قبل كل شي الله لا يسامح الي ترد علي بدون ذمه وضمير مو تجيني وحده مطلقه وتبي كل الناس يتطلقون مثلها ولا بيتها خربان وتبي كل الناس مثلها
الزبده انا متزوجه من اربع سنوات اربع سنوات من الهم والغم والمشاكل والحين افكر بالطلاق ومحتاره لو كنتو مكاني وش تسون
1- مدة اليد سهله عنده يضرب مره ضرب خفيف ومره يدفني رحت لاهلي لاهله ما فيه فايده
2- معامله جدأ سيئه الفاظ وصخه يتفل بوجهي اذا تهاوشنا حتى وحنا متراضين المعامله زفت
3- لا نطلع لا نتمشى الا نااااااااااااااااااادرأ وسفر مستحيل اسافر انا جايه من مجتمع كله يسافر اخواني واقاربي وما يعرفون يسافرون الااوربا الا انا ولا تهملون هالنقطه لانها مهمه بالنسبه لي ودي اعيش حياتي قبل ما اعجز
4-من تزوجته وهو حاط عينه على اي فلوس معي يحسبني وارثه ملايين وانا ما عندي شي!! اقوله راحو بالاسهم ما يصدق لاكن الحمد الله يصرف على البيت لاكن بس يصير لنا ضرف يعني احمل واحتاج مستشفيات يقولي ادفعي من حسابك ولا تحملي مستشفى العسكري الخايس بس يمرض احدمننا انا ولا عيالي روحي انت وديه وادفعي من حسابك ولا وديه للعسكري وهو ما ينفعنا بشي هالمستشفى بس حق تعب ويوم احتجنا شغاله قالي ادفعي من جيبك وجيبي لك دفعت 5 الاف من هدايا النفاس للشغاله وهو راتبه يكفينا وزياده وكرييييييييم جدا مع خواته وبنات خواته ويتمنى اني اتوظف عشان اشيل عنه المصاريف!!!!!!يعني بيخليني ادفع معه غصبن عني
5-اي شي احبه يحرمني منه
6- عنده خوات يتدخلن بكل شي ويذبحني عندهن ما في وحده تنتقدني بشي الا يجي ويهاوشني واذا سبيتهن طردني من البيت ولا ضربني وهو دايم بصفهن
8- لايودي ولا يجيب ولا يخدمني بشي بس اغراض الثلاجه والصيدلي هي الي تجي بدون هواش اما الباقي يا تجي العن والعين يا ما تجي
7-لا تقولون لي اطبخي له سوي له تقربي منه لاني كل ما احاول اتقرب منه يعاندني يعني اذا طبخت له يسب طبخي يقولي ما تعرفين تتطبخين وانا كل ما اطبخ لاحد يعجبه ليش هو ما يعجبه يعني السالفه عناد وشر وانا اطبخ ما ادرري الا هو داخل علي بكيسه من المطعم!!!!وبعدين يروح لاهله ولاهلي يشتكي يقول ما تطبخ لي!!!!!
بالفراش احاول امثل عليه قد ما اقدر ويقولي ما تعجبني ابد واذا تهاوشنا يقول لاهلي تحرمني من حقي الشرعي وانا ما عمري رديته وفوق هذا انا الي دايم اتلصق في مو حب فيه لاكن ابي اتقي شره
بالمعامله اول ما تزوجته كان الكلام الحلو سهل باللساني وكان يهاوشني وكاني سابته اذا قلتله كلام حلو يقولي تبين تلحسين عقلي بلكلاملحد ما صرت ما اقوله شي والحين اكرهه فالكلام الحلو صار ثقيل بالساني
بالشكل انا حلوه بشهادة الجميع وانيقه بعد ما عمره مدحني ابددددددددددد حتى اذا كنت متزينه للاخر انتظر منه لو نظره ابي احس بأنوثتي بجمالي لاكن ولا شي كاني جدار قدامه وفوق هذا اذا شافني متزينه قدامه يهاوشني يقولي هذا اكبر همك!!!!!!
امه انا باره فيها مره يقولي انا عارف انك ما تسوين هالشي الا عشان ارده لك ما راح ارده لك لانك نيتك مو خالصه لله !!!وش دراك طيب؟!!!!
اذا جيت اسولف معاه يتطنز علي يقولي من زين سواليفك فا صرت نا اجلس معه عشان ابعد عن المشاكل
اذا تناقشنا بمشاكلنا يستهتر فيني او يطنش انا اصير مره مهتمه والالاحقه وهو قمه بالاستهتار لاكن اذا تدخل اي شخص بمشاكلنا سبحان الله ينقلب انسان عاقل ورزين بكلامه وكانه مو هو زوجي
من ايام الملكه وانا اعطيه قلم وورقه واقوله اكتب الي تبيه والي ما تبيه مني لاكن ما يتكلم خاصة الطبخ لاني تعبت من كثر ما اطبخ واكب بالزباله ما يعطيني اي معلومه عنه ابد يبيني افهمه من نفسي
ما يامر وينهى يخليني على راحتي وبعدين اذا تهاوشنا قال الي كان قاهره طيب تكلم!!! يعني يسمح لي اطلع وبعدين اذا جيت يهاوش ليش طلعتي طيب قولي لا تطلعين !!!!!
9-وفوق هذا كله قاعد يهددني بالثانيه ويجمع فلوس عشان يتزوج
10-رافض جميع الحلول مبسوط على المشاكل يعني اذا قلت له خلنا نقرى يمكن عين سحر يرفض اذا قلت له خلنا نروح لمراكز استشارات يرفض واذا قلت له انا متنازله عن كل حقوقي بس خلني على راحتي اطلع واسافر واذا اشتغلت اعطيك من راتبي بس ابي اشتري حريتي وراحتي من عندك احسن من اننا نتطلق ويتشتتون العيال يرفض واذا طلبت الطلاق يرفض يعني بس ابي ابهذلك!!!!!
بس فيه مميزات انه ما يسافر ولا ييطلع من البيت ولا هو راعي بنات واحيانا يتأسف ويصرف على البيت وعندي شغاله
فا محتاره الحين هل اروح لمحاكم و اتطلق ولا لا انا قلت اذا توظفت ****لله اتطلق هل قراري سليم ولا ابي اتزوج مره ثانيه كرهت الرجال واخواني اردى منه وابوي متوفي لاكن ابي اتوظف واعزل نفسي عنهم تامأما
جاوبوني بذمه وضمير هل لو كنتي مكاني تطلقين
غنوتي @ghnoty
محررة
يلزم عليك تسجيل الدخول أولًا لكتابة تعليق.
طيب ليه ماتتفاهمين معه .. لان الصراحة العيشة مع رجال بكل الافعال الي قلتيها لاتطاق ..
حاولي تتفاهمين معه يعاملك باخلاق واحترام ولا يمد يده ويقوم بواجباته كزوج مسؤول ..
حاولي تتفاهمين معه يعاملك باخلاق واحترام ولا يمد يده ويقوم بواجباته كزوج مسؤول ..
حبيبتي انتي قلتي انج حاولتي بكل الطرق ومافاد
بس هل جربتي الدعاء والاستغفار وقيام الليل وبكثره والحاح وصدق والله ان شاءالله يسخره لج
بس هل جربتي الدعاء والاستغفار وقيام الليل وبكثره والحاح وصدق والله ان شاءالله يسخره لج
حبيبتي من شاف هم غيره هانت عليه مصيبته بصراحه بعد ماقريت كلامك عن زوجك اقول الحمد الله انا عايشه بنعمه شوفي الزوج اللي مثل زوجك صعب العيش معه لكن نصيحه نصيحه الزمي الاستغفار واكثري من الاستغفار اخر الليل والدعاء الطلاق شيء صعب صعب خاصه في بينكم اطفال هم ابرياء فكري فيهم وبنفسيتهم وعيشتهم راح يعيشون مشتتين وراح يتعبون نفسيا شفت كثيييييييييييييييير والله متعذبين يقولون ليش ماما في جهه وبابا في جهه ياليت ربي ياخذنا يدعون على انفسهم لانهم اطفال يشوفون غيرهم من الاطفال اللي عايشين مرتاحين ويسمعون بابا ودانا ماما عملت لنا يعني صعب انسي نفسك وارضي بما كتبه الله لك وخلي عندك امل انه زوجك يتغير صدقيني الله يمهل ولا يهمل راح يجي اليوم اللي يصحى فيه ويعزك ويحترمك غصب عنه دام كل اللي قلتيه عن نفسك ماشاء الله عليك خليك مستمره على الافعال الحلو والكلام العسل والكشخه وانتظري الفرج من رب كريم رؤوف بعباده بس خليك قويه وتحملي مو علشان نفسك او علشانه لا علشان اطفالك واصبري والله معك ربي مايضيع عباده بصير عليم بما تخفي الصدور وتصدقي دايم واقري القران وتحدي هالشيء بقوة ايمانك وصبرك واملك بربك تذكري قصص نبينا محمد واذاء المشركين له وتذكري يوسف ويعقوب وماجراء لهم حبيبتي ادري اللي يده بالمايه مو مثل اللي يده بالنار بس تحملي تحملي واصبري واستمري ولا تبيني لااي شخص من اهلك عن حياتك وعن زوجك خلي اللي بظاهرك انك مبسوطه واكتمي همك لله رب العالمين وهو اللي راح يساعدك بس مابعد الصبر الا الفرج ان شاء الله حطيت نفسي بمكانك وتذكري ان لمن تروحين بيت اهلك راح تكون نظرتهم انك عال عليهم حبيبتي عليك بالقران والاستغفار والله معك وطمنيني عنك دايم بالخاص
الصفحة الأخيرة
إنك لاتطـلبين الطلاق حتى لو توضفتي لأن في هذا المجتمع إنتي تشوفين وشلون نظرة الناس للمطلقه حتى لو الغلط من زوجك راح يحطوك إنتي السبب ولا رجعتي ببت أهلك راح تكونيـــن حساسه و منحطه تفسيا
وثاني شيئ راح أبنائك يكنوون الضحيه والله العظيم إني شفت معاناة أبناء المطلقــلين معاناة صعبه جدا
وثالث شيئ عليــك بالأستغفار من لزم الاستغفار جعل الله له من كل ضيق مخرجا ومن كل هم فرجا ورزقه من حيث لا يحتسب
والله في ناس تفرجت هموم من الاستغفار
والله يسخر زوجك لك ويرزقك بالوظيفه