الله يوفق كل وحده ترد علي

السلام عليكم ورحمة الله ..
انا متزوجه من 3سنوات ولا عندي اطفال وعايشه مع زوجي خارج المملكه
صارلي سنه ونص مارجعت السعوديه بسبب اوضاع دراسة زوجي.
مشكلتي زوجي عنده هذي الفتره ضغوط دراسيه مرررا وقبل اسبوع كانت حالة النفسيه مره صعبه وجالس في البيت بس يفكر وجهه مقلوب نفسية متغيره بس يحاتي ولايسولف ولايتكلم معاي الا لما انا اكلمه او اسولف معاه حاولت اكثر من مررره اغير الجو صلحت له كل شي لكن بدون جدوى.
في الويكند صحينا مع بعض على بالي بيقول بعزمك على الفطور اليوم والله ولا قال شي فقدت الامل ..!! وطلعنا السوبر ماركت على طول نقضي للبيت وكاني غاصبته يقضي لبيته واشبع بطنه
قلت ناخذ مقاضي وارجع البيت اصلح لنا فطور قال طيب وقضينا وطلعنا ومرينا من عند كوفي قلت حلو هالكوفي كنت اتمنى اجلس معاه جلسه حلوه ويفضفض لي قالي طيب ودخلنا وجلسنا وبرضووو ساااكت طفشني بقوه وشوي مرو مجموعة البنات مفصخات لابسين شورت وعريان وشوي طالع فيهم بشكل غريب انا لاحظت مررت له اكثر من مره لكن طفح الكيل واجهته وزعلت وقلت يالله نمشي وقمت وركبت السياره ورجعني البيت بعد ماهزاته وتكلمت عليه ومديت يدي عليه وانا بالسياره انفجرررررررررت يعني جالسه الطف الموضوع وهو مادري ايش اقول.
ورجعني البيت وطلع الجامعه يذاكر وسب واهانات ومراسلات بالجوال وبعدها رجع البيت وصلحت له العشاء تعشى ونام انا مانمت جلست افكر بعدها نمت جنبه.
في الصباح صحى من النوم وجالس يحاول يعتذر ويلطف الجو لكن انا ابداً ماكان لي نفس اطالع بوجهه ماعطيته وجه وكلمه مني وكلمه منه ارتفعت اصواتنا وتهاوشنا من جديد ويطلع الي في خاطره كله ويسبني ان وحده من صديقاتي جابت لي غداء عشان كنت تعبانه وقلت وش فيها اذا جابت قلت له والله لو احد من اخواتك تعبانه ومتزوجه والله ماتطبخ قالي لاتجيبين طاري خواتي ع لسانك ترى 27سنه معهم مو مثلك سنتين!!!!!!!!!!!!!
انا هنا تنرفزت كثير وعصبت وطلعت من طوري قمت واخذت شحاطتي وضربته فيها وضربته وضربته وقلت له الله والاشكال عاد استغفرالله اقصد اخواته قام عصب وطلقني طلقه بعدين طلقني طلقة ثانيه علماً اني كنت حااااائض وكانت عندي بداية الدورة الشهريه وبعدها طلعت من البيت حسيت اني مخنوقه وبموت وبعدها رجعت البيت ونمت وزوجي كان طالع وهددته اني برجع السعوديه وقالي طيب بس حسيييييييييييييييييت انه تندم قد شعر راسه وشفت الدمعه بعيونه وجلس يتعذر مني ويتسامح وكلاام كثيررر ويبوس رجولي حس بغلطته وتندم ويحاول يراضيني باي شي لكن انا نفسيتي تعبانه ومتضايقه ولا قادره ارجع مثل اول جالسه بس اجامل معه.
قلت واحد طلقني وانا جالسه معه ومتغربه عن اهلي صارلي اكثر من سنه ولاقّدر العشره ولاشي
ودايماً احس بعدم الامان معه واهله ولايفكرررون فيه واخواته والله ولايدرون عنه ولا يوم احد رفع السماعه عليه علماً انه اكبر منهم.
عطوني حل تكفون انصحوني نفسيتي تعبانه اخاف استمر معاه تكون كلمة الطلاق على لسانه اي وقت ويطلق وانا ماكلمت ولا احد من اهلي ولا خبرتهم بشي ؟؟؟؟؟
زوجي نمط شخصيته جنوبي غربي