ها واحد السلااااااام عليكم , والاهيلا توحشتكم البنات , توحشتكم بزاف بزاف بزاف كاع بلا قياس وراتي عرافه حتى نتوما توحشتوني :) زعما شي وحده واتقه فراسها :27: ايوا غي اسمحو لي على التعطال وماديروهاش مني قلة صواب , راني النهار كامل وانا جري عليا نجري عليك وغي كنفطر وكنتقلب , ماكانبقا عاقله على راسي من رجليا :D
ايوا اش بغيت نقول مازال , اه وكانوجد للعيد باش ماطراش ليا بحال رمضان بقيت غي حاله فمي وساهيه تالنهار الاول فرمضان وملي مشيت للجمعيات ولا السوبرات مالقيت علاش نحط يديا كل شي مسالي وابحال لا دايزا عجاجه كاشطه كل شي الله يستر :D
ايوا زعما بغيت نحداك والنهار كلو وانا اندور فالاسواق نشري ونبدل وحالتي حاله نجري ونعتر فجلايلي , الحماق صافي

اه حقا شكرا ليكم على التسوال , شكرا لكاع البنات لي سولو فيا وحتى لي ماسولوش راني عارفه راسي عزيزه عليهم واخا مايسولوش , التقه زعما ماتخموووش:30:
ايوا يالحبيبات , نتوما كيدايرين
عصفوره راني عرافاك نتي الاولى غتقراي المساج ديالي حيت تبارك الله عليك كتجي مع النبوري ايوا هانا غنخلي ليك شويه ديال الحب تنقبي فيه على ماتلاقينا , صافي يالزين.
فلوغ غوز اش خبارك وكيداير راجلك وكيدايرا كازا فهاد رمضان , ياكما مزوهره بحال ديما وكيداير الوليد
روح ليمان انوسه المؤدبه ام ساره فاتي فلوغ والبنات كلكم بلا استثناء كنخاف انسى شي وحده وتقلق عليا ايوا اخوتاتي اعذروني راه راسي كيون عليا وقلت اندوز انسلم عليكم
منال يا حبيبتي الله ايهون عليك والحمد لله على كل حال , واحمدي الله ملي عندك بنيتك انشالله تفرحي بيها وتشوفيها عروسه , وهاذا امر الله , ولاكن بغيت انقول ليك واحد الحاجه , شوفي انتي حاولي ديري لي تقدري عليها ولاكن ماتخليش هاد المشكل يولي هوا همك وتعيشي فيه ليل ونهار , راه غايأتر على نفسيتك بزاف , الحياة زوييينه وفيها مايتشاف, عيشيها طول بعرض , راه عنداك تأتري على بنيتك مسكينه , ديما تشوفك مهمومه ,وبقات لك غي فلي غيكل تانتي , المهم هو تكوني آليز وراجلك مزيان معاك وحتى الا ماكانش مزيان شغلو هاداك , كاع ماتفقصي راسك , راه كل شي بامر الله , ديها فراسك , وديري ليك نيو لوك , وبدلي الديكور ديال دارك , وسيري الماريو شوفي حوايجك , الي مافيهاش الحيويه والوان مريحه زوليها عليك وديري شوبينغ , وحاولي ديما اتكوني فاحسن صوره , ماشي للناس , ليك نتيا , وماتقوليش ذبلت , انا كنقوليك هاد الشي عن تجربه , حيت حتى انا ففتره من الفترات حسيت نفسي بلت , حسيت بحال لا عمري 60 عام وانا يالله ديك الساعه كنت 22 , مابقيتش نحمل انشوف كمارتي فالمرايه , وحاسه راسبي عايشه غي هاكاك واخا عندي الولاد , راه ماشي كل شي فالدنيا الولاد .. ايوا وانا اندير انقلاب على راسي .. الحمد لله نتي باقا اصغيره , ايوا تبرعي ليا مع راسك , راه كل شي على النفسيه

ليمالمار الله يفك وحايلك على خير , انا ماعرفتش علاش البنات كايخافو من السيزاريان , انا ولدت ولادي بتلاته سيزاغيان , الاول تكرفصت فيه حيت كنت خايفه زعما وباغا نولد طبيعي ولاكن غي جربتها صافي حتى فبنتي التانيه انا لي اخترت القيصريه , ياختي راحه, ماكاين لا وجع لا مولايبيه , وكاندير غي بنج موضعي , كانبقى فايقه ونشوف بعويناتي تاكيخرجوه ويتي ويتي , ويجيبوه ليا انبوسو ويديوه .
واخر مره كانت ساهله كاع لدرجة تبارك الله نهار السبعيام هزيت الطوموبيل وخرجت نطوطح وانا ناكلها فصحتي , كليتها مزيان زعما بالعين
ولاكن راني عيقت , حيت كنت عارفه النهار لي غنولد فيه ايوا موجده الباليزا ديال السبيطار , ومشيت لك للكوافوره صبغت شعري وصوبتو ودرت لا سيغ للحمي كلو ودرت حمام مغربي فالدار , وملي بغيت نمشي للسبيطار درت الماكياج للحمي , اللوسيو لي فيه اللمعه ولا بودغ ديال اللمعان حتى هيا والمكياجات , راجلي قالي لي واقيلا نتي فالطه را غادا تمشي للسبيطار باش تبيضي مانتيش غادا للحضور هههههههه ولاكن انا ماكايناش هنا , ايوا ملي ولدت وخرجت وجهي بقا كيشعل , لي دخل عندي كيقول لي بحال لا كاع ماوالده لا بعمليه ولا بغيرو
ايوا مانعاود ليكمش اشنو طرا ليا من بعد , كليتها فصحتي بالبيان

حتى انا فاش كنحمل التسع شهور كلها وانا كنتقيا حاشاكم .. وبالنسبه للوحم , ملي كنحمل راجلي هوا لي كايتوحم عليا ماشي انا لي كنتوحم عليه , غي كنولد ونسالي صافي كيرجع كيف ماكان وانا ديك الساع عاد كيجيني الوحم عليه هههههههه
بالنسبه للتوجاد ديال الصاك , انا غي كنعرف اشنو عندي ولد ولا بنت وكنمشي نوجد , يعني من الشهر الرابع , باش يكون على تيساع واتشوفي داك الشي لي بغيتي على خاطرك , ولاكن ماتكتريش حيت التربيه دغيا كتكبر وخصك تشري عاوتني , انا كنوجد داك الشي الاساسي من 0 حتى لعام , واللبيسات على حسب الموديلات لي نازله , واحسن شي للتربيه هما دوك البيجمات الكاملين لي بتقاشرهم , واختاري ليك الالوان الممفرحه , ماشي غي البيض البيض , وماتنسايش راسك , شري ليك شي بيجامات فاش ترضعي وشي بيجامات ملي يجيو عندك الناس .

هبهوبه اش خبارك يالزين وكيبقات ماماك , وفلوغ غوز الله يشافي ليكم ماماتكم يالكيدات , هادا واقيلا هوا لي كيسميوه ترقق العظام . الله يحفظ لينا مواتنا من كل شر
سبرينغ اش خبارك واش درتي من بعد السطاج
مينه البيضاويه تبارك الله عليك والله يوفقك
البنات واش شفتو الديفيلي لي حطوه فدوزيم ديال زهور الريس , واش شفتو دوك التكشيطات ودوك القفاطن , نااااااااااري , راني بغيت انهبال , انا كنحماق على لبسنا المغربي , عرفتي ملي كيجي عندي شي ضياف هنايا كنلبس داك الشي ديالنا مع الاكسسوارات , كيطلع واااااااااااااو
انا حمقاتني ديك التكشيطه الخضرا , بقيت غي حاله فمي , التوب بسيط وناعم ولاكن فنفس الوقت فخم , بغيت بحالو تايانا ماشي سوقي , قلت لماما عليه ووصفتو ليها وغاتصابو وتسيفطو ليا , يالله موتو بالغيره