعندي خبر انو بتجيني لمن دق الباب اقول مين
قالت انا وافتح وتدخل كن احد يركض وراها خخخخ ورحبت فيها وفيني علامات تعجب الموهم وجلست وتسولف وتقول رسلت ولدي قلت يقولك بجي
وقال ولدي فلانه تقول الله يحيك >>والله ماجاني ولاشفته
انا بصراحه انصدمت وسكت طبعا تصرفاتها غرررريبه وجلست تقهوت والظاه تعمدت لين جا زوجي ولمن جاء قامت ترحب فيه وانا انقهرت قامت باسته بس مدري وين
انا بالعاده اذا جاء استقبله وابوسه بس هذي عندي ماقدرت بس هي رفعت ضغطي ويوم جيت اصب بياله نعناع قامت ساحبت البياله من ايدي وتعطيه وهو عطاها
نظرت استحقار وقال رديه وردته وجيت عطيته انا ....بس اللي مستغربته انها تقول انا كنت بزوجه والله شوفيهم لسع يتصلون بس راح وتزوج
احسها كذابه تغاااار والدليل تصرفاتها بس مو هذي المشكله هي يوم قالت تعالي وانا محتاره اروح او لا بس زوجي يقولي انتبهي منها تراها بيوم تقلبك على راسك
علما انها بالثلاثين مو باين عليها كذا بس سبحان الله وجهها مايريحك لمن تجلسين معها ودك تنفرين منها
بس قلت بشوف وش عندها ولمن رحت ليتني مارحت بس تسب في زوجي والغرض اني اطلع كلام طبعا ماقلت شئ قامت قات ترا تزوج وفعل وترك
انا مستمعه لين طلعت حتى قالت ماكان يبي تلفزون وانا خليته يجيب لدرجة انها تقول اذا تبين رسيفر جيبه اذا صار مو عندك المهوهم ماعجبني كلامها
صارت تتصل مارد وكثير تتصل خاصه اذا سافر زوجي ع طوول تتصل وقبل يومين كذا قالت تعالي انا بنفجر منها قمت رسلت لها رساله
قلت رجاء يا ام فلان لاعاد تتصلين ولا تناديني تراك تحرجين نفسك بصرآحه ماحب المجاملات وانا مارتحت لك وانتي انسانه كثيرة كلام وحبيت اعلمك باللي بخاطري
وسلامتك ....جات قالت وش قلت وش سويت انا ماتكلمت فيك ...قلت عارفه بس خلاص مابينا الا سلام واحترام ماحنا مجبورين على بعض مايربطنا الا ابو فلان
قالت قصدي نوسع صدورنا اذا سافر لانو مايخرجنا كثير....قلت انا مستغربه من اصرارك .....قالت عشان حبيتك واحسك مثلي يعني فله قصدها !!!!
قلت اسفه .. قالت خلاص بمسح رقمك لا بينا سلام ولاغيره ......... انتهت
بصراحه احسها تخوف وناويه نيه حتى انها كتبت بوحده من الرسايل انا مو ناوية شر قسم بالله ماجا لها مناسبه ذكرتني باللي يطلع من بيت احد ويقول ترا ماسرقت
وجا زوجي اليوم الثاني كل شوي يقول فيه اخبار فيه اخبار احسها قالت له ويبي اشوف اتكلم او لا وانا سكت بس وش رايكم بأسلوبها وكلامها واصرارها
معليش على الاطاله وارجو منكم الرد
نفسي اعرف @nfsy_aaarf
عضوة نشيطة
يلزم عليك تسجيل الدخول أولًا لكتابة تعليق.
DanaMam
•
انتبهي منها الله يعينكانتبهي منها الله يعينك
الله يكون بعونك بس جد شكلها مو سهله وناويه نيه شينه
ابعدي تحسن لك ولهم
ابعدي تحسن لك ولهم
الصفحة الأخيرة
وبصر احه انا اشوف ان العلاقه المفروض تكون رسميه
لان القرب فيه غيره ومشاكل