roh liman
•
بطبوط بالقمرون
أختي حبحوبة الله يعطيك الخير ويجزيك ربي باش بغيتي دنيا وآخرة ، وتبارك الله راكي فايتة الحادكات لهيه... وهادوك الشربات ديالك هما علاش كنت تنقلب ، وانشاء غادي نحط ليكم انا كذلك شي شربات وتمناو يعجبوكم
habhouba
•
من عنية.. حنا را رمضان بدا ليوم .و بالنسبة للشربة كاين رافيولي ديال الدار بلاصوص ديال ماطيشة, خوذي بصلة مشلضة و شحريها فمعيلقة ديال le beurreوالملحة و الابزار وضامة ديال الدجاج من بعد ديري عليها نصف لتر ديال الماء و خليها تطيب, في هذيك الاثناء عجني عجينة عادية بالماء والملح قياس مسمنة واحدة دلكيها مزيان و دهنيها بالزيت و خليها ترتاح بيدما طحنتي ثلاثة ديال ماطيشات من بعد ما قشرتيهم و حيدتي ليهم الزريعة زيديهم على الماء و البصلة ,و وجدي شوية الكفتة مع المعدنوس و الفروماج محكوك و العطرية ما عدا الكامون, عمليها كويرات قد البية و خوذي طرف ديال العجينة ما بين صباعك و جبديه مزيان بحال الرغيفة و عملي فالوسط ديالو كورة ديال الكفتة و جمعي الجناب حتى يولي عندك بحال الكيس ديال البونبون جمعيه مزيان لا يتحل فالطياب و بنفس الطريقة كملي الباقي رجعي دابا للطنجرة زيدي فيها شوية ديال التحميرة و رشيشة ديال الزعيترة يابسة و جهدي عليها العافية و بداي تلوحي هذوك الصريرات وحدة بوحدة خليهم يطيبو خمسة ديال الدقايق و ايلا جاتك عاقدة زيدي الماء
صباح الخير والخيرات حنا في المغرب رمضان راه غدا أهله الله علينا باليمن والبركات وكل عام وانتوم بخير عصفورة وعرموطة وسبرينغ وفلور غوز والمؤدبة وروح ليمان وفتيحة والمغربية وكلشي البنات كل واحدة يدخل عليها الشهر الكريم باش تمنات ياسيدي يا ربي ونشوفكم ديما في العالي تتلالو. إوا كيف جيتكم صباح واش من صباح هذا.صباح الخير والخيرات حنا في المغرب رمضان راه غدا أهله الله علينا باليمن والبركات وكل عام وانتوم...
لقيت لكم الغزالات واحد مولاي العصير كيسمع ويقول وقررت باش نجربوا وقولت مانخليش حبيباتي لازم حتىهما يجربوه غير بصح إلا داخت شي وحدة فيكم عنداك تدعي عليا:024:
اللوز
الحليب
سنيدة
غلي الحليب ورمي فيه اللوز مغسول5دقائق
من بعدصفي الحليب من اللوز وحيدليه القشرة ورمي الكل في مولينكس وتقدري تضيفي ماء الزهر إلا بغيتي ةخليه ساعة في الثلاجة ومن بعد قدميه
اللوز
الحليب
سنيدة
غلي الحليب ورمي فيه اللوز مغسول5دقائق
من بعدصفي الحليب من اللوز وحيدليه القشرة ورمي الكل في مولينكس وتقدري تضيفي ماء الزهر إلا بغيتي ةخليه ساعة في الثلاجة ومن بعد قدميه
الصفحة الأخيرة