الله يوفقها ويسر أمورها الي تدخل وتحل لنا مشكلة صديقتي...

السلام عليكم ورحمة الله وبركاته


مرحبا فيكم اخواتي والله انتوا اول ناس جيتوا في بالي اكتب لكم مشكلة صديقتي المسكينه

بقولكم الحين السالفه من اولها لاخرها ...

يا اخواتي الطيبات عندي صديقه تشتغل معانه في الشغل انسرق بوكها وفيه 2000 درهم وفيه بطاقة البنك وبطاقات عيالها الصحيه ...وبعد حاطه ورقة الرقم السري لبطاقة البنك في البوك الله يهديها...طبعا العيد كان يوم السبت انسرق بوكها يوم الثلاثاء قبل العيد ...انا وصديقتي نروح معه بعض في نفس السيارة ونرجع معه بعض المهم اول ما نوصل انروح انوقع على الحضور وكانت وحده من البنات الي تشتغل معانه اهناك واقفه اتكلم المسؤوله عن الحضور...ويوم شفناها سلمنا عليها قالت وين بتروحون قلنا لها بنروح نفطر باقي على الدوام ربع ساعه قالت بروح معاكم قلنا لها تفظلي ورحنا وركبنا الفت اول ما وصلنا طلعت صديقتي قبلي من الفت وانا وراها والي اجت معانا طلعت ورجعت بسرعه للفت وتبي اتسكر الفت في وجهي بسرعه ما تبيني اركب معاها لاني قاعده اقولها وين رايحه تعالي شوفيج وهي اتقولي بروح اجيب فلوسي المهم انا ما خذيت في بالي ومشيت ورحت انا وصديقتي للكانتين وطلبنا كرواسون وشاهي وهي اجت بسرعه ما امدها حتى اتروح اتجيب الفلوس لانه نحن في الطابق التاسع وهي مكبتها في الطابق السادس اول ما اجت قعدت وطلبت لها نفس طلبيتنا وبعد ما كلينا قالت لها الفلبينه الي تشتغل في الكانتين انتي امس فطرتي وطلعتي بسرعه ما عطيتيني حسابج قالت صديقتي لها خلاص انا بعطيج وهي الحبييه سوت عمرها مو فاهمه شو اتقول لها الفلبينيه المهم اربيعتي دخلت ايدها في الشنطه وطلعت دراهم بيدها ودفعت يعني ما طلعت البوك من الشنطه انا متأكده وبعدين كل وحده فينا راحت شغلها لين الساعه 1 الظهر الساعه 1 الظهر اتصلت على صديقتي وهي اشوي بتصيح من القهر قلت لها شوفيج قالت لي الحقيني بوكي انسرق بمووووت من القهر اتقولي قلت لها بسرعه روحي عند المراقب الي في الدوام لانه هو حاط كاميرات في الاقسام وهو بيفتح لها التلفزيون وبيخليها اتشوف المكان الي هي تشتغل فيه لانه هي الله يهديها وايد تطلع من مكتبها خاصتا انه استقبال للمرضى وراحت هي عنده وشغل لها التلفزيون وشافوا من الصبح لين اخر الدوام ولا طلع لهم شيء انا قبل لا ينتهي الدوام بربع ساعه اتصلت على صديقتي قلت لها وينج قالت انا فوق عند المراقب اشوف التلفزيون قلتل لها عادي اجي ولا ممنوع قالت لي لا عادي تعالي رحت واناوالله متردده اتفاجأت انه الي كانت معانا الصبح وفطرت قاعده على كرسي المراقب وتشوف التلفزيون ومبققه عيونها وقاعده تستهبل وتقول للمراقب كل اشوي ليكون هاذي ولا هاذي الي سرقت البوك تقصد المرضى او الممرضات وتضحك وتسوي حركات مالها داعي انا بصراحه اتضايقت منها المهم اربيعتي نست موضوع بطاقة البنك انا ذكرتها قلت لها تعالي ليكون ما اتصلتي في البنك والقيتي البطاقة قالت لا نسيت خليتها تتصل بالبنك وتلقي البطاقة لانه في رصيدها الف درهم المهم يا اخواتي خلص وقت دوامنا وكانت الساعه 3 وانا وصديقتي انروح في سيارة وحده معه السايق الحبيبه الي قاعده ما تبي تطلع وزوجها ينتظرها برع قلت لها حرام عليج قاعده لين الحين انتهى الدوام روحوا زوجج ينتظرج قالت لي عادي بكذب عليه بقوله اخرونه في الدوام عندنا شغل سمعها المراقب قالها والله لو زوجتي كذبت علي مره والله ما اخليها تقعد في بيتي يوم واحد قامت تضحك قالت امزح بقوله تأخرت علشان البنات المهم نحن سكتنا عنها رجعت اتقولي انا وصديقتي انا بوصلكم اليوم اوكي قلت لها ليش السايق ينتظرنا ليش اتوصلينا قالت عادي بوصلكم قلت لها تسلمين والله المهم طلعنا من الدوام وهي تركض ورانا ومصره انها اتوصلنا لبيوتنا انا قلت لها اختي تنتظرني في السوق ولازم اروح لها باخذ لي تاكسي وصديقتي الدريول جاي الحين ياخذها قالت خلاص مع السلامه وراحت وانا رحت السوق عند اختي ...اتصلت علي صديقتي اتقولي ها وصلتي قلت لها هيه وصلت قالت فلانه اتصلت علي اتقول انها بعدها ما تحركت من عند الدوام تحلف انها بتوصلني لين بيتي وانا الحين راكبه في السيارة معه الدريول وقلت لها خلاص انا في السيارة ورايحه البيت قلت لها شوفيها الله يهديها هي تعرف انه نحن انروح معه السايق كاليوم مو بس اليوم بصراحه يا اخواتي انا استغربت من اصرارها انها تبي اتودينا ..ومر اسبوع على هالحال وصديقتي ميته قهر وانا ميته والله قهررر عليها لان مسكينه امها مريضه وتبي تشتري لها ادويه خاصه لمرض السكري وتبي تشتري لعيالها ملابس للعيد خاصتا انه زوجها يشتغل بعيد عنهم في منطقه اشوي بعيده ويجيهم بين فتره والثانيه ..المهم يا اخواتي مره اسبوع وصديقتي تمت بينها وبين نفسها شاكه في هالحرمه اتقول احس انها هي الي سرقت بوكي ما ادري ليه امس صديقتها جابت لها حرمه ايرانيه اتشوف بالفنجان وقالت لها تبي اربيعتي اتشوفين لها وشافت لها وقالت لها اشياء وايده عنها واربيعتي انصدمت انه الحرمه قالت لها بوكج الي انسرق سرقته حرمه متينه ومو حلوه وهي وايد اتسولف معاج وتضحك بس قلبها مو طيب وهي تسرق اصلا من قبل في الدوام بس لين الحين محد كشفها لانه تسرق على الخفيف مبلغ بسيط بس انتي اكبر مبلغ سرقته منج وجابت لها المهم مواصفات هالحرمه اربيعتي حلفت لي انها من قالت لها حرمه متينه وقلدت مشيتها كيف تمشي خااااااافت رعب صديقتي واتصلت علي وهي اتصييييييييييييييح اتقول والله اني كنت شاكه فيها الحرمه جابت لي اوصافها بالضبط ...المهم يا اخواتي اربيعتي اتقول انا كيف بواجها وكيف بقولها انه انتي الي سرقتي بوكي ...؟؟؟ ساعدوها الله يخليكم ظروفها والله صعبه وخاصتا من انسرقت ظروفها مره تعبانه

ملاحظة:: وحده من البنات الي تشتغل معانا قالت لصديقتي انا شاكه في وحده بس ما اريد اقول قالت لها صديقتي قولي قالت انا بصراحه شاكه في فلانه تقصد الحرمه نفسها قالت لها كيف شكيتي قالت لانه هي اجت عندي وتقول انه هالشهر مره امفلسه وحتي ما اشترت شيء لبناتها للعيد وبعد يومين من انسرق بوك صديقتي اجت اتقول لهالبنت امس رحت للسوق واشتريت لبناتي وفصلت لهم جلابيات والخ

علشان كذا شكوا فيها اكثر

الله يهديها عندها 8 عيال ما تخاف عليهم من فلوس الحرام ...

الله يخليكم قولوا لي شو اتسوي صديقتي يوم الاحد كيف اتواجها ولا تسكت عن الموضوع ...

وعلى فكره المبلغ الي انسرق مو بس الي في البوك 2000 درهم لا وبعد الي في البنك انسرق 1000 درهم يعني 3000 درهم

حسبي الله ونعم الوكيل في الي سرقه