الله يخليكم كونوا معاي وساعدوني ..؟؟ ابي رايكم

السلام عليكم ورحمة الله وبركاته

اولا كل عام وانتم بخير

الله يسعدكم ابي اقولكم سالفتي وابي منك الراي والشورة والخبرة

بداية قصتي انا بكريه انا كنت حامل ومن بدايه حمل ولله الحمد كل شي زين بس فيه شوية مغص بالبطن وطبيعي المغص عند الحامل في الثلاثه الشهور الاولي وبعد كذا يوم دخلت الرابع المغص لازال مستمر رحت لدكتورتي قالت طبيعي ومافيك شي عملت لي اشعه وتأكدت من البيبي وموية البيبي والرحم قالت مافيه شي طبعا انا اراجع بالتأمينات عند استشاريه المهم المغص قام يزيد وقام يأثر علي ورحت لها وحولتني على الطوارئ تقول مافيه وقت اني ادخل عندها زحمه بالعربي حواتني على طوارئ التامينات قالوا لي مافيه شي
والمغص لازال موجود وطول الفترة اللي راحت انا عند اهلي مرتاحه ومااعمل اي مجهود بسبب المغص اللي عندي والدكتورة لازالت تقول مافيك حاجه

رحت لاستشاريه ثانيه بمستوصف الضوي وشافت وضعي وعملت لي تحليل بول ومسحه طبيه واشعه قالت لي ان عندك التهاب فطريات من تحت وعطتني تحميلات وقالت راجعي دكتورتك وخليها تراقب الفطريات لانها ممكن تسبب طلوق او تفتح الرحم مع راحه تامه وكان عندي نزول بالمشيمه بس بسيط مرة من الدرجه الرابعه يعني مو خطر بس قالت لي ارتاحي وراجعي الدكتوره

طبعا هذا الكلام ماقالت لي دكتورتي اللي انا ارجع عندها من بداية حملي

المهم من بعد اسبوع جا موعدي عند التامينات ووريتها كل التحاليل اللي انا سويتها بالضوي مع الاشعه وحتى التحاميل وريتها قالت لي ببساطه مافيك شي والالتهاب عادي بسيط مامنه خوف وبس
عملت لي اشعه فقط بس ماشافت الالتهابات قالت لي ان وضع الطفل كويس والنمو ممتاز والمويه تمام وانا وريتها مكان المغص ببطني قالت شد عضلي طبيعي لا تقلقي
وماعندك نزول بالمشيمه ووضعك احسن من الممتاز طبعا هذا الحكي كان يوم السبت 15 رمضان

بعدها يوم الاثنين تعبت حسيت فيه شي راح ينزل مني مثل البول بس ثقيل وزاد المغص ورحت مستوصف قريب من عندي بيتي وسوت لي اشعه وقالت كل شي

تمام نزل معاي شويه دم وانا اللي اعرفه ان نزول الدم من بدايه الحمل او نصه او نهايته عادي مافيه خوف اذا كان بسيط يعني يعطوني ابر مثبته او حبوب مع راحه تامه

زوجي طلب منهم انهم يحولوني الى مستشفى التأمينات وهذا الحكي الساعه 3 الفجر والاكيد اني بعد بدخل الطوارئ
من اول مادخلت من اول دكتورة اقصد قابله كشفت علي دخلت اصابعها من تحت تقربيا 3 مرات قالت مافيك شي علما اني بالشهر الخامس ماخذه منه اسبوعين يعني ليش يدخلون اصابعهم

جاتني دكتورة ثانيه ودخلت تفس الشي اصابعها قالت مافيك شي وعملوا لي اشعه مافيه عندي شي

بهذا الوقت زوجي طلب منهم انهم يعملوا استدعاء للدكتورة حقتي ماعبروة وقالوا ان الدكتورة تجي الساعه 10 الصباح واحنا كنا الساعه 5 الفجر
طبعا سوا لي تنويم ورحت فوق وجاتني ثالث قابله ودخلت اصابعها اكثر من مرة قالت مافيه شي بالعربي تبهذلت منهم ليش يكشفون علي من تحت حسيت انهم سوا لي تحريض ولاده

وطول هالفترة مانزل معي دم ولا هم يحزنون
واخير جت الساعه 10 الصباح وشرفت الدكتورة وشافتني وكشفت علي برضوة من تحت وقالت الصدمه اللي ماكنت اتوقعها ولا استعديت لها قالت ان كيس الجنين نازل ومفتوح عندك 1سم لازم نعمل لك طلق صناعي ونولدك والله يعوضك وانتي بالمرة الثانيه اذا حملتي راح نعمل لك ربط لعنق الرحم لانه ضعيف
طيب طول فترة الحمل كان رحمي كويس وقوي ايش معني ضعف الحين وش الاسباب ..؟ وكنتوا تعملوا لي اشعات بكل زياره ماقلتوا لي شي وكنت اقولك انا عندي مغص ولا حتى عبرتني
وربي اني حسيت ان قلبي انوخذ مني
انا انصدمت ليش كذا طيب انتم اللي حستوا فيني انتم اللي دخلتوا اصابعكم ..؟؟
المهم قالت كلمتها وراحت ولا عبرتني واسمعها تهاوش ليش ماعملتوا استدعاء ومن هاالحكي حسيت نفسي ضحيه
وخسارتي لطفلي حسيتها قريبه صحيح اني دعيت ربي ان الله يصبرني والحمد لله على كل شي بس بالنهايه عطوني طلق صناعي من الساعه 1 الى الساعه 9 بالليل وولدت وقعد دقايق ومات
حتى انهم ماحاولوا يساعدونه او سوا شي
طلعوه وخلوه ينتظرون الدكتور يجي ِ
بس توفى طفلي وولدي اول فرحتى
لاحول ولا قوة الا بالله

الله يرحمه ويشفع به يارب العالمين ويعوضني خير ويصبرني انا وابوة وان الله يفرحني عما قريب بحمل ويرزقني ياكريم يارزاق
ان لله وان اليه راجعون:icon33::icon33:
دعواتكم لي يارب يارب يارب

كل اللي ابيه منكم تعلمون اللي صار معاي وكيف كلام الدكتورة صحيح ابي رايكم وشوركم .. وش رايكم باللي صار لي ..؟ِ