الله يسعدكم كيف احفظ الفقع (الكمأة)في الفريزر

طريقته بسيطة ولا تبي شي......قسمي الفقع في اكياس حسب احتياجك اليومي,ولا تغسلينه او تقشرينه خليه على حاله وحطيه في الفريزر،ومتى ما اشتهيتوا فقع طلعي كبس منه ونقعيه شوي بعدين اغسليه زين او قشريه اذ كان التراب كثييير....وبسسسس

بالنسبة للطبخ شوحي شوي بصل مع فلفل بارد شرايح وملون وجزر عالنار وحطي معه صلصة طماطم وبهار وفقع وبعد ما يتسبك قدميه مع الرز الابيض......وتقدرين تشكينه في اعواد مع طماطم وبصل وفلفل وتشوينه.....

اختي نجدية الف شكر وفقك الله

عيوني امي اذا جاها فقع كمية كبيرة تقشره كله وتغليه بموية وملح وبعدين لما يبرد تحطه في اكياس بعد تقطيعه حلقات وتحطه في الفريزر واذا بغت تطبخه تطلعه وتحطه في الاخير من الطبخ يعني اما مع الكشنة او مع المرق قبل مايستوي بربع ساعة وبالعافية وتراه زين للنفاس

اللي اعرفه انو يسلقونه بعد تنظيفه ويحتفظون فيه في اكياس لوقت الطبخ

الله يجزاكم خير اخواتي دروب الامل والروح الهائمة