maghrebiya :

الى الأخوات حبحوبة وأم سارة.... وكل لحبابات اللي كيهمهم الأمر عجينة الكرواصا كيلو الا ربع دقيق جيد أنا كنستعمل تريا ديال الباكية + خميرة العجينة ملعقة كبيرة + 1 خميرة ألزا ، 2 بيضات + كأس صغير زيت + كأس صغير سنيدة + ماء دافئ للعجين + ربعة مركرين " لـذة أو بونا " وليس " زكية" أو ربعة زبدة رومية تكون مثلجة مزيان عجني المقادير كلها ماعدا ماركرين بالماء الدافئ ويجب أن تكون العجينة مطلوقة بش كتجي كرواصا رطبة خليها ترتاح نصف ساعة بعدها رشي مائدة بالدقيق وسرحي العجين على شكل مستطيل وحطي فوقها قطع مركرين او الزبدة وورقيها بحال العجين المورقة واعطيها 3 tours بين كل واحد خليها ترتاح 10 دقائق ، لما تنتهي ديري بها petit pain croissant ou brioche وضعي الشكلاط وسطها ، ودهنيها طبعا بأصفر البيض، المهم الى بغيتيها تخرج زينة خليها تخمر مزيان حتى يتضاعف الحجم . هاد الكرواصا راها ديال الباتسري وراها كتخرج غزالة بزاف المهم تبعوا الخطوات اللي قلت ليكم عليها وغادي تشوفوا. ويمكن ملي تطيب تدهنوها بالكونفتور وهي باقي سخونة وترشوها بالكوك أو كاوكاو او اللوز مهرمش. ممكن تجعلو منها بريوش وتخلطو العجينة مع fruits confits coupés أو الزبيب ممكن تعمري الكرواسا عوض الشكلاط ... باللوز مصلوق ومطحون مع السكر مخلط مع قليل أبيض البيض أو الكوك تعملي ليه نفس الشيء ، المهم هاد العجين راها la base ديال شحال من حاجة ، ممكن تعملي منها shnaik واتمنى نكون فيدكم يالعزيزات ولهلا يجعلنا نبخلو على بعضنا

الى الأخوات حبحوبة وأم سارة.... وكل لحبابات اللي كيهمهم الأمر عجينة الكرواصا كيلو الا ربع...