الله يهدي أخت زوجي بتسبب لي الطلاق

السلام عليكم ورحمته الله وبركاته

أخباركم بناات

بنات أنا طفشااانه مرره وحبيت أفصفص لكم وأبي منكم النصيحه

ومالكم مني غير الدعاء في ظهر الغيب

بنات بدخل في الموضوع بدون مقدمات

مشكلتي... أخت زوجي أغلب الاوقات الي تجي من بيت زوجها لأزم أتضارب أنا وزوجي

من مشاكلها واليوم والله العظيم تضاربنا وبغى زوجي يطلقني بسبتها

المشكله فيها انها راعيه حكي الله يهديها

وتفتن بين الناس

اً جتني اليوم وقالت لي عن وحده الله يستر علينا وعليها وعن طريقه لبسها

وأهي تقولي السالفه موطيه صوتها تقول ماابي زوجك يسمع

وبعدين انصدم اني يوم رحت ورجعت واهي ماانتبهت سمعتها تقول السالفه لزوجي

يعني مثل كذا تسوي عند الناس انها محترمه واهي تنقل وتفرق

وأكره الجلسه معها وصرت وربي اتضايق وامنع زوجي انه يطلع لها اذا جت

وزوجي يقول هذي اختي ولازم اطلع اشوفها

ومن يطلع زوجي وأنا منقهررره

لأنها توصف الحريم عند زوجي وتطلع اسرارهم

والله العضيم يابنات انها تقول مثلاُ فلانه أمس شفتها في زواج وكانت لابسه كذا ورقصتها كذا

وشعرها كذا

وتقول صديقتي كذا واسلوبها كذا يعني تتكلم كلام واحسها تبي تجرحني

واذا زعلت وتضاربت مع زوجي يقولي ماعليك منها ذمبها على جمبها

قلت له طيب لاتطلع اذا جت وقال لا مالك اي شغل فيني اطلع اي مكان ابي
وهذي اختي ومن هالكلام

بنات والله احسها تبي أتطلق أنا وزوجي لأنها تقول كلام وانا اتضايق واذا راحت ازعل من زوجي واتضارب معه

بنات تكفون ساعدوني ايش ممكن اسوي مليييييت