الله يوفق كل من يقول وش الي فيني؟؟

السلام عليكم ورحمة الله وبركاته

عزيزاتي الحبيبات الله يسعد وويوفق الي ترد علي ويفرج همها يارب ويرزقها كل الي تتمناه

بعرض عليك وش الي حاسه فيها وياليت الاقي حل للي فيني
والله يابنات لي يومين مانمت وحالتي حاله مو عارفه وش فيني

انا طبعي حساس وعصبيه وكل شي افكر فيه يعني قلقه والله لي فتره ماتمن بالليل
مثل الناس سهر وقلق ولا انام الا بالنهار وبالاجازه الوضع عادي لان الكل مثل حالي سهر ونوم نهار
لكن مع الدوامات صعب جدا والله اني اعاني حاسه اني باضيع البيت والعيال لكن مو بيدي والله


المهم من بدات المدارس وانا ماني قادره انام من يوم الجمعه حاولت انظم نومي
وبالليل ليلة الدراسه كنت مرررره نعسانه وفرحت لان بنام بالليل وراح يتعدل نظام نومي

لكن الي حصل اني خلاااص بنام والا احس مثل الي ينفضني من رجليني((بس ترا مو الحاله الي تجي كانك بتحطيني غير تماماواكون للان مانمت))
ويبدا قلبي يرجف مثل الي يجري ومن فوق بطني الجنب اليسار الم وفيه مثل النبض
وجنب جسمي اليسار مو من جهة الم البطن لا الجنب الثاني كله مثل النمل و
يصير بعدين يعورني هالجنب يوم كامل
جلست على هالحال ليله كامله ونفس الشي امس والله يومين مانمت يمكن الا اربع ساعات وبالنهار

والحين كل جسمي يعورني وراسي
والله حالتي حاله ابكي كل الصبح ابغى انام مو قادره وراي بيت وعيال وحتى شغاله ماعندي
و الله اعلم بحالي
ايه صح اني طبعي قلق وافكر بكل شي لكن امس وانا احاول ابعد هالتفكير عني ولا رحت للسرير
والا وانا مررره نعسانه علشان مافكر لكن كل ما بنام يجيني هالحاله الين قمت ابكي وخلاص انهرت
ماعاد صرت اتحمل الي فيني وجلست استغفر وادعي لان ماقدراصلي معذوره

حاولت بكل شي اشرب يانسون وكمون وما افكر وكل الي يشغلني ابعد عنه بس بدون فايده

اتمنى الاقي حل او احد جاها مثل حالتي وتعافت الله يسعدكم ويوفقكم جميعا يارب

اعذروني على الاطالة