اخوتاتي limalmarوأم سارة غير صبروا شوية وربي معاكم وكلشي راه مغفرة للذنوب
وتذكروا قول الله سبحانه :" حملته وهنا على وهن" وكذلك "حملته كرها ووضعته كرها"
وتهلاو فراسكم بكثرة شرب المياه المعدنية وكثروا من الخضروات والفواكه ، والأسماك البيضاء لأنها خفيفة الهضم وبعدو من المعجنات والسكريات وكولو التمر في السحور راه صحي بزاف غير ماتكثروش فيه لأنه كيغلظ البيبي وتمشاو مزيان والله يعطيكم بش تفرحوا

maghrebiya الله يبارك فيك اوا تواشا عندنا معاهم ليو م ان شاء الله ندير البغرير كيجي بنين الى تدهن بالزبدة البلدية والعسل يا سلاممممممممم
وغادي ندير عصير الليمون والفريز كيجي تيحمق مع خلاص كاين الصهد بنادم كيشحف راني مستوكيا لفريز فالفريكو

البنات راني ولفتكم ....الجماعة زوينة...
اللي كيعجبها البغرير ...هادي طريقة سالهة ماهلة :)))
2 كيسان سميدة رقيقة
3 كيسان ماء دافي
1 خميرة حمراء
معلقة صغيرة خميرة عادية
قبسة ملح
دوزي كلشي فمولينكس وخليه اخمر شوية ..وراك عارفة الكمالة .... وبالهنا والشفا

للا أم سارة اليك هذا الكراتان بالبطاطس والكفتة

ضعي قليل زيت في مقلاة زيدي عليه بصلة مشلظة ، الكفتة ، ابزار ، ملح ، كوزة ، قرفة ، القزبو ر حركيها حتى تطيب قليلا بلا ماتيبس.
صلقي كيلو بطاطا طحنيها اضيفي اليها 6 بيضات ملح وزبدة
دهني مول بالزبدة سرحي فيها نصف كمية البطاطس وضعي فوقها الكفتة وفوقها دوائر بيض مصلوق وفوقهم النصف الباقي من البطاطس ثم دهنيها بأصفر البيض وطيبيها في الفرن حتى تتحمر
وقدميها ساخنة ، ونتمنى تعجباك

وإنشاء الله غادي نعطيك وصيفات اخرين والله يجيبنا في الصواب