COLOR="DarkOrchid"]بسم الله الرحمن الرحيم
السلام عليكم ورحمة الله وبركاته
كيفكم يابنات واش اخباركم واش عاملين مع الاجازه ان شاء الله مبسوطين
انا اتمنى فعلا من المشرفات الحبيبات ماينقلون موضوعي لاني ابي العون من بنات واحتي الله لايخليني منهم
من وين ابدأ مادري كل اللي اعرفه اني متضايقه مررره وماأدري اش السبب ادري بتقولون تعوذي من ابليس واذكري الرحمن وصلي على الحبيب محمد عليه افضل الصلاة والسلام وعلى اله وصحبه الكرام وقومي صلي ركعتين واقري قران وان شاء الله تروح هالضيقه بس انا سويت كل هالاشياء ولسه متضايقه
احيانا اقول يمكن من اللي قاعد يصير في المسلمين في كل مكان الله ينصرهم على اعدائهم نصر عزيز مقتدر >>قولوا اميين
بس لالالالالا ماهو هذا السبب اصلا احس احنا المسلمين كأن صار عندنا مناعه ضد الابادات والاهانات اللي قاعده تصير للاسلام والمسلمين اصبحنا بدون عزه بدون كرامه من لما حسينا ان اعدائنا اقوى منا وخضعنا لهم ومشينا ورى زييف الحياة الدنيا ونسينا اننا اقوى منهم بايماننا بالله وان من توكل عليه واتخذه نصيرا نصره الله بحوله وقوته حتى وان كان اعزل السلاح<<اااااااه بس مين يفهم
واحيانا اقول انه يمكن متضايقه لان اختي قلبي رجعت لبيتها في الشرقيه بعد ماملت علينا البيت بضحكتها الحلوه ورمستها الاحلى <<صارت اماراتيه الاخت<<تحاول تستخف دمها بس ماش ثقيل ثقيل مابه حل خخخخخخخ
او لان ست الحبايب لحقتها بعد كم يوم وراحت تتونس عند وخيها شوي الله لايحرمهم من بعض وخلت علي الدنيا بعدها الله يرجعها بالسلامه <<اثري اللي مايكحل عيونه بشوفت اوميمته كل يوم ماش حاله مايسر الله يخليلي امي ويخليلكم امهاتكم<<قولوا اميين<<ادري تأمنون بس زيادة حرص>>بس برضوا لالالا ماهو هذا السبب لاني اكلمها كل يوم يعني مايحتاج كل هالضيقه
ادري اني حيرتكم معاي وزيي ماتدرون وش الحل بس انا قعدت بيني وبين نفسي<<يعني الحين لاحد يتدخل الجلسه خاصه>>بتعرفون النتايج بعدين
الموهم لما جلست مع نفسي بعد مانامو بزراني وقدرت اصفي ذهني وافكر قعدت انبش مشاعري وافكاري وخبايا نفسي يمكن الاقي سبب ضيقتي اللي حارمتني من اني استمتع بحياتي لدرجة اني ادخل الواحه واحجز في المواضيع ومااقدر ارد<<والله صدق كيف ارد على موضوع مفرفش وانا مش مفرفشه>>ماطولها عليكم اكتشفت ان سبب ضيقتي من الواحه <<لاتستغربون ايييه من الواحه اللي المفروض تدخل الوناسه لقلوبنا وترسم البسمه على شدوقنا>>نسسمت ادري <<عشان كذا طلبت عونكم والقوصه تبدأ من موزووع ام تأبط حق تقبيل اروني الله يحفظها لميمتها ويحفظ اوميمتها لها<<قولوا امين<<كمان زووود حرص طبعا هي الحكايه قبل الماضوع المذكور اعلاه بس هو اللي وصلها للنهايه وأججها<<حلوه أججها صح احس تبييني مثقفه>>يافرحت امك فيك >>وين كنا ايوه والله يابنات انا اخاف اقول سبب ضيقتي وتجون علي وتزيدون ضيقتي ضيقه بس ارجع واقول عشمي فيكم طيب ومالي غيركم بعد الله
المشكله بيني وبين عضوه في الواحه استغلت اقدميتها ومعرفتها الوطيده<<والله صرت اطلع درر تسلم اناملي يارب>>نعود للعضوه اقول انها استغلت اقدميتها ومعرفتها الوطيده ببنات الواحه ومشرفاتها وصايره تمشي في المواضيع وبس تلاقيني كاتبه رد تقوم ترد علي وتدعي ادعاءات مالها اساس من الصحه كل هذا عشان تشوه صورتي بينكم وكل هذا عشان ايش عشان شي هو من حقي وملكي اصلا بس هي دايما تحرف الحقايق وللاسف البنات يصدقونها لان زي ماقلت هي اقدم مني ولها علاقات مع بنات كثيرات في الواحه انا عارفه ان اغلبكم الحين يقول ابشري ياكوين باللي ينصرك عليها ولعيناك واحنا مانرضى بالظلم بس متأكده بمجرد ماأذكر اسمها كلكم راح تتراجعون عن وقفتكم معي وتوقفون معاها ضدي وابغى من كل وحده تتراجع عن نصرتها لي بسبب انها عرفت اسمها انها تقولي انها غيرت موقفها بس عشان تشوفون اني صادقه انكم راح تتراجعون عن نصرتي لمجرد انها اقدم مني وتعرفونها اكثر مني وماهو لانها على حق ادري طولت هرج والحين بقولكم منهي هالعضوه وبأيش ظلمتني هي العضوه اللي اسمها
مداد المشاعر
8
8
اييه مداد انتي ليييه طارت عيونك من راسك يعني بتفهميني انك ماكنتي عارفه انك انتي المقصوده
8
8
اييه بنات هي مداد تدرون ليه لانها ماشيه في كل موضوع وتقول للبنات انتبهوا ترى كوين سرووق اسرقت عسليييمه حقتي مع ان عسلييمه هاذي حقتي انا اصلا وهي استغلت انها سجلت قبلي واخذتها تبون الدليل الدليل ان عسليييمه هاذي متوارثه عندنا وماهي مكتسبه بس جدتي الله يرحمها رضعت ام خالة جدة مداد ومادرت ان بيكون من نسلهم وحده سروق ومدعيه زي مداد لانهم ناس ماشاء الله عليهم طيبين واصل وفصل بس مدري كيف طلعت هالمداد من بينهم سروق ماتحفظ حق العيش والحليب اللي بينا وبينهم بس مادام جدتي كانت كريمه واعطت ام خالة جدتها حليبها انا بطلع كريمه زيها واتنازل لها عن عسليييمتي واسامحها <<خلاص مدوده افرحي سامحتك
ياااااه يازين الراحه ابشركم بنات راحت الضيقه اثري المسامحه تصفي القلوب وتزيل الضيق والهم والله صدق بنات لاتخلون في قلوبكم شي على بعض ترى الدنيا ماتسوى اخرتها حفره مترين بمتر يعني ضيييقه فليش نضييق قلوبنا وصدورنا بالبغض والكره والمشاحنه مع بعض صفوااا قلوبكم تصفى لكم الحياه<<هذا لب الموضوع مع بعض مايستفاد من المقدمه
وعلى فكره ترىمدووده احبها مووت وعسليمه حقتها حق وحقيقي بس هي اللي طاح عليها الاختيار عشان اقيم عليها تجربه في اول موضوع من خيالي واتمنى يعجبكم
ودمتم بخير
8
8
8
8
8
وعسليييييمه<<اودعها لانها اخر مره اسرقها
:26: :26:
كوين المدينه @koyn_almdynh
محررة فضية
يلزم عليك تسجيل الدخول أولًا لكتابة تعليق.
ياختي كوين المدينه الله الله بالدعاء في آخرالليل وانا واهلي راح ندعيلج ان شاء اللهياختي كوين المدينه الله الله بالدعاء في آخرالليل وانا واهلي راح ندعيلج ان شاء الله
بنت الفرقان مشكوره ياقلبي على المرور
دردوره جاري الانتظار
احلى نواره جزاك الله خير اختي بس لوكملتي الموضوع بتفهمين قصدي وماتقصرين انتي واهلك وياريت فعلا تدعون لي احد يستغني عن دعاء اخوه المسلم له
دردوره جاري الانتظار
احلى نواره جزاك الله خير اختي بس لوكملتي الموضوع بتفهمين قصدي وماتقصرين انتي واهلك وياريت فعلا تدعون لي احد يستغني عن دعاء اخوه المسلم له
الصفحة الأخيرة
وجزاك الله خير