انصحك بنظام الصيام العكسي
واحرصي على كم شغله لو طبقتيها رح ينزل وزنك بسهوله وبدون ماتتأثر صحتك
اولا /ابعدي عن السهر ونامي بدري واصحي الصباح بدري اشربي كوبين مويه عالريق وبعدها امشي اذا تقدري برا بالممشى عشان ماتملي
ثانيا/بعد المشي ارجعي ودلعي نفسك ب احلى فطور
والغدا تغدي اي شي بس قللي الكميه وحاولي يكون شوي بدري
المويه اشربي كثير قبل الاكل بنص ساعه وبعده بنص ساعه وخلي المويه بيدك على طول
٣/بين الوجبات اذا جعتي خذي فاكهه او خضار او زبادي او فشار
٤/افتحي مقاطع رياضه باليوتيوب وطبقيها
٥/حاولي تظغطي على نفسك بالبيت لاتستسلمي للكسل واكثري من الحركه واذا عندك نقص في فيتامين معين خذي حبوب مكمله
٦/حملي البرنامج اللي يحسب الخطوات عشان تشوفي نهاية كل يوم قد ايش تحركتي وتتحمسي
٧/وقبل كل شي اسألي الله ان يعينك وخليك واثقه بالله انك رح توصلي لهدفك
لو طبقتي كل هالكلام مع الصيام العكسي اضمن لك الرشاقه والصحه بوقت قياسي عن تجربه
وبالتوفيق ياقلبي🌸

الحل ياعزيزتي انك تخففين اكل
يعني توقفين قبل ماتحسين ان بطنك مليان وتحسين بالشبع ،،
وتاكلين بطريقة بطيئة
واشربي كثير مويا قبل الاكل
ولا تاكلين شي للنقنقة غير الفواكة 😉

فعلا مجربته شوفان زي هنا ء
طريقتي فيها احمرها على النار بس يدوب يغير لونها اقفل النار
اكلها مع الزبادي واحيانا اضيف لها بذور الشيا
تسد نفسك 😁
وعشان تستمرين على الرياضه سجلي في نادي او روحي كل يوم للممشى او حديقة وامشي وعشان ماتملين تابعي اي برنامج تحبينه على جوالك وانتي تمشين

كان وزني ٨٤ والان ٧٠ وماشيه على الرجيم صح واكلي من خبيره تغذيه ومعي القلب والضغط والحمد لله وهذي طريقه الاكل طبقتها من اربع شهور فقط ونقصت ١٤ كيلو والحمد لله الفطور والعشاء ملعقه وحده من لبنه او جبنه قليله الدسم او خمس ملاعق عدس او فول مع ربع خبز بر او توست بر والغدا صدر دجاج مسلوق او تونه صغيره او لحمه قد اصبعين مع بندوره وفلفل اخضر وربع خبز بر يعني باليوم خبزه الا ربع بر وسلطه خضروات مع كل وجبه وعصير حارق الدهون ٤ مرات بالاسبوع وشاهي اخضر العصريه او قرفه مع زنجبيل او قشر قهوه ويانسون معاه وشمر واذا جعتي لبن قليل الدسم مع ثلاث حبات تمر وجزا الله الدكتوره اماني خير

يارب ننحف من غير شر