منى الكبيده , كيدايرا ياختي لاباس عليك , تا انا توحشتك , شوفي عنداك تغبري علينا , راكي عزيزه علينا وهضرتك حلوه , وباينه عليك طيبه
ولاكن واقيلا مشغوله مع العشر الاواخر , ايوا ,شوفي راه العايله ديال صحاباتك راها منشره , عصفوره وفتيحه راهم من نفس العايله :)واجي قولي لينا اشنو وجدتي للعيد
اه وبغيت انسولك مازال , نتي قلتي لي ان ماكاينش بالمنتدى لي كيهضر بلهجتك , ياك انتي من الشرقيه ... حيت كاين هنا تجمع اسمو الدلع شرقاوي .. واش معانتها ان البنات لي فيه من المنطقه الشرقيه ولا انا غلطانه
وانا را عزيز عليا نتعلم اللهجات , عرفتي , كنبقا مقابله طاش ماطاش , تبارك الله عليهم كيقتلو بالضحك , وكيحطو ناس من مختلف المناطق السعوديه ومختلف اللهجات , انا كيعجبني ناصر القصبي واااااااااااو كنحماق عليه خصوصا ملي كيدير راسو شايب بو هزار . زعما عجيبيين هاد الممتلين شفت ليه لقاء , طلع الرجال اهو كذا بالواقع , يعني شخصيتو فنكيه , كنموت عليه , غي بيناتنا ماتقولوهاش لراجلي

السلام عليكم ...
كيدايرين واش لاباس ؟ اش كتعاودو كاين شي جديد هانا معاكم .....ولا كاين شي شهيوة مغربية اصيلة ..بسم الله انا واجدة ههههههههه او لا غير كويس ديال اتاي منعنع مع شي كعيبات ما كاين باس نصبرو ليكم :):)

البنات واش كتشوفو قيرقيعان , برنامج كوميدي كويتي , انا كيعجبني ولاكن دارو واحد الفلاش خايب , دارو راسهم زعما مغاربه والمره مشات كتقلب باش تسحر لراجلها , انا ماعرفتش علاش تقريبا بكل الأعمال الخليجيه الا بغاو يجيبو سيرة المغرب كايدكر السحور , بحال الا بالمغرب ماعندنا لا شغل ولا مشغله , غي هازين مجامرنا وطالقين بخورنا وجالسين سحر ليا انسحر ليك , حتى واحد النهار دارو لقاء مع يوسف العماني ولا واقيلا يونس ملبقيت عاقلا على سميتو , وهو كيحماق على المغرب وكيغني اغاني مغربيه غنى كان يا ماكان ديال الدكالي , ايوا وهوا يقول ليه المديع ايوا كتمشي للمغرب وتلاقا مع صحابك المغاربه باش اديرو السحور , عرفتي كان غيفلقو بواحد الطفايه

واقيلة غير انا بوحدي اللي هنا ...وفينك العرموطة ياكما نعستي

انا كنغبر وملي نجي كنبقى على التبرويل
كورا افرعت ليكم راسكم بقوة الهضور , ولاكن ماشي شغلي , سمعوني بزز منكم .
اه نسيت ماقلتش ليك ا عصفوره راني جربت الشوربه ديالك وطلعات دايزها الكلام , ودرت واحد السلطة مستوحاة من افكاركم
مشيت قلت غنشوف اشنو كاين فالتلاجه باش ندير شي توشيه , ايوا وانا انطلع فلفله خضرا بارده , وفلفله حمرا بارده حتى هيا وفلفله صفرا وفلفة ليمونيه ايوا وقطعتهم شرائح و طلعت بيبي مدخن حتى هوا قطعتو شرائح على الطول ومعدنوس فرمتو واشنو مازال وعصرت عليهم شويه دالحامض وزدت عليهم ابزيره وازيته , ومعا كنت متأثره بفلوغ غوز وهبهوبه وفاتي دايما فين ماكايحطو شي وصفه كيقول لك خلطو كل شي , تا أنا خلطت كل شي , وانا نتفكر فلوغ غوز ديما كتقول حكي عليه الفرماج الحمر باش يطلع بنين حتى انا حكيت على هاد التخربيق لي درت الفرماج احمر , عرفتيوا . طلع شهوة منو , راجلي قال لي فين مخبيه هاد المواهب , قلت ليه ايوا شفتي كيفاش , را غي ماكنساليش مع الدراري وصافي ولا انبرعك هههههه معرف منين