الله يعيننا على هالدنيا بخير ......ولدي حبيبي والبلك بيري

السلام عليكم ورحمة الله

بادخل في الموضوع على طول
هذا يا خواتي ولدي الله يحفظه بثاني متوسط وهو من النوع النظيف ........اقصد تفكيره نظيف يعني ماله بالنت وهالحركات طييييب مره

ومن فتره وهو يطالبنا بالبلاك بيري (الله يكفينا شره)وانا احاول اقنعه وكذا وكذا وكل يوم يروح اقول الحمد لله مكسب

بس اليوم خلاص انتهى صبره ووالله اني رحمته يقول كل عيال الجيران واصغر مني ومعهم

وانا منب اسوء الناس وانا ما ابي الاشياء الوصخه انا ابي اصير مثل الشباب

وحتى بالاجتماعات صار مع هالبزارين والله ان بعضهم اولى ابتدائي

والله اني ما ودي ينكسر خاطر وليدي ياناس احبه ما ابيه يضيع ما ابيه يتلوث تفكيره ابيه كذا نظيف والله اني محتااااره ما ادري وش الحل :(
حالتنا الماديه زينه نقدر نشتري اللي يبي بس ما ابي البلاك بيري

ياحلوات الله يوفقكن شورو علي ترى كثير ناس مثلي

الله يعافيكم اللي تعرف آرء ناس مختصين الله يوفقه تتحفتي فيه

احيانا اقول في نفسي هو في يوم من الايام راح يتعرض لهذي الاشياء هي مسألة وقت بس ماودي اضعف ونشتريه الله يوفقكم بالدنيا والاخره

وانا استغرب الناس كيف يعطونه اطفال حرام عليهم والطفل ذكي وعنده حب الاستطلاع والناس تقول ابد ما فيه شي:(