لا يا اختي كذا غلط خليكي انتي العاقله وأكسبيها الله يسعدك الاخت الكبيره مثل الام لايكبرها الشيطان بينكم وتوصل عناد وتحدي وقطيعه ارسلي لها رساله حلوه اكتبي اللي بخاطرك وقولي انا أختك الكبيره وأحبك وابغالك الخير ولاتعطين الشيطان فرصه بيننا صدقيني راح تسوين خطوه حلووووه وانجاز عظيم لو رسلتي لها ممكن أختك هاذي لاسمح الله تروح فجأه قدام عينك وراح تندمي انك ماتقربتي منها وعقلتيها وكسبيتها بنات خالتي ماتوا بحادث قبل ١٥سنه وبقيت وحده الحمدالله الى الان ملابس اخواتها عندها بالذات اختها اللي كانت بس نتناقر معاها راحت بحديد الله يرحمها والله الدنيا ماتسوى 💔

طنشيها وكلمي امك عادي
مهما سوت لاتهتمين وكأنها تحكي على جدار
ولاتنقلين سوالفها لامك وخواتك وتجلسين تشكين منها
كذا الفكره تكون عنك ضعيفه وشوي شوي تنهارين
لاتشتكين ابدا انتبهي من التشكي لامك وخواتك
اذا قالت كلمه مره جارحه مثل ياعانس قولي الدور جايك
اذا قالت يامعفنه قولي شميتي ريحتك بضحكه وامشي لاتكبرين الامور كلمه ورد غطاها لاتحولين الموضوع لهوشات
مع الوقت بتطخ ويطيح مابراسها
وانتي لاتشيلين بقلبك
ترى هذي الايام سوف تمضي
فلا تشيلين ردي عليها الكلمه بكلمه ولا تصعدين الامور

ممكن انتي تعودتي تعطي اوامر , وبحكم انك الاخت الكبيرة بتحسي نفسك مسئولة عن كل شي وهي تعتبره تحكم وفرض رأي , وخصوصا انه بعض البنات حاليا صار عندهم نوع من التمرد ع الاهل ويعتبروه قوة شخصية تقدري تقولي مفاهيم مغلوطه منتشرة ويجو يطبقوها على اللي حولهم


فأنتي اكيدماضربتيها الا لإنك فالبيت بمثابة الام من يومك تعطي وتسوي وتقومي وفجاءة اختك تتمرد عليك فشي طبيعي راح يكون اسلوبها غير مقبول بالنسبة لك وبيكون ثقيل جدا على نفسك


وهي بما انها تعودت عالاستقلاليه لفترة فمن الطبيعي ماراح ترجع بنفس الشخصية اللي كان عايشة بينكم وراح تعتبر نصايحك اوامر


فانتي كبري عقلك اعرف انه ممكن يستفزك اسلوبها, بس صدقيني لو حطيتي ببالك انه الكلمه بالكلمة راح تهجدها فانتي غلطانه وماراح يتماسك البيت اذا مافي احدمن اهله يتغاضى,, الاخوات يحصل بينهم توترات بس العاقلة فيهم اللي ماتسمح لهالتوترات تتحول الى مشاكل وحقد واحساد,,, لان مصيرها تنسي وتبقى ماضي تضحكون عليها ,,,لكن لو طاوعتي شيطانك وطاوعت شيطانها اول ماتمرضون امكم ,,ثانيا راح تدخلو في دائرة كلها حقدوحسد وكل وحده تبي تنتصر لنفسها وتشوف الثانيه غلط وصدقيني كل ماانتهت سالفة ارتبطت بسالفة وماراح تستوعبو الا اذا مشت السنين وشفتو فلانه كيف مع اختها وكيف ارتباطهم القوي وانتي واختك كل وحده تحاول تقهر الثانية واخرتها قطاعة؟ بالله ذا مو امر يوجع ويحسسك بالالم ؟


فتأكدي لما تكبري عقلك مو عشانها انتي اول كسبانه لانك حاولتي ماتتفكك هالروابط ويبقى البيت متماسك بعقل الشخص الكبير المتغاضي وامكم بتكون مرتاحه ومطمنة وراح تشكري نفسك اذا تغاضيتي يوم تكبرون وكل وحدة بتكون انضج من الثانيه وتقولي الحمدلله ماطاوعت الشيطان


فانتي خلك نفس ماانتي اعطي وقدمي للجميع وامك انتبهي تفرطي بخدمتها ورضاها ,,اما اختك اعطيها كامل الحرية بدون ماتحاولي تفرضي اي رأي او تقدميلها نصيحة او تعيبي عليها اي امر .,هي برضو من حقها تعيش في بيتها بالطريقة اللي تبيها, وخصوصا انها جربت تعيش من دونكم خلو جيتها عندكم جية فرحة وسعادة مو نكد


ومهما حسيتي حركاتها مستفزه لاتبيني اي ردة فعل وصدقيني بتحاول تسوي اي حركة عشان تغيضك وبعدها بتطخ ويطيح اللي براسها


فنصيحة لك طولي باااااالك واموركم بتزين

اوفر صراحة خير ترا دحين الكل جامعيات تشوف نفسها على ايه معاها ماستر ولا دكتوراه الحل ياقلبي لا تسكتي لها انتي كمان عايريها زي ما تعايرك امسكي اسوأ شي فيها وعايريها فيه الين ما تتأدب وتحترم اختها الكبيرة
في الاخير انتو اخوات ومالكم غنى عن بعض بكرا توقفو مع بعض في المناسبات والافراح وبعيد الشر وقت الازمات برضو تكونو جمب بعض
والمشاحنات والمضاربات تصير بين كل الاخوات شي طبيعي ترا لا تدعي عليها اختك ترا من لحمك ودمك بس ادبيها

استغرب اللي يقولون لا تردي عليها وانتي عاقله واكسبيها وهدايا .هي والجدار واحد وغصب عنها تحترمك. حبيبتي لا تعطينها شي لا يكبر رأسها اذا قالت شي ردي عليها حلوه هاي وحده تسب وتغلط تقول عانس ونتفنن واكافءها هدايا واحترام. اكسري رأسها قليله الأدب . الأخت الكبيره إم يعني عادي لو وحده تغلط وتسب الام بتطبطبون على الياهل وتقولون عادي دلعوه زياده ولا بتقولون ادبوه؟موقف امج غريب ليش تكذبك؟