ام سارة هانا كاينة هنا كيف دايرة
مغربية شكرا على العصائر ونورتينا
منى كوكو مرحبا بيكم معانا في هاذ اللوبي
هبهوبة كيف دايرة
عرموطة عيقتي غابرة باغا تبياضي
المؤدبة دائما كيف دايرة وكيف بقى خوك الله يشافيه
اوا عطيوني شي وصفة راني تنقكر اش ندير للفطور ليوم
واش بغرير واش مسمن معمر حرت

الى الأخوات حبحوبة وأم سارة.... وكل لحبابات اللي كيهمهم الأمر
عجينة الكرواصا
كيلو الا ربع دقيق جيد أنا كنستعمل تريا ديال الباكية + خميرة العجينة ملعقة كبيرة + 1 خميرة ألزا ، 2 بيضات + كأس صغير زيت + كأس صغير سنيدة + ماء دافئ للعجين + ربعة مركرين " لـذة أو بونا " وليس " زكية" أو ربعة زبدة رومية تكون مثلجة مزيان
عجني المقادير كلها ماعدا ماركرين بالماء الدافئ ويجب أن تكون العجينة مطلوقة بش كتجي كرواصا رطبة خليها ترتاح نصف ساعة بعدها رشي مائدة بالدقيق وسرحي العجين على شكل مستطيل وحطي فوقها قطع مركرين او الزبدة وورقيها بحال العجين المورقة واعطيها 3 tours بين كل واحد خليها ترتاح 10 دقائق ، لما تنتهي ديري بها petit pain croissant ou brioche وضعي الشكلاط وسطها ، ودهنيها طبعا بأصفر البيض، المهم الى بغيتيها تخرج زينة خليها تخمر مزيان حتى يتضاعف الحجم . هاد الكرواصا راها ديال الباتسري وراها كتخرج غزالة بزاف المهم تبعوا الخطوات اللي قلت ليكم عليها وغادي تشوفوا.
ويمكن ملي تطيب تدهنوها بالكونفتور وهي باقي سخونة وترشوها بالكوك أو كاوكاو او اللوز مهرمش.
ممكن تجعلو منها بريوش وتخلطو العجينة مع fruits confits coupés أو الزبيب
ممكن تعمري الكرواسا عوض الشكلاط ... باللوز مصلوق ومطحون مع السكر مخلط مع قليل أبيض البيض أو الكوك تعملي ليه نفس الشيء ، المهم هاد العجين راها la base ديال شحال من حاجة ، ممكن تعملي منها shnaik
واتمنى نكون فيدكم يالعزيزات ولهلا يجعلنا نبخلو على بعضنا

صباح الخير والهنا أختي روح لمام ، بصحتك التفجيجا في الصويرة ومرحبا بيك في بلادك الثانية ، هي الصويرة زوينة وصغيورة ونظيفة ما كيخسرها غير داك الريح ، كتولي بحال الصحراء لا تحتمل ، وراني والله ما غشاشا غير الظروف والخدمة ، وهاد الحرامي ديال PC اللي حتى هو معاكسني ، وغير كولي الحبيبة أشنو حبات لخاطر وانا نلبي.
نهارك سعيد

سلام عليكم يا بنات... ايوا هذا نهار التاني ديال رمضان ... وانا غاني سخفانة .. راني حاملة فستشهر او السيمانة الجاية غاد ندخل فالسابع ان شاء الله ... ايوا راني كنكابر ... بغيت نعرف شكون اللي دوزت الحمل فرمضان....
أم سارة .. بالنسبة لمعقودة أختي .. انا كنصلق بطاطا او كندير ليها شرمولة (ملح-ابزار-كامون-طحميرة- حرور- عصير حامض) تم كنخلط معاها بيضة ونكورها ونديرها فالتلاجة نصف ساعة تم ندوزها فالطحين تم فالبيض مطرب تم فالشابلير (الخبز محكوك) ونقليها واكلة شهية الـــزيـــــــــــــــــــــــن ـ
راني دايمان كونيكتي فالخدمة حتى التلاتة الى خصك شي حاجة.
امال ........ المغرب زويـــــــــــــــن ... اوكيسلم عليك الحبيبة .....الله اجيبك بالسلامة

maghrebiya كوليليا الزين واش انتي فالصويرة ؟ انا كنحماق على هديك البليدة .... واخا الشرقي كينتف ... ملي كيكون الجو زوين كتكون غزالة ... الصويرة مدينة رومانتيك...ديال الشاعرية ... انا ملي كنمشي ليها كنرتاح ..بزاف ملي كتكون خاوية ...