السلام عليكم أسمه برزطم
نبتة برية لا تزرع تكون دات جدور في الأرض ووريقات على السطح يستعمل الجدر في علاج أمراض عدة مثلا يستعمل مع العسل لعلاج الحساسية لكن بكمية قليلة مقدار حبة حمص لأنه مر جدا
بعد قلعه يغسل يهرش وينشف تحت أشعة الشمس و يطحن
للأسف ما عندي صورة معلومات من عند ماما أدعوا لهل بطول العر و يبارك لي فيها

البنات المهلبية ما عمري صاوبتها ولكن اختي تاتقنها غادي نعيط ليها ونرد عليكم الخبار

وهذاك المصيبة ديال برزطم راها نبتة مسمومة عنداك تاكلوها

اليوم جبت ليكم الخبز اللبناني ديال الشاورما بالخصوص خوذي كاس ديال الفورص و ملعقة صغيرة من الزبدة و ملعقة صغيرة سنيدة و ملعقة صغيرة حليب غبرة والخميرة العادية والملح والماء دافي ايوا عجنو ودلكو مزيان و عملوها كويرات قد الخوخة و غطيوهم وخليوهم يخمرو على الاقل ساعة ونص من بعد سرحوهم بالوراق و خليو السمك واحد ملمتر و ديروهم فمقلة سخونة بلا حتى مادة دهنية وللي طابت لويها بالزربة فمنديل لاتنشف ايه و ضروري اوهوما كايطيبو يتنفخو حتى يتفرق الفوق على التحت والا خليهم يخمرو مازال

وهذي شهيوة ساهلة ماهلة يمكن لك تعمليها فأي وقت خصك كاس ديال الفورص و ملعقة كبيرة زبدة و ملعقة كبيرة زيت العود و ملعقة كبيرة حليب غبرة وملعقة صغيرة سنيدة و الخميرة دالخبز والملحة والماء دافي و إديها مية تديك طراوة وأنا تانفضل نعجن بالماء حسن من الحليب باش تخمر مزيان حيث الحليب تايثقلها المهم مللي تعجنوها عملوها كورة و خليوها ترتاح ساعة من بعد سرحوها بالوراق و قطعوها بالفم ديال شي كاس كبير حوالي ستة سنتمتر فالقطر و عملو فيها طرف ديال كيري ماشي وحدة كاملة غير نص و سدوها غادي تجيك تقريبا بحال كعب غزالة عريضة شوية و يمكن لك تلويها بحال كرواصة ودهنيها بمح البيض مخلط بالحليب و دخليها لفران دافي تخمر شي عشرة دقايق عادباش شعلي عليها شي عشرة الدقايق فنار مهيلة وهاهي واجدة والزيت العود راه اختياري ولكن تايعطي اللذة والمذاق و يمكن ليك تنوعي فالحشوة ديري الكفتة والفرماج او المعقودة بالبطاطا و ها انت را غا تندمي علاش صاوبتيها حيث غايطلبوها ليك كل نهار ويلا درتيها فالفريكو وكل نهار سخني القياس را غا ترتاحي ................................................................................................................................................................................................................................................................شي وحدة واثقة من الوصفة ديالها