أهلا مغربية كيف دايرة مع شي خدمة وياله ماتكوتيش غشاشة جيبيناءشي حاجة من الصويرة عرفتي صيفت فييها واحدالعام بصح غير ثلاتة أيام دازوا غزالين ماكرهتش نعاودها من جدبد

هبهوبة أش خبارك لباس عليك إوا أش غادي نقلك هادوك الشربات دياولك راني حفضتهم عندي في pc حتى يفوت رمضان إنشاءالله عاد نجرب فيهم حيت مول الدار قالك مايستغناش على الحريرة البلدية فى رمضان ماقلتيناش شكون بلاصة فاش كاينة أنتي

او هاذي شربة ديال الحوت خف منها ما كان ,خوذي طنجرة و ديري فيها لتر ديال الماء و عمليها فوق النار لوحي فيها قرنفلة و حبة هيل وورقة سيدنا موسى و خليهم يطبخو بيدما قطعت جزرة مكعبات صغاااار ديريها معاهم زيدي راس ديال الثومة محكوك و عصير نص حامضة زيدي ايضا الملحة و البزار وراس الملعقة ديال سكين جبير وشوية ديال التحميرة و ملعقة صغيرة زبدة , فزكي نص كاس ديال شومنيون نوار و قطعيه او ديرىه معاهم ,من بعد قطعي واحد الفيلي ديال ميرنة شي 200gو شي كمشة ديال الكروفيط مقشر زيدي العصير ديال ماطيشة واحدة ,و الفيرميسيل شينوا دايز فالماء سخون و مقطع خليها تطيب جوج دقايق و قدميها مع بريوات بالحوت و الحامض مقطع ربوعة فطبيسلات ..و بالصحة

اويلي وعدي شحال فتوني راه هاد الحرامي مابغاش يخدم ليا تلع ليا الدم راني وليت كنحلم بيكم هههههه
المهم رمضان مبارك احنا مازال ماصمنا خاصني نمشي نوجد سحوري تهلاو في راسكم

ايوا هانا جيت لا تقولي راني ما جيتش ...دزت باش نسلم ساعا ما لقيت حد مشطونين مع الحريره واقيلا
يا الله دوزوا بخير
و بعويده وجدي حريرتك و الشباكيه حنا را غا نجيوا نهجموا عليك في شي فطور